向來守身如玉的Stephy從金像獎後，開始大解放，激罕在社交平台派水著福利
40歲的鄧麗欣（Stephy）出道22年，近年狀態大勇，零贅肉的身材以及凍齡的外貌令她備受關註，4月出席金像獎憑藉一身黑色deepV透視裙的造型驚艷全場。近日又派福利，一口氣曬出多張比堅尼火辣泳照，更用「又大又圓」來形容！
Stephy罕有性感（本網記者攝）
騷傲人身材（本網記者攝）
近年狀態大勇
狀態凍齡
金獎像一身黑色透視裙的造型
相當驚艷
向來守身如玉的Stephy從金像獎後，開始大解放，激罕在社交平台派水著福利，貼出多張三點式火辣泳衣相並留言：「又大又圓的⋯椰子，香港好像又要準備下雨了，送你們晴天！#我好似曬黑咗少少#少少啦#我已經盡咗力#用咗4支防曬！」全身相基本都是遠鏡，但美臀依舊吸睛，網民搞笑留言：「大派福利了嗎？下次可唔可以近少少？」、「我又要又圓又大！」，亦有人表示：「大家都放大睇所以唔影響！」
再派福利
三點式水著相
又大又圓的⋯椰子
不過背影都係遠鏡
又大又圓的⋯椰子
美臀吸睛！
仲騷美腿
東亞銀行信用卡獨家優先訂票於12月2日開始。
恭喜鄧麗欣（Stephy）宣布明年3月14及15日，在紅館舉行一連兩場演唱會「STEP by STEPHY 鄧麗欣紅館演唱會2025」，這是她出道22年，首次踏上紅館舞台舉行個人演唱會，這一步走來不易，她開心地說：「演唱會名字寓意我入行到依家咁多年，一步一步行到上嚟呢一步，終於達成喺歌唱事業上嘅心願！」演唱會門票港幣$1180、$680 和$480，東亞銀行信用卡獨家優先訂票於12月2日早上十時起，HotdogTIX網站或手機應用程式訂票。
Stephy將於明年3月14及15日，在紅館舉行一連兩場演唱會。
早前Stephy拍攝演唱會海報，以黑色高貴晚裝長裙配長過腰的秀髮，隨風飄逸，簡潔有型，「今次拍攝主題係『簡單』，我哋想帶出嘅訊息，唔係靠外在配搭或服飾去講故事。以紅色背景與黑色長裙嘅對比，乾淨俐落。希望以簡單、俐落去呈現最真實、最舒服嘅我！」
Stephy早前為演唱會拍攝海報。
以黑色高貴晚裝長裙配過腰秀髮。
Stephy笑說：「呈現嘅感覺好舒服，但我一啲都唔舒服，睇落好似『無乜嘢』嘅動作，其實我已經book定脊醫，聽日睇醫生。因為條裙中間有少少皺褶，為咗呈現利落嘅形態，擺甫士都好花力氣，好彩我不時有拉筋和練瑜伽，先至可以應付到。」
Stephy笑說雖然海報是呈現舒服的感覺，但她一點也不舒服。
鏡頭前瀟灑，鏡頭後Stephy被幾把風扇從不同方向吹著秀髮，她笑說：「其實都辛苦大家要企高和趴地，唔同角度幫我吹風。我係今日嚟到先知道條裙咁窄，所以大家開餐我都唔敢食嘢，只係食咗兩粒蕃茄仔。」
Stephy又指條裙好窄，所以她完全唔敢食嘢，只係食咗兩粒蕃茄仔。
Stephy表示當她知道將於紅館開騷，反應不來，「猶豫咗好耐『係咪真㗎？』，然後幻想企喺紅館唱歌嘅情況，其實過咗好耐先至識得去興奮、開心、緊張，心情好複雜，係我歌唱生涯之中，最大成就解鎖。紅館有一種魔力，係好多歌手嘅最終夢想，對我嚟講亦好大意義。最大關鍵係點樣將我咁多年以來嘅故事、經歷同大家分享，能夠令大家好鍾意呢個騷就係另一個成就解鎖！」
Stephy指在紅館開騷是她歌唱生涯之中最大成就解鎖。
問到哪首歌非唱不可？Stephy笑說：「一定要唱嘅歌就實在太多啦，尤其是經典歌實走唔甩。其中有首歌，如果唔唱一定唔放過我，就係『跑Online』（《Fantasy Tale》主題曲）。」她表示每次表演都有人點唱，「呢首歌俾大家好多回憶，或者好多唔同嘅意義，係一首好開心嘅歌。」
Stephy笑說「跑Online」一定會唱。
至於跳舞部份，Stephy由女團出道，跳唱是她成長嘅紀錄，她笑說：「我都有少少『身癢癢』都想跳吓舞，不過平時喺屋企郁吓，好耐無試過喺咁多人面前跳舞，有啲緊張和期待。」她還透露正在構思其他驚喜表演，目前先賣關子。
至於跳舞部份，Stephy表示都有少少「身癢癢」，但目前先賣關子。
演唱會詳情：
STEP by STEPHY 鄧麗欣紅館演唱會2025
日期：2025年3月14至15日
時間：8:15PM
地點：紅磡香港體育館
票價：HK$ 1,180 / $680 / $480
主辦機構：寰亞娛樂 / 東亞娛樂
東亞銀行信用卡獨家優先訂票：
優先訂票日期：2024年12月2日（上午10時）至12月4日（晚上11時59分）
優先訂票渠道：www.hotdogtix.com 或 HotdogTIX手機應用程式
*東亞銀行信用卡持卡人請先登記成為HotdogTIX會員，以享優先訂票。
注意事項：主辦機構呼籲市民應循正式途徑購票，以免受騙及招致損失。有關票務詳情，請參閱購票網站之條款及細則說明。
