有港女早前在facebook群組「公屋討論區」發帖，表示獲首派單位雖然交通極方便，往來地鐵站僅約5分鐘，但仍心大心細「考慮緊要唔要」，網友大感愕然直言「仲要諗？」。
樓主上載附有地址的首派信件和單位相片，發帖指一派寶林邨寶儉樓，「考慮緊要唔要」。FB圖片
交通方便但嫌廳細樓齡大
該女網友日前發帖指「一派（將軍澳）寶林邨寶儉樓。有冇谷友住嗰度？面積幾多呎？交通方便，附近有商場！房屋署會翻新。考慮緊要唔要」；並在回應欄留言的字裏行間，略嫌屋邨樓齡達36年，單位的廳有點細。
｀
地點位置區內最方便之一
正所謂「位置、位置、位置」，㨂樓最重要就是地點方便，熱心網民紛紛樓主，並心急留言「點醒」勿「博二派」——「梗係要啦」、「要硬」、「唔係啩？好嘢嚟喎！仲要諗？」、「絕對要得過！」、「正，我都想要」、「喺將軍澳，寶琳係最方便之一，仲要諗」。
另有人指出，雖然寶林邨1988年落成，但樓主獲派的寶儉樓於2001年才加建落成，樓齡只有23年。
網民紛紛讚好詳列優點
網民並詳列區內的種種好處，有街坊大讚「附近有新都城街市、寶林街市、新都城（商場）。食方便都ok嘅，交通有地， 唔係好遠巴士都有啲出旺角、尖沙咀、沙田，去西貢有12小巴」。但有人提醒將軍澳勁潮濕一定要有抽濕機，而寶林區內也野鴿為患。
親身睇過後最終扑槌
由於公屋一般只有3次揀樓機會，有人提醒樓主「見好就收」，「好盤直接收貨，不用賭二三派」，「如果第三次放棄就冇」。
最終，曾親身視察環境的樓主指，「廚房廁所都好大」、「入去間屋都好舒服，光線充足」，也承「認真係好方便，地段好」、「嗰度真係冇咩好挑剔」，於是扑槌「決定要」。
