孖黃妍葉巧琳現身THE FIRST TAKE 林奕匡自爆超緊張深夜練唱

三人經過今次合作越來越有默契，更表示如果有機會都希望可以一起上綜藝！

早前林奕匡（Phil）演繹過《高山低谷》10周年版本後，帶同兩位師妹黃妍（Cath）及葉巧琳（Mischa）現身日本著名音樂頻道THE FIRST TAKE（TFT），並帶同最新作品《藝術與科學》登場。以往的藝人上TFT都會選擇自己最經典的歌曲，而三人竟選擇獻唱最新歌曲，Phil認為機會難得，就想到要寫一首好玩的作品，並找來Cath與Mischa合作，不過其實三個人音域不一，於是就選擇了一首原本為Solo的Demo，再調校音調 (Key)，令到三個人都可以去唱，由黃偉文Wyman填詞，道出男女雙方截然不同的愛情觀。

三人選擇獻唱最新歌曲《藝術與科學》（本網記者攝）

Phil則表示是因為機會難得，就想到要寫一首好玩的作品（本網記者攝）

關於三位的感情觀，Phil表示本身自己性格就比較理性，漸漸受到老婆的影響而變得浪漫，且音樂的熏陶也讓他多啲sense，但以前的他完全不懂浪漫！而Mischa自爆自己其實係「戀愛腦」，只要代入戀愛時就會變得相當不理性，並表示只要是喜歡的人送嘅禮物，無論是什麼都會好鍾意。反而Cath面對感情會相當理性，她表示自己本身就是工作狂，就算讀書也是「書呆子」的性格，永遠將朋友、工作以及家人放首位，反而伴侶就會放很後面。Mischa更調侃Cath認為她是沒有遇到自己真正喜歡的人，並幫Cath公開求偶。

Mischa自爆自己其實係「戀愛腦」（本網記者攝）

Cath意外地竟然非常理性！（本網記者攝）

三人關係一直好好，這次是首次合作。Phil決定這次合作好似朋友之間出Trip，一齊去做一個挑戰錄製THE FIRST TAKE：「咁我哋係籌備當中，就不斷去苦練，去到邊度都練，因為一來我哋要夾啦，二來唔可以唔記得歌詞。所以大家玩呢隻歌之外仲建立咗我哋嘅友誼。」Mischa亦表示這次經歷一定是畢生難忘的一件事：「因為我哋三個一齊共渡咗幾個禮拜嘅時間，對大家的了解又深咗，而且我哋三個一齊去『解鎖』一樣嘢嘅感覺非常特別！」

三人關係一直好好，這次是首次合作（本網記者攝）

關於三人一齊去日本的經歷，Mischa回憶道當時三人一齊去嘅日本，但扮成Mischa同Cath兩姊妹去日本旅行，但Phil不能出post「劇透」，不過錄製完之後三人亦都有一齊食餐好，一齊去玩同扭蛋！更爆料指Phil不喜歡行街，還突然自己跑去做GYM。而Phil則表示其實想要多啲時間去觀光，並透露自己去旅行特別喜歡去搭地鐵以及行超市，因為這樣能更融入與明白當地人的生活日常。

Mischa回憶道當時三人一齊去嘅日本，但扮成Mischa同Cath兩姊妹去日本旅行（本網記者攝）

Phil不喜歡行街，還突然自己跑去做GYM（本網記者攝）

Phil自爆自己是錄製最緊張的一個，因為他需要應付兩隻歌，需要早啲起身的同時，還有時差的影響，7日的Trip第三日就需要去錄製：「我心諗我都未適應到嗰邊，而且天氣又乾又凍」因此都會相當迷茫，聲音不是平時那樣，所以只能早起開聲。Mischa亦表示凌晨都會聽到Phil在唱歌。而當中最不緊張的就是Mischa，她還會幫兩人開解。因此Phil亦感歎：「呢個就係點解組合strong過個人！」

Phil自爆自己是錄製最緊張的一個（本網記者攝）

三個人在這次合作中非常默契，Mischa表示最重要的就是相信大家，Phil亦表示做好自己本分相當重要，「因為都會知道自己係會影響其他人嘅，與其去質疑他人不如令自己變得可靠，我希望我可以做到就算隊友有差池，我都可以承接到！」Cath透露其實默契都係大家練回來的，因為開頭連幾時要望對方，站位以及長短音都夾咗好耐。三人亦表示如果有機會可以嘗試拍綜藝，並直言應該會「好好玩」。

