Carman的表演獲得三位專業評審一致好評
《福祿壽訓練學院終極對決》昨晚(30日)假電視城隆重舉行,經過一輪緊張對決,有「翻版鄭中基」之稱的陶大衛以「一人福祿壽」的精彩演出成為大贏家,分別與演出「穿Heels的男人」的吳兆麟齊齊奪得「專業評審大獎」,還同時獲得全晚最高分贏得「終極扮嘢王」殊榮。
![又扮德德](https://image.bastillepost.com/1200x/wp-content/uploads/hongkong/2024/07/21-e1719805295534.jpeg.webp)
又扮德德
![陶大衛呢個表演好有心思, 算係節目嘅一個回憶總結。](https://image.bastillepost.com/1200x/wp-content/uploads/hongkong/2024/07/18-1-e1719805327588.jpeg.webp)
陶大衛呢個表演好有心思, 算係節目嘅一個回憶總結。
![佢先嚟扮包皮](https://image.bastillepost.com/1200x/wp-content/uploads/hongkong/2024/07/19-e1719805307930.jpeg.webp)
佢先嚟扮包皮
![吳兆麟嘅演出相當嫵媚妖冶,Impressive!](https://image.bastillepost.com/1200x/wp-content/uploads/hongkong/2024/07/32-e1719805346998.jpeg.webp)
吳兆麟嘅演出相當嫵媚妖冶,Impressive!
![再為咗扮趙亮昭,連鋼管舞都學埋,仲要三個星期速成咁學識咗,會唔會太勁呀?](https://image.bastillepost.com/1200x/wp-content/uploads/hongkong/2024/07/24-1-e1719805378465.jpeg.webp)
再為咗扮趙亮昭,連鋼管舞都學埋,仲要三個星期速成咁學識咗,會唔會太勁呀?
![又扮吳兆麟。](https://image.bastillepost.com/1200x/wp-content/uploads/hongkong/2024/07/22-1-e1719805400303.jpeg.webp)
又扮吳兆麟。
至於扮「痰輝智」演出「屈到輝智病了」的關嘉敏,雖然最終未有獲得任何獎項肯定,但在網上引爆旋風式點讚,相關表演消息在TVB官方社交網刊出後,短短兩小時已吸獲逾3,000Likes及超過300個一面倒正評(相關連結:https://bit.ly/4brYhLu),更有網民直指關嘉敏是「心目中的冠軍」!網民留言:「嗰種反差好正」 、「似到呢!我初頭以為是表演嘉賓,再望點解好似高咗先知真係其他人扮」、「我第一眼以為真係譚輝智」、「個表情真係好似,好好笑」、「近鏡睇啲鬚都畫得好似」、「唔講真係以為係佢」、「要讚埋化妝師」、「神級似,嚇一跳」、「幾可亂真」、「繼王菲後又一勁似」、「關嘉敏唱到屈字好似吐痰咁先正,超出位,好好笑」、 「孖生兄弟咁」、「佢都好扮得吓」、 「關嘉敏捉到輝智神韻、舞姿同埋表情,真係好精彩」 、「以扮人角度,全晚係佢最似,正!」、「Carman的努力有目共睹」、「似到飛起呀」 、「真心覺得關嘉敏愈做愈好」、「估唔到女扮男可以咁似」!
![江美儀特登借咗個拉姑髮箍配合番關嘉敏,好有Heart。](https://image.bastillepost.com/1200x/wp-content/uploads/hongkong/2024/07/17-2-e1719805250112.jpeg.webp)
江美儀特登借咗個拉姑髮箍配合番關嘉敏,好有Heart。
![關嘉敏呢個表演嘅成功,梳化部嘅同事應記一功。](https://image.bastillepost.com/1200x/wp-content/uploads/hongkong/2024/07/15-1-e1719805262749.jpeg.webp)
關嘉敏呢個表演嘅成功,梳化部嘅同事應記一功。
![關嘉敏呢個表演嘅成功,梳化部嘅同事應記一功。](https://image.bastillepost.com/1200x/wp-content/uploads/hongkong/2024/07/12-e1719805281784.jpeg.webp)
關嘉敏呢個表演嘅成功,梳化部嘅同事應記一功。
頭戴假髮的關嘉敏(Carman),乸晒口面兼扁晒嘴、並以機械式僵硬舞步落力模仿輝智神情及舞姿跳唱其參賽《中年好聲音2》時的經典洗腦歌《屈到病》。除了女扮男裝100% 神還原譚輝智、似到難以置信,Carman表演時還額外釋出了一份喜感,就是分別安排了「道具BB」及「面具拉姑」出場、以加強喜劇效果。Carman的表演獲得三位專業評審一致好評,錢嘉樂笑言除了高度,所有地方都與譚輝智似到十足,志偉更忍不住好奇問:「係邊個嘅智慧叫你扮譚輝智架?」、「你幾時開始覺得自己似譚輝智?」嚇到Carmen一度不懂反應,笑言是思捷的主意之餘,並謂今次是刻意想跳出型格框框、走詼諧路線。說到此處,向來感性的祥仔則指要給予無綫梳化部同事掌聲,場面感人。江美儀則搞笑指為了配合關嘉敏扮譚輝智,她特意向化妝間同事借了「拉姑頭箍」於相關表演環節戴上,相當有心。最終Carman從專業評審手上獲得7個10分,其中相似度一欄,三位專業評審都給出了10分滿分,證明是名副其實的神還原。Carman表演完畢後坦言作為一個跳唱歌手,要扮初學者跳舞舞姿是整件事難度最高的地方,她說:「我揣摩咗好耐,我(綵排時)聽到最多評語,就係話我跳得太好,Carman你減番少少啦。」
![難得佢又完全放低咗靚女包袱,咩核突表情都夠膽做,勁!](https://image.bastillepost.com/1200x/wp-content/uploads/hongkong/2024/07/01-1-e1719805105471.jpeg.webp)
難得佢又完全放低咗靚女包袱,咩核突表情都夠膽做,勁!
![難得佢又完全放低咗靚女包袱,咩核突表情都夠膽做,勁!](https://image.bastillepost.com/1200x/wp-content/uploads/hongkong/2024/07/02-1-e1719805126193.jpeg.webp)
難得佢又完全放低咗靚女包袱,咩核突表情都夠膽做,勁!
![關嘉敏嘅演出,似到十足十之餘,仲要勁有娛樂性,無敵!](https://image.bastillepost.com/1200x/wp-content/uploads/hongkong/2024/07/09-1-e1719805194292.jpeg.webp)
關嘉敏嘅演出,似到十足十之餘,仲要勁有娛樂性,無敵!
![關嘉敏嘅演出,似到十足十之餘,仲要勁有娛樂性,無敵!](https://image.bastillepost.com/1200x/wp-content/uploads/hongkong/2024/07/11-2-e1719805175340.jpeg.webp)
關嘉敏嘅演出,似到十足十之餘,仲要勁有娛樂性,無敵!
![關嘉敏嘅演出,似到十足十之餘,仲要勁有娛樂性,無敵!](https://image.bastillepost.com/1200x/wp-content/uploads/hongkong/2024/07/5A-e1719805223461.jpeg.webp)
關嘉敏嘅演出,似到十足十之餘,仲要勁有娛樂性,無敵!