的士司機因為工作關係，通常為了方便開工的日子都會在外解決三餐，日前有女網友分享搭的士時竟然見到車上有一個電飲煲，而司機更大方打開煲蓋給她看！
網上截圖
司機讚飯煲好用仲打開俾網友睇
從女網友上載至社交平台的相片見到，司機與前排乘客座位間的空位，放置了一個偌大的電飯煲，電飯煲還特地用一個膠籃載着，她表示「第一次係的士裏面發現電飯煲，司機仲講好好用，仲打開比我睇，之後‧‧‧‧‧‧」
網上圖片
樓主揭盅：裏面煮了飯好似有臘味
雖然網民都未知飯煲內有甚麼，但大家都對在的士內擺置電飯煲感到詫異：「癲！」「真係冇諗過！」「給你家的感覺！」「坐的士送飯？」有網民更留言追問，「好奇佢點煮餸」樓主回覆表示「打開勁香既飯味。」並指裏面煮了飯，還好似有臘味。網民再問「司機的午餐？」樓主表示應該係，網民搞笑地回應「有冇請你食飯碗？」
網上圖片
網友體諒：都係搵餐飯仔食啫
不過有網民就擔心車廂內有飯煲會充斥飯餸味，好難頂「唔理佢飯香定也味，公用車廂內有味道唔係咁好喎，起碼我唔受先！」但有網友就表示可以體諒「唉，都係搵餐飯仔食啫，餐餐出面食又貴又唔知食咩，唯有煲啖飯整條臘腸囉，臘腸撈飯都好食架。」
有網上求職平台分享了一個有趣個案，人事部問求職者：「你覺得一隻斑馬係黑底白條，定白底黑條？」雖然求職者當下有點錯愕，但最後他的答案卻令對方相當滿意，而且還立即獲取錄！
設計圖片
求職者冷靜回答HR職員嚇呆
社交平台搵工專頁近日分享了一個求職個案，指有求職者在面試期間，被人事部職員問了一條奇怪的問題「「你覺得一隻斑馬係黑底白條，定白底黑條？」他當下呆了，之後冷靜地回答到「無論乜底乜條，我嘅目標都係帶領佢跑第一！」職員被這個答案嚇呆了，但最後卻錄用了求職者，並讚他「應變力一流」！
平台總結：最緊要你嘅創意同機智！
然後平台總結這個個案所學到的智慧，指「職場問答未必真係要『標準答案』，最緊要係見到你嘅創意同機智！ 」
網友批評問題白痴：HR對唔住佢份「專業」
帖文引起網友熱議，大家似乎不太認同人事部以這種「無厘頭」的問題去考核應徵者，批評「個hr係代表公司請人，如果問得出呢d白痴問題，對唔對得住佢份「專業」」、「問呢條問題係有咩用？係用嚟access啲乜野？ 」「呢啲叫9唔搭8 」、更有網民嘲笑說「我就未見過賽馬有班馬喇，條友真係唔識㗎喎」 、「無端端做咩要斑馬跑第一 」、「個HR好似以為自己問得好有智慧咁」、「我想知個HR想聽咩答案」等，不過就有網友質疑個案的真確性。
示意圖。《愛回家》劇照
