率先睇今晚節目內容4大笑位!
由阮兆祥、李思捷、王祖藍主持的扮嘢真人Show《象牙世家古象牙工藝品呈獻:福祿壽訓練學院》,今晚(19日)八點半翡翠台播出第六集。
![福祿壽又再展現神還原功力。](https://image.bastillepost.com/1200x/wp-content/uploads/hongkong/2024/05/20240518_EN_TVB_HO_source-web_1-e1716100423495.jpeg.webp)
福祿壽又再展現神還原功力。
![三人的裝束,都近乎99.9%還原新聞人物何生何太。](https://image.bastillepost.com/1200x/wp-content/uploads/hongkong/2024/05/20240518_EN_TVB_HO_source-web_2-e1716100435240.jpeg.webp)
三人的裝束,都近乎99.9%還原新聞人物何生何太。
繼李思捷及阮兆祥上周極速以熱爆新聞人物何生+何太look直踩《逆天奇案2》大結局現場引爆全城熱話,本周由於何生何太事件再有新進展,為了緊貼新聞熱話,將最新鮮滾熱辣的笑料呈現觀眾眼前,福祿壽團隊再次展現「極速神還原」功力!今日,祥師兄及思捷以何生何太最新裝束現身電視城,為本集《福祿壽訓練學院》拍攝特備環節,團隊這次更找來節目「扮工室助理」郭珮文(Juliana)扮演因訪問何生何太時有出色表現、備受讚賞的「東張女神」梁敏巧。
![到底「A For Apple」同「神秘手扣」玩嘅係咩梗?](https://image.bastillepost.com/1200x/wp-content/uploads/hongkong/2024/05/20240518_EN_TVB_HO_source-web_3-e1716100458367.jpeg.webp)
到底「A For Apple」同「神秘手扣」玩嘅係咩梗?
![其實為咗令到拍出嚟更貼近現實,祥師兄全程係叉大對腳嚟睇,因為佢唔可以高過郭珮文太多,細節位執得好用心。](https://image.bastillepost.com/704x/wp-content/uploads/hongkong/2024/05/20240518_EN_TVB_HO_source-web_4-e1716100471407.jpeg.webp)
其實為咗令到拍出嚟更貼近現實,祥師兄全程係叉大對腳嚟睇,因為佢唔可以高過郭珮文太多,細節位執得好用心。
![「神秘手扣」](https://image.bastillepost.com/704x/wp-content/uploads/hongkong/2024/05/20240518_EN_TVB_HO_source-web_5-e1716100482882.jpeg.webp)
「神秘手扣」
![思捷喺特備環節入面亦都有特別任務。](https://image.bastillepost.com/704x/wp-content/uploads/hongkong/2024/05/20240518_EN_TVB_HO_source-web_6-e1716100494679.jpeg.webp)
思捷喺特備環節入面亦都有特別任務。
三人今早齊齊以99.9%原裝Look為節目進行拍攝,祥師兄的「大星星」黑白裙配以Satine絲巾及披肩長髮,加上全程嬌羞小鳥伊人Tone對著思捷又挨又詐嬌,再次引爆全場笑彈。製作組率先曝光了節目四大必睇笑位,分別為「A For Apple」、「花叢漫步」、「古惑提款機」及「神秘手扣」,聚眼睇落相當無厘頭,想知《福祿壽訓練學院》今晚到底有甚麼最新驚喜,密切留意今晚播出最新一集。祥師兄及思捷事後受訪時,亦再次對製作組在道具及服裝方面的神還原能力表示讚嘆,二人更異口同聲表示必須感激TVB服裝、道具及化妝同事的齊心協力:「佢哋真係好犀利,點解可以喺咁短時間,搵到咁一模一樣嘅衫架呢,尤其條絲巾真係似到不得了。呢班同事其實一路以嚟喺我哋嘅製作方面都幫咗好多,真係勞苦功高。」
![恩愛到哩。](https://image.bastillepost.com/704x/wp-content/uploads/hongkong/2024/05/20240518_EN_TVB_HO_source-web_7-e1716100516577.jpeg.webp)
恩愛到哩。
![「花叢漫步」](https://image.bastillepost.com/704x/wp-content/uploads/hongkong/2024/05/20240518_EN_TVB_HO_source-web_8-e1716100530871.jpeg.webp)
「花叢漫步」
![「古惑提款機」](https://image.bastillepost.com/704x/wp-content/uploads/hongkong/2024/05/20240518_EN_TVB_HO_source-web_9-e1716100541611.jpeg.webp)
「古惑提款機」
王祖藍一人分飾多角相當抵死
凡事一條心的「福祿壽」,要還原新聞人物自然少不了王祖藍的參與。據知,祖藍是次會一人飾演多個角色及身份,還會為特備環節搞笑獻聲,密切留意。
![食飯位都神還原埋,聽過製作組仲會加啲特效落去,令到件事出嚟更加似。](https://image.bastillepost.com/1200x/wp-content/uploads/hongkong/2024/05/20240518_EN_TVB_HO_source-web_10-e1716100563649.jpeg.webp)
食飯位都神還原埋,聽過製作組仲會加啲特效落去,令到件事出嚟更加似。
![王祖藍會一人分飾多個角色,想知出嚟效果,就要密切最新一集《福祿壽訓練學院》喇。](https://image.bastillepost.com/600x/wp-content/uploads/hongkong/2024/05/20240518_EN_TVB_HO_source-web_11.jpg.webp)
王祖藍會一人分飾多個角色,想知出嚟效果,就要密切最新一集《福祿壽訓練學院》喇。