父女檔合作出新歌 Jaime張天穎秉承爸爸教導「低調做人高調做事」

除了爸爸，Jaime與媽媽和細佬感情都好好，平日一家人都會一同拍片玩。

張天穎（Jaime）早前推出全新廣東歌《低調》，更特別請來親爸爸為新歌featuring彈奏琵琶，Jaime指新歌《低調》的構思是來自爸爸經常教她做人要「低調」，因而有感而發，將爸爸教導的「低調做人，高調做事」寫成一首歌。

本網記者攝

Jaime早前推出全新廣東歌《低調》。

Jaime表示：「Instagram啱啱出嘅時候呢，我都成日share好多自己生活上嘅點滴、moments上去，咁每次影到爸爸嘅時候呢，爸爸都會對住個鏡頭就講：『唉，低調啦，低調啦，唉，唔好post我啦』咁樣咁樣，之後佢就話『低調做人高調做事呢啲唔使影我咁多㗎啦』，所以佢就有一個口頭禪就叫做『低調』啦。」

觀看相關影片按連結：https://youtu.be/rr0x8bu0nrw?si=S68ZmC5J0UR-b0Yh

本網記者攝

今次會邀請爸爸一同合作，原來Jaime一直有和爸爸Jam歌，爸爸彈琵琶，她彈結他及唱歌，曾中西合壁cover過AGA江海迦的《小問題》及BLACKPINK的《How you like that》，「我又覺得其實都幾得意啊，聲音上聽落，所以我就覺得會唔會，整一首咁樣嘅歌呢，咁我又想試下feature爸爸嘅talent，所以就膽粗粗問佢，因為佢不嬲低調，佢好難出鏡㗎其實，佢就肯咗囉，因為就係彈琵琶，即係通常其他佢唔肯，但係琵琶係一樣佢都好鍾意嘅音樂啦，佢都係中學開始彈琵琶，所以我諗佢都鍾意表演嘅，咁所以佢就『好啦，彈琵琶就幫你一次啦！』」

Jaime一直有和爸爸Jam歌。

曾壁cover過AGA江海迦的《小問題》及BLACKPINK的《How you like that》。

BLACKPINK的《How you like that》更是全家出動。

全家都玩得好投入。

問到與爸爸合作會否特別緊張？或者爸爸又會否特別緊張？Jaime直言完全不緊張，反而好興奮，因為一家人的關係一直好似朋友，平日都會一同拍片玩，但就擔心歌曲和MV推出後的回響，擔心爸爸會被負責留言影響，所以會先給爸爸心理準備，並和他說：「唔使理㗎，你have fun就得㗎啦，我哋盡力行好，盡力做好，你have fun就得㗎啦。」

Jaime對和爸爸合作完全不緊張，反而好興奮。

爸爸都樂在其中。

本網記者攝

Jaime亦覺得爸爸完全不緊張，而且好快上手，「佢都幾好、都幾玩得啊，錄琵琶嘅時候就因為係喺我自己studio錄嘅，之前都有同佢合作過，佢都喺我studio度錄緊音，所以佢就應該好舒服嘅啦。」Jaime又笑指爸爸在MV中對自己的衣著和髮型都有想法，但和造型師討論後，他亦會接納其他人的意見，「所以佢（爸爸）又冇緊張，我反而覺得佢幾have fun嘅。」

Jaime覺得爸爸亦完全不緊張，而且好快上手。

又笑指爸爸在MV中對自己的衣著和髮型都有想法。

至於其他家人，Jaime笑指當家人知道爸爸要上鏡，「好早就問我爸爸做咩衫呀？使唔使剪咩頭髮呀？化咩妝呀？」因為家人知道拍攝時間好緊張，就算有一個月時間準備，可能到最後計劃依然有變，所以一早做了很多準備。問到其他家人會否都會想合作？Jaime就表示媽媽和弟弟都比較低調，「我細佬讀緊書啦，我媽咪就真．低調啦，佢係怕醜添，唔係好鐘意出鏡嘅，仲罕有過爸爸，所以嗰一日拍BTS嘅時候，有鏡頭對住佢，佢都話：哎唔好啦唔好影我啦，影爸爸得啦』」咁。」

本網記者攝

本網記者攝

提到有和全家人一同拍片，媽媽除了有上鏡，還哼了幾個音讓Jaime創作出一首歌《LIAR》，Jaime表示：「我有一個series叫做《本故事不純屬虛構》，咁就係有街訪、有問唔同嘅人、有唔同嘅artist朋友啦，同埋屋企人我都有叫佢哋玩埋一份嘅咁樣，我係make sure咗佢哋OK，我先出條片嘅，咁咁啱因為媽咪話：『好啦，我又想玩佢咁樣』，佢自己講喎，『我使唔使畀幾粒音你啊』，佢講吓笑咁講，我話可以㗎，你肯唔肯啊？佢話：『好啦』，咁樣佢就畀咗啦。因為佢哋畀我㗎嘛個inspiration，所以我作好嘅時候呢，我就諗住播翻俾畀佢哋聽，睇下佢有咩feedback。」

