網傳有夫婦將資產轉移給成年的長子，與幼女輪候公屋，最終獲派粉嶺皇后山邨單位，亦成功申領綜援，更私下收租度日。
有夫婦將資產轉移給成年的長子，與幼女輪候公屋，最終獲派粉嶺皇后山邨單位。（資料圖片）
有網民於Facebook群組「香港公營房屋討論區」發文，表示認識一對街坊夫婦，自稱一早將所有資產包括2輛車和物業，轉移到他們22歲的長子名下，然後二人以無業身份與10歲幼女申請公屋，最終獲派粉嶺皇后山邨一個3至4人單位單位，更成功申領綜援。加上私下有樓收租度日，生活非常安逸。
樓主咋舌表示「佢地自豪地講，佢地有兩架車又有物業，不過資產轉移曬去左呀仔名果度。所以佢哋抽到公屋，又有綜援拎，又有樓收租，生活好休閒。但我又諗唔到可以點舉報，又好似真係冇犯規。」
雖然，名下的物業已轉移給兒子，但夫婦二人仍可私下收租。示意圖
帖文曝光後，不少網民表示雖然夫婦行為可恥，但並沒有違反法例，舉報都無用「人哋啲資產真係轉咗比個仔⋯有乜可以舉報呢？」、「咁間屋又真系無佢仔個名」、「冇犯規，政策係咁，遵循遊戲規則，眼紅佢地，擧報都冇用」、「公屋無仔名舉乜野報，人地無犯法」、「舉報唔到，個仔無名間公屋沒問題，亞媽送錢比個仔都冇問題喎」。
有人則認為如兒子有同住公屋即屬違法，便可舉報「個仔無名，如果有份住間公屋你咪可以舉報」、「只可以睇下阿仔是否係呢度住 如果係好似唔得架」、「如果無報個仔，而佢係個到住，你就可以舉報啦」、「如果個仔係住果到就可以舉報，但要影低証據」。
夫婦二人無業，更有一名年僅10歲的女兒，成功申領綜緩。示意圖
有網民笑言「人地肯博個仔唔會反轉豬肚既，甘抵佢贏啦」、「第日佢個仔唔帶眼識人，夾埋女人將層樓賣左將錢自己袋晒或者去澳門輸晒，阿媽三口得個嬲字」、「你放長雙眼睇佢得戚得幾耐，佢地實質得返間公屋...其他野很快會俾新抱/反骨仔攬實不放」、「結果個仔俾女人呃曬成副身家」。
有網民預言兒子將來會「反轉豬肚」。示意圖
帖文來源：Facebook群組「香港公營房屋討論區」
