同居少女諸事卜丨自嘲爭女唔及193 阿Dee：多你20cm係唔同！

阿Dee笑言：「高大就鑿住靚仔，有才華都冇用！」

由雲浩影（Cloud）、吳家忻（kayan9896）、蘇皓兒（Chloe）、郭嘉駿（193）、何啟華（阿Dee）及林德信等主演的Viu Original本地原創劇《同居少女諸事卜》好評如潮，故事講述三位同居女生所遇到的不同愛情問題，當中Cloud便要周旋於193與阿Dee的三角關係，劇中193更向Cloud求婚，但因Cloud心繫阿Dee，最終193慘食檸檬；然而現實中，阿Dee自嘲沒可能爭女爭贏193 ！

《同居少女諸事卜》劇照

《同居少女諸事卜》劇照

《同居少女諸事卜》劇照

阿Dee與193同屬男團ERROR成員，早已默契十足，今次在劇中他們飾演「情敵」，有不少對手戲，阿Dee笑言：「我同193爭女？代表戲劇，係假嘅，仲要話係我爭贏，邊有可能，現實世界係唔會發生，因為我同3哥出trip，feel到差別待遇，大家都係男仔，但女士們對大家真係有差別待遇，多你20cm係唔同，高大就鑿住靚仔，有才華都冇用。」

《同居少女諸事卜》劇照

193就斬釘截鐵表示二人在現實中絕不會爭女：「現實中我哋唔會爭，佢（阿Dee）鍾意黑人，有紋身、瘦啦、ABC嗰啲，我覺得呢類太激進，我比較鍾意溫文爾雅、白白淨，同阿Dee係相反，我鍾意文靜、乖巧，聽我講多啲，阿Dee鍾意控制佢、鬧番佢轉頭嘅。」

《同居少女諸事卜》劇照

《同居少女諸事卜》劇照

在劇中首次跟Cloud合作，二人大讚Cloud很有演戲天分，更異口同聲指被Cloud「口才」嚇一跳，阿Dee指：「第一次同Cloud合作，估唔到佢表面斯斯文文，其實講嘢都幾寸，不過佢好玩，意外地發現佢幾有天分做戲，佢除咗唱歌之外，可以考慮做多啲戲。」193就指：「Cloud第一次做戲都做得幾好，冇乜NG，睇得出都做足功課，係平時喺戲外搶口咗少少。」

《同居少女諸事卜》劇照

《同居少女諸事卜》劇照

Cloud則自言首次拍劇感覺有點緊張：「之前參與過《深宵閃避球》拍攝，未算係主角，今次拍攝有幾版幾版紙對白，有好多感情戲，亦係第一次有感情戲，所以比較緊張，都擔心會連累對手NG，但好開心，佢哋全部好好，冇畀到壓力我，同阿Dee拍攝更是非常順利，佢係一個好有經驗演員，所以提點咗我好多。最大挑戰係同阿Dee嘅分手場口，因為要拍好多個鏡頭，好難Keep住情緒，但阿Dee好好戲，我好被佢帶動。」問到現實中，可有試過同時被兩位異性追求？她笑說：「自己唔係好多人追，但如果要揀，會以性格行先，講感覺。」

《同居少女諸事卜》劇照

Sammi驚喜現身支持！

由兩屆金像獎最佳攝影潘耀明執導，集結劉德華、白宇、莫文蔚、謝君豪、王菀之（Ivana）、王丹妮（Louise）、廖子妤（Fish）、何啟華（Dee）、魏浚笙（Jeffrey）及梁仲恆（阿炳）等強大卡士演出，港產破天荒災難電影《焚城》，自上映以來熱度持續上升，截止昨日（11月13號）為止，票房順利衝破2千3百萬！而昨晚華仔亦兌現承諾，接受阿Dee邀請加入謝票團隊，與導演潘耀明、林家熙（Locker）、黃愷傑（Wesely）、許恩怡（Natalie）一同現身戲院感謝觀眾支持，剛巧謝票期間正值三號風球，兼天文台宣布即將懸掛八號風球，不過團隊無懼風雨如常謝票，連走五場滿座場次。而首場謝票更迎來巨大驚喜，天后鄭秀文毫無預兆突襲戲院，專程支持《焚城》和老友華仔！

劉德華兌現承諾，與《焚城》消防小隊颱風下「加碼」謝票。

劉德華

華仔甫出場，歡呼聲此起彼落，他先發言感謝觀眾支持，亦呼籲大家繼續關注有份參演電影的年青演員，華仔非常難忘在片場見到他們為電影付出：「我最難忘係第一日拍攝消防局嘅戲，因為見到佢哋喺度操練，又有真實消防員指導，覺得佢哋好辛苦。」

鄭秀文（Sammi）突襲現身。

專程支持《焚城》和老友華仔。

眾人分享期間，主持突然宣布有個神秘嘉賓要現身，就是天后鄭秀文，華仔跟團隊事前毫不知情，跟全場觀眾一樣，見到Sammi既驚且喜不禁大聲歡呼，原來Sammi知道華仔難得謝票，特意前來捧場，兩人一見面即時擁抱，而非常欣賞電影的Sammi，早前經已在社交平台出片大讚作品，她在謝票現場更掏出戲票，證明自己真金白銀支持，Sammi亦再次不吝讚美之辭：「我覺得《焚城》非常之精彩，裡面有感動位，有緊張嘅情節，我覺得故仔好好，入面有好多訊息，好滿意，好滿意華仔你嘅演出呀！」說畢全場一同喝采，場面非常熱鬧。Sammi又再點名稱讚阿Dee表現：「你嗰段我好感動，演出得好好！」對於Sammi突然現身加持，華仔笑指竟有點緊張，至於Locker和阿Dee則驚喜到目瞪口呆，二人最初還以為神秘嘉賓是王丹妮或監製江志強。

Sammi知道華仔難得謝票，特意前來捧場！

大合照。

謝票場就有觀眾問到各位演員跟華仔合作有何感受，一向視對方為偶像的阿Dee竟然吐出「遺憾」二字：「因為我跟劉生無對手戲，我只能同佢一齊睇戲啫，但對我本人嚟講今次有份參與大製作經已覺得好難得。」現場有粉絲大叫兩位下部作品合作，阿Dee直言希望能成事。相比起阿Dee和Locker，Wesley自言非常榮幸，皆因自己剛好有一場可以跟華仔對戲，好開心見識到對方的專業。至於飾演華仔女兒的Natalie，最緊張就是自己戲中要親自駕車接載華仔：「因為嗰時我啱啱至考到車牌，劉生仲要坐我隔嚟，好緊張。」

謝票場最後環節，華仔帶領一眾演員跟觀眾合照，臨別前他就再次感謝觀眾，並呼籲各位繼續入場支持一班年青演員！

Sammi自掏腰包入場激讚電影。