Jaime有一個短片系列，叫《本故事不純屬虛構》。

其中她用了媽媽提供的幾粒音創作出《LIAR》。

問到今次和爸爸正式合作後，會否想再與家人，或與男朋友Ansonbean合作？Jaime笑指想和弟弟合作，「其實如果今年全部同屋企人合作都幾搞笑嘅，但係如果同男朋友就呢個順其自然啦，我覺得每人今年都有一個timeline，我自己都有一個小目標，我就係想希望呢一個series出30集嘅，最尾就揀8至9首歌嚟整一個album，所以都係一個幾繁忙嘅timeline，咁佢（Ansonbean）應該都自己有自己嘅timeline，如果夾到嘅話都唔排除嘅。」

Jaime話同男朋友Ansonbean合作順其自然。

不過，Jaime新歌推出後，都有同男朋友Ansonbean拍dance challenge。

提到《本故事不純屬虛構》這個系列，Jaime透露30集的內容及歌曲都已構思得七七八八，只是未拍片及剪片。除了拍片，Jaime今年亦計劃出碟，「因為我覺得30首歌，你再揀8、9首，話難唔難，但真係要用時間去做，而我覺得8首歌嚟講，如果我又有啲想拍MV呢，其實都真係差唔多，如果好彩嘅話，就睇下會唔會開一個mini concert，但係我覺得album為主，我覺得可能今年都爭啲啊，我驚係要橫跨到出年先可以推出到，所以我諗目標就係真係推出到個album先。」如果成功舉辦個人小型音樂會，她都希望邀請爸爸上台一同表演，「呢個係我夢寐以求嘅夢想啊，但係佢好低調啊......你唔知佢諗咩㗎，可能佢嗰一刻覺得：『唔好啦唔好啦，你第一次個唱，個光芒留畀你啦』，或者『嘩，你第一次過唱梗係要上台啦！」要睇下佢嗰陣時嘅狀態係咩囉，但係我一定會邀請佢。」

本網記者攝

本網記者攝

Jaime

髮型：Prudence @ Artify Lab
服裝：Sandroparis
造型：Natalie @ Fameglory
場地提供：怡紅院火鍋料理

余迪偉希望可以將自己最私密的故事分享給大家！

入行多年的余迪偉繼2018年個人騷《一支弓》後，時隔六年再開個人劇場騷《Fabulous Me》，將於明年1月10及11日舉行，早前更宣布加開1月8和9日兩場。余迪偉在接受本網採訪時表示對於即將舉行的騷感到相當緊張，直言：「做左咁多年藝人，舞台經驗都有好多，但係我做MC嘅時候就算滾瓜爛熟都會緊張，何況呢個show係講個人！不過呢個係開心緊張。」

余迪偉一人劇場《Fabulous Me》

今次開騷，余迪偉獲不少好友支持

他分享會有個人劇場騷show嘅原因，全因副業做舞台劇作家的死黨朋友李強（Patrick），他向Alton提出可以一齊做舞台劇，而Alton相當感興趣就開始寫故事，但當時並不知道幾時會有搬上舞台的機會，直到2018年有投資者就問Alton有冇興趣想做棟篤笑，Alton就此機會提出可以做個人劇場，講關於自己的成長故事，這就成就了他的第一個個人騷《一支弓》。

務求將他擅於故事分享的創作理念，為余迪偉打做一個精彩的個人劇場騷。

今次Alton將會繼續用幽默又充滿智慧嘅方式，大爆自身經歷同埋所見所聞：「因為我成長故事裡面都經歷了人人會經歷的暗戀、失戀、家人離世，仲會有受欺凌或者中段我尋找個人性取向等等故事，這是每個人都可能會經歷的故事，但我用自己的方法令大家咁有共鳴！」Alton表示今次以獨腳戲形式，會有很多歌曲來串聯故事骨幹，圍繞他與家人及朋友的經歷為基礎，並由Patrick構思，講述一個自小被人叫「乸型」的怕醜仔，如何克服世俗偏見及內心的掙扎，漸漸成為一個無所畏懼的人。

Alton將會繼續用幽默又充滿智慧嘅方式，大爆自身經歷同埋所見所聞

因為這個騷是講述一個人嘅成長故事，Alton會通過故事演繹來借鏡，例如面對住移民潮，這是所有香港人最感同身受的地方，而他亦在這6年裡經歷了家人的離世，所以在這個騷裡他希望觀眾笑過、喊過之後，帶住希望同愛離開劇場，亦希望可以幫LGBT發聲，分享自己如何尋找到自己性取向的經歷。

希望觀眾笑過、喊過之後，帶住希望同愛離開劇場

之所以對創作如此熱愛，Alton表示本身做電台的他，聽過許多聽眾的電話，在這當中一直擔任「輔導者」的角色，亦希望可以吸取經歷講他們擺上舞台來幫助大家！

希望可以吸取經歷講他們擺上舞台來幫助大家！

今次劇場騷《Fabulous Me》海報拍攝造型相當強勁，身穿長裙於花園街街頭同馬桶合照，他表示設計師聽到這個主題，就給他設計了一件雙性的服裝，Alton在拍攝時強調一定要賦予香港情懷，因此就選擇花園街拍攝。之所以會選擇同馬桶合照，係因為覺得人最私密那個moment就是在洗手間嘅時候，而余迪偉就會將自己最私密的部分攞上舞台。

余迪偉就會將自己最私密的部分攞上舞台。

credit:

眼鏡：@HEALTH CARE OPTICAL @UNSUIKYO