Cath透露其實默契都係大家練回來的（本網記者攝）

期待會有三人的綜藝！（本網記者攝）

Cath

Hair: Aki Choi @akichoi alex’s team @theattichongkong

Makeup: Carmen C @CarmenC

Stylist: Sam Cheung @exactly.the.sam

Wardrobe: Harvey Nichols HK @harveynicholshk

Phil

Hair: Kenki @w.work.shop

Makeup: Carmen C @CarmenC

Stylist: Sam Cheung @exactly.the.sam

Wardrobe: ithk @ithk

Mischa

MAKE UP: DAVINA @ CYRUS LEE MAKEUP TEAM @makeup.by.davinagc @cyruslee1018

HAIR: MILK CHAN @ XENTER @milkchanhair @xenter

Stylist: Sam Cheung @exactly.the.sam

Wardrobe: Harvey Nichols HK @harveynicholshk

昨晚於香港中文大學聯合書院舉行第四場「Sony Tour O For Sch?」。

Sony Music率領旗下歌手與UNISON聯乘香港六間大學學會合辦「Sony Tour O For Sch?」宣傳企劃，由14個歌手單位組成一支莊（意即大學學會）—— Sony Muso（Music Society），由陳柏宇（Jason）擔當學會主席，率領一眾歌手於15日內闖六間大學上莊，各施其職任內務部、財務、宣傳一腳踢！

Sony Music率領旗下歌手與UNISON聯乘香港六間大學學會合辦「Sony Tour O For Sch?」 。

昨晚（11月26日），主席Jason率領黃妍（Cath）、葉巧琳（Mischa）、per se、小塵埃、力臻、布志綸（Alan）、KING、CotaBoii、Michael C於香港中文大學聯合書院舉行第四場「Sony Tour O For Sch?」。

主席Jason率領一眾歌手於香港中文大學聯合書院舉行第四場「Sony Tour O For Sch?」。

適逢昨日是Mischa的正日生日，歌手們向她送上生日蛋糕，而台下近千人齊齊合唱生日歌，令Mischa感動到眼濕濕，向台下所有人送上飛吻；事後她笑言在3字頭的歲數時，已經開始食補品，認真夠晒養生！

昨日適逢是Mischa的正日生日。

提到生日願望，Mischa表示：「身體健康，身邊嘅人繼續身體健康，開開心心，咁樣已經足夠喇！其實日子都係咁樣過，淨係想自己繼續健康啲，要開始養生，其實喺3字頭嗰陣，都開始食補品，一路 keep 住做運動。」提到近千人大合唱生日歌，Mischa謂：「好感動，真係好開心，因為一大班人一齊唱，係好窩心，同埋有啲同事忍咗咁耐唔同我講生日快樂，原來佢哋有個 surprise 畀我，所以係充滿住愛；其實生日要做嘢都係唔錯，因為會多啲人同我一齊慶祝生日，如果唔係我都係同屋企人食飯，所以工作中渡過都係開心事。」

Mischa的生日願望是身體健康，以及身邊的人繼續身體健康，開開心心。

為了迎合中大的傳統，眾歌手在台上dem beat，由主席Jason發號施令拍手腳踏地叫口號「Sony Muso嚟到CUHK，一班莊員同你玩盡天地」，台下的同學們聽後興奮大叫。不少歌手更是首次 dem beat，事前僅花15分鐘與中大同學排練，各人也紛紛說：「好難！」Jason眼見台下青春又熱血的學生，自嘲叔叔級學會主席：「爭啲生得佢哋出！」

Jason率領眾歌手在台上dem beat。

到大合唱環節，Jason演唱《你瞞我瞞》時，他說：「呢個版本嘅《你瞞我瞞》，對上一次唱都可能係4年前。」有人大叫：「仲keep到呀！」Jason笑說：「唔好畀反應住！」當Jason開口一唱，勾起不少人的回憶，台下的學生們亦不禁邊聽邊揮手尖叫。

Jason演唱《你瞞我瞞》。

Cath除了為中大同學帶來新歌《咖啡 鴛鴦 奶茶》，更走到台下被同學重重包圍下大合唱《天光前》，與他們逐一擊掌，大受歡迎；曾是數學老師的力臻，今次回到母校，表現得十分開心，他走到台下的人群中，自製四面台演唱《我的課本留白處》，而周圍的人開了手機燈，台下學生都十分熱血。力臻於數場校園騷均被學生歡呼聲包圍，更一度激動說出心底話：「邊個話老師唔可以唱歌！」而Alan則唱《森林》，前奏一起台下學生已瞬間high爆，隨即一起大合唱。

至於壽星女Mischa獻唱《難道我還未夠難》，還即席捉了一位男同學唱了兩句。對於今次在校園做騷，有否勾起昔日讀書的回憶？Mischa 笑說：「都事隔咗好耐，我都掛住讀書時候嘅自己，因為冇乜嘢擔心，淨係做功課、上堂。（有冇趣事？）如果中間有長啲嘅break，我會同同學去唱K，我本身係讀聲樂，唱嘅係古典歌，但我哋有幾個同學好鍾意唱流行曲，所以中間有幾個鐘 break，我哋會走去唱lunch K，我都幾懷念嗰個時候嘅自己，而家嘅我唔會唱K，因為平時都唱好多歌。」

大合照。