福祿壽訓練學院丨葉泓聲堅持十年憑「大坑小G」表演扮出彩虹 獲羅志祥轉發表演短片兼打氣

「大坑小G」的表演獲羅志祥本尊轉發兼留言打氣，葉泓聲大嘆「超乎想像」，並一再強調很感動：「真係幫我注下咗一支好大嘅強心針。」

由阮兆祥、李思捷、王祖藍主持的香港首個扮嘢真人Show《福祿壽訓練學院》自首集播出後，在網絡引起極大迴響，當中憑「男神混合體」超強顏值、兼極速變聲變Tone扮演六大天王級歌手贏盡掌聲的「新會華Dee」陳柏曦，更成為一眾參賽者的爆Reel王，短片上載短短一天（截至4月2日早上10點）已收獲逾63.9萬Views，總Like數高達逾9,000之餘，相關短片分享次數更高達1,460次，足證人氣超旺！另一表現優異的「大坑小G」葉泓聲（Gordon），亦因一副「好舞功」以及「熱愛舞台勵志Bite」，贏得不少網民支持及關注：「好正超勁」、「Gordon真係愈嚟愈進步」、「永不放棄，加油」、「真的喜愛舞台，值得欣賞」、 「真可惜，又靚仔、又跳得，畀機會他吧」、「講的很感動」。

「新會華Dee」陳柏曦憑實力及靚仔外貌成功突圍！

「大坑小G」Gordon嘅表演既有勁舞同好身手睇，仲有唔少感動位。

觀看相關影片按連結：https://youtu.be/BLd7hyAdZkg?si=q4jxpuF7N_M8vjp4&t=666

除了網民給予正評，Gordon模仿的羅志祥（小豬）本尊亦有作出回應，除了在Gordon上載的表演片段留言打氣外，還在IG Story轉發了Gordon的表演短片兼留言打氣謂：「不要害怕被別人否定，最怕的是，自己先否定了自己，勇敢的去享受舞台，我們一起加油。」對於獲小豬本尊親自打氣，Gordon大嘆「超乎想像」，並一再強調很感動：「真係好開心，估唔到小豬真係注意到我，仲私信我為我打氣、鼓勵我，又讚我跳得好好，真係幫我注下咗一支好大嘅強心針。」

Gordon獲小豬本尊親自加持，難怪佢勁興奮，呢個娛樂圈其實都好有愛吖！

Gordon續指小豬絕對是其偶像之一：「其實好多跳舞歌手都係我偶像，譬如郭富城、陳偉霆同王嘉爾等都係我偶像，我都一直好想去模仿佢哋。至於點解我今次會選擇扮小豬，係因為城城已經畀思捷扮到太出神入化，好難超越到思捷，所以我就喺思捷冇乜點扮過嘅人裏面搵一個人出嚟扮；仲要小豬本身模仿都好叻，唱歌、跳舞同主持都一樣叻，我都想自己做到佢咁叻！」Gordon預告之後還會模仿更多不同類型的跳唱歌手，萬勿錯過。

葉泓聲曾在日本偶遇小豬。

不說不知道，Gordon與他三位偶像均甚有淵緣，先說小豬，Gordon曾於日本旅行期間偶遇對方，當時由於太興奮，Gordon忍不住大聲高呼對方名字，而小豬亦很親切地停下來與Gordon合照，令Gordon開心至手震。至於城城，原來Gordon是受城城啟發18歲時加入Dancer行列，到19歲時正式成為城城演唱會dancer，並為對方伴舞長達5年。更令人意外的是，Gordon與韓國男團GOT7香港成員王嘉爾（Jackson）識於微時，二人為同校同學，因為同樣喜歡跳舞而成為好友，Gordon大讚Jackson零架子：「佢係一個非常之好嘅人，去到依家佢所有嘅騷都會預位畀我睇，甚至乎會預埋我屋企人，佢紅咗都冇忘記身邊嘅朋友以及同學。」

Gordon與郭富城

Gordon提供當年為城城演唱會伴舞珍貴照片。（右一為Gordon）

Gordon同王嘉爾原來係同學！

Gordon同王嘉爾原來係同學！

「台上一分鐘、台下十年功」，雖然自天堂鳥解散後Gordon已近乎欠缺在舞台上演出的機會，但他坦言私下從來沒有真正放棄，更一直爭取時間及機會默默地努力增值自己，希望有派上用場的一天：「好多人認為天堂鳥解散咗之後，我就會放低咗跳舞同唱歌，或者淨係見到我post自己生意或者家庭嘢，但其實我對跳舞唱歌演戲嗰份執著同熱誠仲喺度。呢段時間我有Keep住去跳舞同埋上堂學唱歌，咁樣到真係有機會表演嘅時候，就可以以更佳狀態去完成。而我每一次收到劇本，我都會約朋友出嚟傾吓應該點樣演，我好多謝袁偉豪，佢會教我點樣去演戲，同埋點樣去做好同埋分析個角色。」

