港女會計師「連續工作68小時」過勞暈倒更思覺失調 親弟勸考生：不要入行！

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區

近日有網民發現一名外籍男子居然腳踏「風火輪」（即電動單輪車），公然於屯門公路「任我行」！

屯門公路出現「無敵風火輪」

有女網民在社交平台Threads發帖，表示「岩岩喺屯門公路見到無敵風火輪」。影片中可以見到，一名外籍男正腳踏「風火輪」於路肩奔馳。

threads圖片

裝備充足 並非新手上路

男子皮帶掛有閃燈，右手亮起電筒指向前方，裝備充足，看來並非是新手上路。就連網民都笑「竟然識打燈」、「有齊前後燈」。

threads圖片

帖主已報警：累及其他駕駛者

帖主表示「我咁耐以黎真係第一次見到，上埋公路」、「萬一佢自炒，但跌喺公路上，真係都會累及埋其他駕駛者」，她又指同車的男朋友已報警，「其實我原本留意唔到佢，係男朋友突然大嗌話痴線，之後我望真啲先見到，佢真係好牙煙，夜媽媽咁黑，咁樣踩個風火輪行公路，有咩事上黎，駕駛者多得佢唔少，同埋佢自己既行為都好自私」。

threads圖片

網民錯重點：比佢摸清晒啲更表

網民直呼「黐X線」，紛紛回應「等比人拉」、「嫌命長，累街坊」、「千祈唔好跌呀！仆出馬路就害死人！」、「個死字真係唔知點寫啊」，但亦有網民錯重點，笑言「成段屯公咁長都遇唔到警察，佢都幾好嘢，比佢摸清晒啲更表」、「慳唔少車錢」、「哪吒上身」。

threads圖片