老翁搭九巴「吐口水霸位」拒讓師奶坐隔離 二人起罵戰 網民撐女客

網絡影片曝光，九巴車廂內一名老翁為拒讓一名師奶坐隔離，竟向座位吐口水，二人遂展開罵，嘈到其他乘客要掩耳抵擋。

九巴老翁吐口水霸位

有網民於Facebook群組「香港突發事故報料區」上載影片，事發地點為往大埔墟方向64K九巴車廂內，樓主表示當時坐在近門口位置的老翁，為了阻止一名師奶坐在他隔離的空位上，竟向座位吐口水「個阿伯吐口水，唔比呀姐坐」。

（FB影片截圖）

老翁與師奶車廂起罵戰

影片顯示，一名戴黑色鴨舌帽、拿著罐裝飲品坐著的老翁與一名短髮、戴口罩站立在行人通道的女乘客展開罵戰。女乘客指著老翁，激動怒斥「你唔好去死！X街吖！天收你啊！吐口水！」，老翁得戚反駁「就死啦，跟埋我去！」、「行啦！講咁X多嘢！」。女乘客向前行了幾步，又心又不甘再罵「睇閉路電視吖！」二人罵戰不斷，嘈到令其他乘客都要掩耳抵擋。

（FB影片截圖）

網民鬧爆老翁：自私鬼！

影片曝光後，不少網民大鬧老翁「抵鬧啦！呢啲阿伯真係唔S都冇用」、「不單止自私霸佔，咁鍾意剩係自己坐就搭的士，仲要咁缺德，吐唾液阻止別人坐下，咁唔衛生」、「呢D野蠻到極嘅自私鬼」、「司機可以報警，條阿伯罰款就肯定，$5000走唔到」、「老虎都報警攪大佢，睇下邊個唔知衰」、「嘜唔係車上不准飲食咩？呀伯係咪喺度飲緊啤酒呀？」

（FB影片截圖）

巴士車廂內吐痰屬違法行為

根據《道路交通(公共服務車輛)規例》(第374D章)第46條，公共巴士之乘客或有意乘搭該等車輛的人，不得吐痰、損壞、弄髒或毀損巴士任何人無合理辯解而違反第46條，即屬犯罪，一經定罪，可處罰款$3,000及監禁6個月。

帖文來源：Facebook群組「香港突發事故報料區」

近日網上瘋傳一段影片，有九巴司機見中年女乘客濫用輪椅的安全帶綁行李，直言不把行李拿走就不開車，網民力撐司機做法正確。

車長要求挪開行李 女子拒絕

有網民在fb群組「香港突發事故報料」上載影片。從影片可見，有九巴乘客將自己的行李放到輪椅位上，更將安全帶扣上行李上。車長要求挪開行李，但女乘客不肯。

FB截圖

車長請車內其他乘客下車

影片開始時巴士已停至路邊，車長上前與車內一名男乘客溝通，稱有人違規需要停下處理，請其下車。

FB截圖

雙方發生口角 車長：正常態度

女子直言，「我依家行李扣帶都唔得，冇輪椅都唔得，你咩嘢態度？」。車長不甘示弱，態度強硬答：「正常態度，我話唔得就唔得」，女子再次追問「你乜態度先？」，車長仍舊答道「正常態度」，並指向車窗外圍觀的市民和下車的乘客說「全世界都望住你」。

FB截圖

女子辯解輪椅位並沒有輪椅

女子辯解，現時輪椅位並沒有輪椅。然而，車長表示「冇輪椅唔係你話事」，惟女子不願退讓，直言「我宜家企喺度」。司機亦強硬回擊「企喺度還企喺度，唔畀你扣就唔畀你扣，兩回事」，並指女子不用舉機拍攝，不把行李拿走就不開車。

之後女子將鏡頭掃過輪椅位，再次表示「宜家呢度係冇乘客嘅」，司機亦企硬「冇乘客咪冇乘客，唔係畀你咁用，明唔明？」。最後，女子表示會將影片上傳至Facebook，影片到此結束。

FB截圖

網民一面倒支持司機

片段被放上社交平台後，網民一面倒支持司機，表示車長就應該要求乘客守規矩，「車長好嘢」、「比你放係人情，唔比你放係道理」、「車長正確，呢到係擺輪椅既位，呢一刻無人用唔代表下一刻無人用」、「支持車長，車長答得好好，撐車長做法」、「好多市民乘坐交通工具時橫行無忌，對乘坐交通工具嘅知識好弱」、「正常態度，啲人真係以為拍片大晒！」。