娛圈事
黃妍透露今年的歌曲風格跟過往完全不同。
女歌手黃妍（Cath）今日（26日）到新城廣播接受黎莉節目《勁爆樂勢力》訪問，大談新歌《黃言》，Cath透露完成上個project之後，花了半年時間去沉澱及寫歌，希望快將推出的新作品，能給予大家煥然一新的感覺。
黃妍（Cath）接受新城《勁爆樂勢力》節目主持黎莉訪問。
至於新計劃會帶出甚麼訊息？Cath笑言無可奉告：「我啲同事喺我過嚟宣傳時，千叮萬囑我唔好穿橋，想大家好似剝洋蔥咁，逐層逐層剝，有朋友已經開始估緊喇！」
黃妍自爆好快再有新作！
希望快將推出的新作品。
黃妍與主持黎莉合照。
Cath指今年的歌曲風格跟過往完全不同，對她來說是一個新挑戰，Cath表示：「我會不斷去挑戰自己極限，當然要我一步登天梗係唔得啦，但我都有不斷去學唱歌裝備自己，可以應付到唔同嘅嘢。」
詳細精彩內容，請重溫4月26日，中午12-1時，新城知訊台《勁爆樂勢力》節目 ，重溫網址：https://www.metroradio.com.hk/MetroInfo/
昨晚於香港中文大學聯合書院舉行第四場「Sony Tour O For Sch?」。
Sony Music率領旗下歌手與UNISON聯乘香港六間大學學會合辦「Sony Tour O For Sch?」宣傳企劃，由14個歌手單位組成一支莊（意即大學學會）—— Sony Muso（Music Society），由陳柏宇（Jason）擔當學會主席，率領一眾歌手於15日內闖六間大學上莊，各施其職任內務部、財務、宣傳一腳踢！
Sony Music率領旗下歌手與UNISON聯乘香港六間大學學會合辦「Sony Tour O For Sch?」 。
昨晚（11月26日），主席Jason率領黃妍（Cath）、葉巧琳（Mischa）、per se、小塵埃、力臻、布志綸（Alan）、KING、CotaBoii、Michael C於香港中文大學聯合書院舉行第四場「Sony Tour O For Sch?」。
主席Jason率領一眾歌手於香港中文大學聯合書院舉行第四場「Sony Tour O For Sch?」。
適逢昨日是Mischa的正日生日，歌手們向她送上生日蛋糕，而台下近千人齊齊合唱生日歌，令Mischa感動到眼濕濕，向台下所有人送上飛吻；事後她笑言在3字頭的歲數時，已經開始食補品，認真夠晒養生！
昨日適逢是Mischa的正日生日。
提到生日願望，Mischa表示：「身體健康，身邊嘅人繼續身體健康，開開心心，咁樣已經足夠喇！其實日子都係咁樣過，淨係想自己繼續健康啲，要開始養生，其實喺3字頭嗰陣，都開始食補品，一路 keep 住做運動。」提到近千人大合唱生日歌，Mischa謂：「好感動，真係好開心，因為一大班人一齊唱，係好窩心，同埋有啲同事忍咗咁耐唔同我講生日快樂，原來佢哋有個 surprise 畀我，所以係充滿住愛；其實生日要做嘢都係唔錯，因為會多啲人同我一齊慶祝生日，如果唔係我都係同屋企人食飯，所以工作中渡過都係開心事。」
Mischa的生日願望是身體健康，以及身邊的人繼續身體健康，開開心心。
為了迎合中大的傳統，眾歌手在台上dem beat，由主席Jason發號施令拍手腳踏地叫口號「Sony Muso嚟到CUHK，一班莊員同你玩盡天地」，台下的同學們聽後興奮大叫。不少歌手更是首次 dem beat，事前僅花15分鐘與中大同學排練，各人也紛紛說：「好難！」Jason眼見台下青春又熱血的學生，自嘲叔叔級學會主席：「爭啲生得佢哋出！」
Jason率領眾歌手在台上dem beat。
到大合唱環節，Jason演唱《你瞞我瞞》時，他說：「呢個版本嘅《你瞞我瞞》，對上一次唱都可能係4年前。」有人大叫：「仲keep到呀！」Jason笑說：「唔好畀反應住！」當Jason開口一唱，勾起不少人的回憶，台下的學生們亦不禁邊聽邊揮手尖叫。
Jason演唱《你瞞我瞞》。
Cath除了為中大同學帶來新歌《咖啡 鴛鴦 奶茶》，更走到台下被同學重重包圍下大合唱《天光前》，與他們逐一擊掌，大受歡迎；曾是數學老師的力臻，今次回到母校，表現得十分開心，他走到台下的人群中，自製四面台演唱《我的課本留白處》，而周圍的人開了手機燈，台下學生都十分熱血。力臻於數場校園騷均被學生歡呼聲包圍，更一度激動說出心底話：「邊個話老師唔可以唱歌！」而Alan則唱《森林》，前奏一起台下學生已瞬間high爆，隨即一起大合唱。
至於壽星女Mischa獻唱《難道我還未夠難》，還即席捉了一位男同學唱了兩句。對於今次在校園做騷，有否勾起昔日讀書的回憶？Mischa 笑說：「都事隔咗好耐，我都掛住讀書時候嘅自己，因為冇乜嘢擔心，淨係做功課、上堂。（有冇趣事？）如果中間有長啲嘅break，我會同同學去唱K，我本身係讀聲樂，唱嘅係古典歌，但我哋有幾個同學好鍾意唱流行曲，所以中間有幾個鐘 break，我哋會走去唱lunch K，我都幾懷念嗰個時候嘅自己，而家嘅我唔會唱K，因為平時都唱好多歌。」
大合照。
