193大送飛吻擁抱!
郭嘉駿(193)最近推出了新歌《B出口》,為了讓更多人認識歌曲,日前他便前往鬧市進行快閃活動,工作人員更要他完成一些任務,以提升宣傳難度,不過由於過百老婆(193粉絲)聞風而至,結果令到每個宣傳點都塞爆人,令任務難上加難。
點擊看圖輯
郭嘉駿(193)為宣傳新歌《B出口》大搞快閃活動 。
郭嘉駿(193)為宣傳新歌《B出口》大搞快閃活動 。
過百老婆聞風而至!
《B出口》當中用上很多香港街道、地標的名字,以記錄這個年代這個時刻的人與事,例如當中包括太子道、花墟、彌敦道及擺花街,而今次快閃歌曲宣傳,193就配合歌曲最後一句「出口見」,特別揀選了地鐵站B出口作為宣傳首站,而他需要拿著印有QR Code的膠板,請大家掃碼聽歌,但一眾粉絲實在太醒目,193到達時現場已經企滿人,結果任務失敗,不過193見現場人數眾多,也送出大禮,在現場揀選粉絲,只要能背出《B出口》的歌詞,也可得到他的親筆簽名Tee。
193到達時現場已經企滿人!
有了之前的經驗,在轉戰花墟時,193與工作人員走到人流較少的街道繼續任務,今次他要以$20買一盆花,更要店主聽他的新歌《B出口》,結果193不但輕鬆達標,他隨後更以他三寸不爛之舌,用一盆花再換到兩盆仙人掌回來。完成任務之時,粉絲也及時趕到,更一度圍住193的座駕高唱《B出口》,場面熱鬧。
193派宣傳單張。
每個宣傳點都塞爆人。
第三站193走到彌敦道派宣傳單張,並且要收集途人的Goodbye Kiss,但圍觀的人數實在太多,而且很多人更企出馬路,險象環生。193考慮到安全問題,同時亦唔想阻礙其他道路使用者,所以快速派傳單之餘,他亦主動送出飛吻,不少人此時都回禮向193飛吻,任務也總算勉強完成。去到最後一站擺花街,193本來要送出寂寞擁抱,但他再度被粉絲包圍寸步難行,不過193也想出妙計,將剩餘的宣傳單張,交給粉絲派發,派完就可以得到擁抱和簽名Tee,這個方法也巧妙地將任務完成。
193向花店店主sell新歌!
粉絲圍住193的座駕高唱《B出口》。
這次快閃宣傳,193坦言沒想過會有這麼多人前來,他說:「痴線,冇諗過咁多人!喺彌敦道係好誇張,要趕住走,因為塞住咗個路口,我原本係要喺嗰度收集3個飛吻,結果最後係收集咗一堆飛吻。好多謝大家好落力幫我宣傳《B出口》,特別喺擺花街,大家拎啲宣傳單張去派,見外國人會講英文,見講國語嘅就講國語,仲落力過我。今次之後可能會再有其他宣傳活動,只要首歌有少少成績或者點擊率夠高,做得好就會有下一次,大家期待一下。」
向粉絲大送飛吻擁抱!
阿Dee笑言:「高大就鑿住靚仔,有才華都冇用!」
由雲浩影(Cloud)、吳家忻(kayan9896)、蘇皓兒(Chloe)、郭嘉駿(193)、何啟華(阿Dee)及林德信等主演的Viu Original本地原創劇《同居少女諸事卜》好評如潮,故事講述三位同居女生所遇到的不同愛情問題,當中Cloud便要周旋於193與阿Dee的三角關係,劇中193更向Cloud求婚,但因Cloud心繫阿Dee,最終193慘食檸檬;然而現實中,阿Dee自嘲沒可能爭女爭贏193 !
《同居少女諸事卜》劇照
《同居少女諸事卜》劇照
《同居少女諸事卜》劇照
阿Dee與193同屬男團ERROR成員,早已默契十足,今次在劇中他們飾演「情敵」,有不少對手戲,阿Dee笑言:「我同193爭女?代表戲劇,係假嘅,仲要話係我爭贏,邊有可能,現實世界係唔會發生,因為我同3哥出trip,feel到差別待遇,大家都係男仔,但女士們對大家真係有差別待遇,多你20cm係唔同,高大就鑿住靚仔,有才華都冇用。」
《同居少女諸事卜》劇照
193就斬釘截鐵表示二人在現實中絕不會爭女:「現實中我哋唔會爭,佢(阿Dee)鍾意黑人,有紋身、瘦啦、ABC嗰啲,我覺得呢類太激進,我比較鍾意溫文爾雅、白白淨,同阿Dee係相反,我鍾意文靜、乖巧,聽我講多啲,阿Dee鍾意控制佢、鬧番佢轉頭嘅。」
《同居少女諸事卜》劇照
《同居少女諸事卜》劇照
在劇中首次跟Cloud合作,二人大讚Cloud很有演戲天分,更異口同聲指被Cloud「口才」嚇一跳,阿Dee指:「第一次同Cloud合作,估唔到佢表面斯斯文文,其實講嘢都幾寸,不過佢好玩,意外地發現佢幾有天分做戲,佢除咗唱歌之外,可以考慮做多啲戲。」193就指:「Cloud第一次做戲都做得幾好,冇乜NG,睇得出都做足功課,係平時喺戲外搶口咗少少。」
《同居少女諸事卜》劇照
《同居少女諸事卜》劇照
Cloud則自言首次拍劇感覺有點緊張:「之前參與過《深宵閃避球》拍攝,未算係主角,今次拍攝有幾版幾版紙對白,有好多感情戲,亦係第一次有感情戲,所以比較緊張,都擔心會連累對手NG,但好開心,佢哋全部好好,冇畀到壓力我,同阿Dee拍攝更是非常順利,佢係一個好有經驗演員,所以提點咗我好多。最大挑戰係同阿Dee嘅分手場口,因為要拍好多個鏡頭,好難Keep住情緒,但阿Dee好好戲,我好被佢帶動。」問到現實中,可有試過同時被兩位異性追求?她笑說:「自己唔係好多人追,但如果要揀,會以性格行先,講感覺。」
《同居少女諸事卜》劇照