黃智雯到米蘭化身遊客拍片意外拍埋個神偷。
上年12月約滿離巢TVB的黃智雯（Mandy）新劇《再見．枕邊人》下周進入結局，她除了在IG宣傳新劇外，亦不忘宣傳個人YouTube頻道。昨日（22日）智雯有新片上架，片中同粉絲分享首次出席米蘭時裝周的花絮，而且仲到處觀光，期間意外拍到被神偷偷去財物的一刻。
點擊看圖輯
到米蘭大教堂（Duomo di Milano）打卡
智雯首次被邀出席米蘭時裝周
影片紀錄了智雯一連五日的米蘭之旅，首次被邀的黃智雯出發時顯得相當興奮，到當地時亦打扮靚靚去睇騷，之後為品牌拍攝硬照。黃智雯亦抽空與好姊妹胡杏兒短聚，更搞笑地扮迷妹，向杏兒擺街拍Pose。
擺街拍Pose為品牌影硬照
與杏兒短聚
隨後，黃智雯與友人化身遊客到米蘭大教堂（Duomo di Milano）打卡，未幾已被一名白帽外籍女士盯上，這位神偷一路緊隨智雯，以黑圍巾作掩飾，從後伸手入黃智雯的單肩袋中偷取財物，成個過程只是5秒。智雯已即時發覺有異，但財物已不翼而飛了。
到米蘭大教堂（Duomo di Milano）打卡
已被盯上
5秒落手
智雯發覺有異
財物已不見了
黃智雯希望透過今次企劃宣揚正能量！
黃智雯（Mandy）自去年底離巢無綫後，近期活躍於個人社交平台，最近更宣布在她的YouTube頻道播出半真人Show企劃，內容以追夢、勇氣及情緒宣洩等為題，她希望透過今次企劃宣揚正能量，將自己在演藝生涯累積的一點一滴回饋支持她的人。
黃智雯（Mandy）自資追夢企劃，發放正能量。
今次神秘派對，黃智雯可謂絞盡腦汁，為粉絲帶來既驚喜又窩心的感覺。
網上徵集題材
一直以來，黃智雯都有一個夢想，就是自主拍一個節目，將正能量帶給身邊的人，然而過去忙於拍劇的她，遲遲未能實踐夢想，如今機會終於來臨，Mandy決定自資企劃拍攝半真人Show節目，並暫定一連五集，早前她在網上作公開招募有關夢想及勇氣等故事，她說：「今次企劃可以話係由零開始，由籌集故事到拍攝，都係落手落腳去搞， 自主性好高嘅拍攝，過程中，最大困難係挑選故事，因為收集咗好多不同類型，每個故事內容都好好，但又唔可以全部拍出嚟，所以係好傷腦筋。」
黃智雯派驚喜，令Fans Leader非常感動。
黃智雯為Fans Leader（右二）送生日驚喜。
半真人Show企劃開始前，黃智雯決定先為支持她多年的Fans Leader實踐夢想，發放驚喜，為對方籌辦神秘生日派對，作為是次企劃嘅前傳！她表示：「咁多年嚟嘅Fans Meeting都係佢哋為我準備、畀驚喜我，我哋可以話係一齊成長，有部分fans更加係我睇住佢哋長大，好似今次Fans Leader咁，佢好似我嘅縮影，佢由以前驚驚青，到而家成為Leader，好似我以前都好冇自信，但為追夢竟然有勇氣放棄空姐入行，入行後亦要有勇氣面對好多人、挑戰好多新角色。」
黃智雯為粉絲親自下廚。
下廚笑料百出
為了今次神秘派對，Mandy可謂絞盡腦汁，除了為粉絲們親自下廚外，亦即場開金口獻唱多首歌曲，當中包括由Fans作曲、填詞的《慢遞》，令粉絲既驚喜又窩心，她說：「呢首歌係粉絲送畀我，當時佢哋用咗我啲角色名去填詞，不過今次我就將啲歌詞再填過送畀佢哋，因為有啲說話都想透過歌詞講畀佢哋知！希望可以憑歌寄意，亦係我第一次嘗試填詞！」Mandy續說，為了今次的驚喜，事前準備了一個月，認真有心。而且係第一次落手落腳，絕對係一個好「黃智雯」嘅節目。
為Fans獻唱之前，黃智雯認真排練歌曲。
黃智雯為粉絲作現場獻唱。
不過難得下廚的Mandy，落廚時卻笑料百出，她笑言：「我係唔熟架步啫，加上對住鏡頭煮嘢食會特別緊張。」Mandy自言平時在家入廚定必關門，老公亦不敢騷擾：「我煮嘢食好似冥想咁，要好寧靜，我通常都會關門，然後上網睇住食譜，自己一個人沉醉喺廚房，唔可以畀人騷擾。」問到老公對她廚藝有何評價？Mandy笑說：「婆婆同媽咪煮嘢食都好叻，我一問，佢哋就會教我點煮，所以我深受佢哋影響，老公可以食到家傳味道，佢係好感激嘅。
黃智雯感激粉絲們多年支持。