Gordon從來沒有真正放棄，更一直爭取時間及機會默默地努力增值自己，希望有派上用場的一天。

Gordon續指與袁偉豪（Ben）因合作《法證先鋒V》結緣，由於二人志趣相投，加上差不多時間升呢人父，故份外投契，Gordon說：「《法證V》係我第一部劇，所以拍嗰時係咁問阿Ben意見點可以演好啲，佢好好，好耐心咁教我，之後仲搵我做《好聲好戲》partner。」Gordon又指Ben還教他沖了人生第一杯咖啡，之後Gordon開設咖啡店後，Ben亦有經常撐場及幫忙宣傳：「佢畀咗好多鼓勵我、叫我唔好放棄，所以我認定咗呢個『阿頭』，咩都問佢意見。」

Gordon大讚「上司」阿Ben好傾又識照顧人。

Gordon大讚「上司」阿Ben好傾又識照顧人。

Gordon又笑言雖然在娛樂圈浮沉多年總有想過放棄，但最後永遠在自己最失意時、總有意料之外的機會降臨而自己離不開：「其實呢10年娛樂圈生涯，都嘗試過好幾次想放棄，但最後都做唔到，呢個圈係有一個魔力，當你想放棄嘅時候，永遠有啲嘢拉番你返嚟、繼續俾你去試。

葉泓聲難忘畀針拮兼瞓石屎樓梯。

由優酷和TVB聯合製作的《卡士蘭NMN逆齡纖體配方呈獻：法證先鋒VI：倖存者的救贖》（下簡稱《法證先鋒6》），逢周一至周五晚八點半翡翠台播映。《法證先鋒VI：倖存者的救贖》由鍾澍佳（佳導）擔任總監製、黃國輝擔任監製，主要演員有黃宗澤、袁偉豪、蔡潔、蔣祖曼、傅嘉莉、戴祖儀、關楚耀、林正峰、王敏奕和吳業坤等。

咁樣幾個鏡頭，Gordon都要瞓住唔郁足足成個鐘。

咁樣幾個鏡頭，Gordon都要瞓住唔郁足足成個鐘。

咁樣幾個鏡頭，Gordon都要瞓住唔郁足足成個鐘。

咁樣幾個鏡頭，Gordon都要瞓住唔郁足足成個鐘。

昨晚（4日）一集，銷售員文樂德（葉泓聲Gordon飾）離奇死亡之謎終於解開！愛一腳踏兩船兼對慘變植物人女友不聞不問的文樂德，原本因垂涎阿瑩（倪嘉雯飾）美色展開追求，但當驚揭阿瑩原來是嚴重濕疹患者兼身上沒有半塊好肉後，樂德即時變面兼對阿瑩不瞅不睬；醒覺被嫌棄兼玩弄的阿瑩最終決定親手手刃樂德，並於樂德死後在其背部插滿針筒！樂德的觸目死狀當晚已吸引網民注意，並大讚他真人上陣演出該幕有專業精神。

Gordon呢個妝都化得好逼真。

Gordon劇中飾演渣男，最終招來殺身之禍。

Gordon劇中飾演渣男，最終招來殺身之禍。

雖然Gordon插滿針筒的鏡頭只有數個兼時長只有兩、三秒，但為了做出效果，台前幕後可謂花足心思。首先劇組為Gordon準備了一塊可覆蓋整個背部的假皮，等Gordon不用直接suffer針插之苦；之後為了化好「針筒妝」，化妝同事前後足足花了四個小時為Gordon「裝身」，Gordon受訪時透露過程確實繁複：「黐完塊假皮再一支一支針慢慢拮上去，同埋學你（小編）話齋又會係咁跌出嚟，然後又要再黐過。」Gordon更笑言剝皮過程比上妝更難忘：「其實點都會拮到少少真正嘅皮膚，有時轉機位我起身時，就會拮到幾吓。最勁嗰刻我記得係收工剝皮嗰吓，有似針拮得入咗少少，搞到啲工作人員都好緊張。」Gordon續指半裸瞓石梯扮死屍亦相當難忘：「因為條樓梯係石做嘅，咁我瞓咗喺度差唔多成個鐘，呢樣嘢都幾辛苦，因為銀住咗成個身，又郁唔到要放鬆晒成個人去做。雖然呢場戲出街嚟嘅部分少，但我覺得好難忘、好好玩，同埋好有挑戰性同新鮮感呀。」問到趴在解剖床上的感覺，Gordon笑言得個凍字：「一瞓上去係好凍架，但大家（工作人員）真係好好，一唔使Roll機就會畀張被我冚住。」

呢個針筒妝，真係製作認真架。

呢個針筒妝，真係製作認真架。