蘇韻姿被TVB官網除名 官宣離巢：係時候跳出舒適圈

蘇韻姿正式宣佈離開TVB！

藝人蘇韻姿（Andrea）2016年參選港姐入行，早年憑TVB處境劇《愛·回家之開心速遞》「紅衫魚」熊心如而一角成功入屋，不過去年有傳出因工作態度而被雪藏，直至今年年初獲「解凍」拍新劇，但竟傳出離巢消息，因為TVB官網上已將蘇韻姿除名，並且她的個人社交網上亦已刪走TVB經理人聯絡資料，4月9日蘇韻姿正式宣佈離開TVB！

憑《愛．回家之開心速遞》中熊心如一角入屋

在TVB官網已被除名。

已刪去TVB經理人聯絡資料

大騷玉背

狀態極佳！

8日如常更新IG

9日蘇韻姿在個人社交網上官宣離巢，表示「係時候要跳出自己嘅舒適圈，接受新嘅挑戰啦」，並po出8年前參選港姐時的照片懷緬。

po舊照宣布離巢。

全文如下：

依家係時候要跳出自己嘅舒適圈，接受新嘅挑戰啦。 

不經不覺嚟咗香港八年，我已經成長咗好多，學到好多嘢。喺呢一度遇到好多錫我嘅人，實在係好幸運。

首先要多謝珍姐，喺我一個人嚟到香港嘅時候，俾（畀）機會我演熊心如，令到我喺香港都可以有一個家。亦都令到多左人認識我、有不同嘅工作，學到好多中文。多謝您咁多年嘅教導栽培。我會好好謹記你教我嘅一切。

多謝樂小姐，由選美到入行，一路都好照顧住我，教我點樣做好一個藝人。仲有Management嘅同事，多謝你哋一直嘅照顧及幫忙，我會加倍努力！

多謝志偉哥！ 你嘅指導，加上鼓勵，令到我發現自己可以有好多可能性。我會keep 住你俾（畀）我嘅正能量。

多謝監製祥哥！喺拍攝愛回家呢幾年嘅鼓勵、你對拍戲嘅熱情、創作力，有直啟發我，真係好榮幸能夠同你合作！

多謝監製佳導，俾（畀）個好好嘅機會我參與黑色月光，令到我見識多咗，學咗好多嘢，非常期待套劇播出！

仲有好多謝俾（畀）機會我嘅綜藝監製們，我知道自己嘅經驗少，所以感激你哋信任，俾（畀）我去嘗試不同嘅工作！

多謝熊家人，冇家人喺香港嘅我，感恩有你哋就有家嘅感覺。

最後要多謝關心同錫我嘅台前幕後朋友仔！等緊埋位，或者收工嘅時候都會同大家一齊傾偈。我會記住一齊渡過過嘅美好時光！

相信喺未來大家一定能夠再遇到，亦都想藉呢個機會衷心祝福所有朋友，能夠在自己嘅舞台上發光發亮。

蘇韻姿重新認識香港獨有的生活態度與文化精髓。

HOY TV節目《港式流行》由阮偉倫（阿倫）及蘇韻姿主持，周永基監製，一連十五集於12月23號起，逢星期一至五晚上8時30分於HOY TV 77台播映。節目中兩位主持會探索香港各個日常街道，發掘承載著港式文化的好玩好食之處，所有行程都在鐵路步行距離，用作拍拖攻略就最適合不過。

阮偉倫及蘇韻姿擔任節目主持。

阿倫雖然在HOY TV接連主持了兩輯鐵道行節目，穿梭中國大陸背包遊，儼如內地遊專家，但其實他畢業於香港大學，最熟悉的地方自然是香港；蘇韻姿就剛好相反，言談貼地的她其實是自小在加拿大長大，是個對香港文化一知半解的「鬼妹仔」。兩位主持從不同文化背景出發，在節目內探索各個隱藏景點，重新認識香港。

「香港仔」阮偉倫帶「鬼妹仔」蘇韻姿探索香港隱藏角落。

蘇韻姿玩高卡車大顯身手、睇明星「Yes」卡開眼界 孖阮偉倫學整懷舊手作茶果
《港式流行》節目第一周，阿倫與蘇韻姿探索了九龍城、何文田、深水涉、北角一帶的街道。第一集，二人去到何文田一個商場，場內竟然有一間室內賽車場，可以駕駛相當高速的高卡車。阿倫就挑戰蘇韻姿比賽一場，輸了請食飯。蘇韻姿豪言自己在加拿大有十多年駕駛經驗「未驚過」。結果蘇韻姿車神上身，由頭帶到尾，阿倫輸到車尾燈都見不到，抵請食飯。

HOY TV《港式流行》12月23號首播。

重新認識香港！

第二集，阿倫帶蘇韻姿到深水埗一間專賣懷舊物品的小店，甫進店二人就被一系列經典明星「Yes卡」珍藏吸引。蘇韻姿與阿倫分享了一個小秘密，原來她本來不知道什麼是Yes卡，直到有香港粉絲以她的相片設計了一些Yes卡，她才知道這個香港人追星的集體回憶。店內更有幾十年前的電車票、大牛龜電視、啟德遊樂場門票等珍藏，蘇韻姿直言這間店「令外國返來嘅我大開眼界啊」。

第三集，兩人到北角一間推廣懷舊糕點的店舖，試食之餘更親身上陣學造糕點。店內有菲林卷、燸米糍、砵仔糕等小食。阿倫與蘇韻姿就即場學習搓荼果，成功焗出熊貓造型的可愛芝麻茶果，自己整特別好食，兩人都相當滿足。

洪韻騏擔任嘉賓主持，與阿倫到訪Idol School香港首間韓式校服體驗館。