許靖韻孖洪助昇張天穎接受新城電台訪問 獲程凱欣秘密送上蛋糕補祝生日

Angela驚喜又感動！

許靖韻(Angela)、洪助昇(Aiden)、張天穎(Jaime) @Beanies昨日（5月8日）齊齊現身新城廣播，接受T.MAX主持的《Gen Z》節目之「Z世代咪高峰會」環節訪問，本來已經十分熱鬧的訪問，知訊台台長程凱欣(Karen) 在節目中途突然捧著生日蛋糕走入直播室，送上蛋糕補祝許靖韻5月5日生日，Angela被Karen的窩心，驚喜又感動！

許靖韻、洪助昇、張天穎接受T.MAX主持「Z世代咪高峰會」訪問。

左起：張天穎、洪助昇、許靖韻

Angela笑言生日願望好簡單：「希望所有人都發達，同埋希望巡演順利！」洪助昇及Jaime更乘機向Angela自薦擔任表演嘉賓，Angela豪爽答應，不過就要求兩人歌酬收平啲，Jaime即謂：「免費唱都得！」

許靖韻

洪助昇

張天穎

洪助昇談到最近推出的新歌「你不是我的岸」花了10個月時間籌備及製作，感覺得似十月懷胎，更笑問Angela及Jaime兩人的新歌「懷胎」幾多個月？Angela表示兩年幾，平時習慣儲起好多歌留作挑選；而Jaime也謂「懷胎」足足兩年，洪助昇聽完即目瞪口呆說：「嘩，兩位仲耐過我。」

新城知訊台台長程凱欣窩心送驚喜。

節目中途秘密送上蛋糕補祝Angela生日。

Angela笑言生日願望好簡單：「希望所有人都發達，同埋希望巡演順利！」

首次做DJ的許靖韻竟引出Ricky自爆做DJ的一個小秘密。

由新城廣播藝人經理人及項目總監范振鋒(Ricky)主持的《新手DJ大鳴聲》，最新一集請來英皇歌手「小背心」許靖韻(Angela)初試啼「聲」做DJ，除了有不少搞笑場面外，許靖韻竟引出Ricky自爆做DJ的一個小秘密。首次做DJ的許靖韻劈頭便自爆自己少女時代甚少聽電台，因此對DJ工作相當陌生，在直播室內對每個步驟都感到很好奇，不時畀反應發出「哦……哦……」表示明白的聲音，十分搞笑。

英皇歌手「小背心」許靖韻(Angela)初試啼「聲」做DJ

許靖韻竟引出Ricky自爆做DJ的一個小秘密

當范振鋒傳授技巧時表示，做DJ要做足不少準備，尤其做一晚節目至少要安排好10首歌，Angela不忘提問做通宵節目時：「有冇人試過聽聽吓瞓着咗呢？」Ricky直答：「梗係有啦，我都試過！」引得Angela哈哈大笑，Ricky還自爆獨自一人做深宵節目，都會趁播歌時小休一會，離開飲杯水或去洗手間，總會揀選一首歌來播：「就係《Hotel California》嘅現場版，11分鐘架個現場版，我嗰時啱啱入電台做，嗰隻歌係用來救命，11分鐘做乜都得！」

范振鋒自爆播《Hotel California》現場版：11分鐘做乜都得

Ricky還自爆獨自一人做深宵節目，都會趁播歌時小休一會，離開飲杯水或去洗手間，總會揀選一首歌來播

而作為新手DJ的Angela第一首揀選的新歌《望年月》，除了因為曲風未曾嘗試過外，原來歌曲有深層意思：「Hello 大家好！我係許靖韻Angela，你而家聽緊嘅就係我嘅新歌《望年月》，咁呢首歌希望大家珍惜眼前人！」

作為新手DJ的Angela第一首揀選的新歌《望年月》

許靖韻自爆為人「騎呢」：我個腦似一個電話

經歷一個小時的做DJ體驗，許靖韻笑言自己雖然有出現手腳不協調及有懶音問題，但整體覺得自己頗適合做DJ，不少朋友更形容她很「騎呢」，喜歡跟身邊人分享生活趣事：「我覺得自己係幾鍾意講嘢嘅一個人，我幾鍾意去share！我覺得我個腦有啲似一個電話，有啲片段我會記得佢，然後同人share。」

許靖韻笑言自己雖然有出現手腳不協調及有懶音問題，但整體覺得自己頗適合做DJ

最後Angela更與聽眾分享近日出差時遇上「黑的」 經歷，笑言：「我嘅人生咁多未搭過，我竟然喺而家搭到黑的！呢一單嘢係我最近發生過最離譜一件事，但我啲friend就話，係咪因為我個人咁騎呢，所以會遇上啲咁騎呢嘅事！」

最後Angela更與聽眾分享近日出差時遇上「黑的」 經歷