網友在網上分享,觀塘有人將一個大紙皮箱放於私家車車頂,然後乘客從左右兩邊車窗伸手出車外扶著,網民形容「人手飛機帶」。
![(FB影片截圖)](https://image.bastillepost.com/555x/wp-content/uploads/hongkong/2024/04/20240328_CR_source-web_car.jpeg.webp)
(FB影片截圖)
觀塘驚見「人手飛機帶」
有網民於Facebook群組「車cam L(香港群組)」上載影片,表示事發地點為觀塘偉業街,影片顯示一輛私家車車頂上放著一個大型紙皮箱,車前座和後座的乘客分別從左右兩邊的車窗,將手伸出車外扶住紙箱,而私家車車尾亦掛著兩部單車。樓主邊拍片邊指:「舞來舞去,一定俾人周呀!」又揶揄「人手飛機帶」。
![(FB影片截圖)](https://image.bastillepost.com/571x/wp-content/uploads/hongkong/2024/04/20240328_CR_source-web_car2.jpeg.webp)
(FB影片截圖)
網民:call車錢都慳
影片曝光後,有網民嘲諷司機「call架車2百幾都慳,衰過乞兒」、「有冇腦㗎」、「我哋做運輸,聽到有人話架車唔夠位裝貨,都會講笑叫佢將啲貨擺車頂,估唔到真係有人會咁做」、「上面放多兩籠雞仲得」、「驗車唔驗腦就係呢啲」、「都唔知條飛機帶貴定對手貴」、「又單車又貨,call van算啦,一喺下次買車買部大部啲」、「舉到手跛都未到」。
![(FB影片截圖)](https://image.bastillepost.com/554x/wp-content/uploads/hongkong/2024/04/20240328_CR_source-web_car3.jpeg.webp)
(FB影片截圖)
網民:罔顧道路安全 猶如馬路炸彈
不少網民亦炮轟司機罔顧道路安全「叫架van好平,跌咗落嚟整到人架車或抄張牌,得不償失」、「應該係違反交通條例,違反法例的」、「馬路炸彈,整親自己整親人都唔好啦」、「一腳brake件野飛向前鎚爛擋風玻璃+頭冚」、「智障炸彈, 轉個彎係則邊既人多得佢」、「無穩妥固定貨物」。
![(FB影片截圖)](https://image.bastillepost.com/554x/wp-content/uploads/hongkong/2024/04/20240328_CR_source-web_car4.jpeg.webp)
(FB影片截圖)
違反道路使用者守則
根據運輸署《道路使用者守則》,車上的貨物必須綑紮妥當,有需要時,應把貨物蓋好;不可讓貨物接觸路面;確保載貨的車輛或拖車不會對車上司機、乘客或其他道路使用者造成危險,或對道路或財物造成損毀。如車上載有伸懸於車外的貨物,貨物不可伸出車前超過1.5米、車後超過1.4米、貨物伸出車外以致總闊度(包括貨物和車輛)超過2.5米。
帖文來源:Facebook群組「車cam L(香港群組)」