泳兒愛玩密室逃脫 粉絲期間驚呼遭嚇窒

玩密室逃脫勁需要用腦。

泳兒（Vincy）日前跟fans club舉行歌迷聚會，Vincy謂已有一段時間沒有跟歌迷聚會，而這次主要想感謝一些經常為fans club出錢出力、幫手做應援的fans club會員，認真愛錫fans。

歌迷聚會玩密室逃脱

這次聚會的形式是玩密室逃脫，Vincy自言是自己的提議，「因為我個人真係好怕悶，唔可以坐定定喺度食飯傾偈，所以我就想玩一啲刺激少少，同埋可以同歌迷互動多少少嘅嘢，而且又係Teamwork，可以一齊去玩。」Vincy指自己十分喜歡玩密室逃脫，而且自己是一個喜歡破解事情的人，雖然這次十分困難，兩個密室都破解不到，不過她仍大讚好玩，「因為場地空間有限，要分兩轉玩，我係連續玩兩轉，所以用咗好多腦細胞。太難啦！所以keep住要用錦囊去解，好似話係冇乜人破解到，我覺得好玩呀！」

真心用腦

Vincy 連續玩兩轉，所以用咗好多腦細胞

最印象深刻是眾人在密室中，Vincy被突如其來的驚呼聲當場嚇到個心離一離，「因為有一part我哋係要帶住眼罩，睇唔到嘢，跟住有啲年紀比較細嘅fans好驚大叫，製造恐慌呀，哈哈，搞到我都有啲嚇親。另外有一part要鎖起啲手鏈，係兩個人一組咁鎖，我就冇鎖，我係鎖起啲fans，哈哈，之後又要爬高爬低；有一part係要對啲圖案，要睇得好細微，真係好花眼力。」經過重重困難，Vincy跟fans都未能破解，最後只好拿起對講機，跟場地工作人員「求釋放」，十分搞笑。雖然任務失敗，但Vincy坦言希望舉辦更多跟fans互動的聚會，「想多啲類似呢啲活動，instead of以前嗰啲食飯、就咁傾偈嗰啲。因為好鍾意大家一齊合作去做一件事，個感覺係好好。」

要睇得好細微，真係好花眼力

Vincy坦言希望舉辦更多跟fans互動的聚會

泳兒（Vincy）、黃明德（Dark）、黎展峯（Andy）及洪助昇（Aiden）日前出席於海洋公園水上樂園「Aqualand」舉行的「New Bomb音樂會」。四人預備了多首歌曲，炒熱氣氛，Andy及Aiden更唱到除衫，將氣氛推上頂點。

Andy、Dark、Vincy及Aiden日前出席於海洋公園水上樂園舉行的「New Bomb音樂會」。

最近經常出席「濕身音樂會」的Vincy當日帶隊三位師弟開唱，Vincy坦言愈來愈喜歡唱戶外live show，「覺得自己開始有少少個人比較『E』咗，入面有好多Energy需要放出嚟，所以今年都做咗兩隻歌係特別tailor made for live show，可以同觀眾多啲互動。」

Vincy坦言愈來愈喜歡唱戶外live show！

事先張揚會以泳衣打底的Vincy當日表示「冇泳衣打底」，「襯唔到呀，不過我黐咗好多膠紙打底，哈哈。因為驚出汗，怕件衫會跣落嚟。」除咗服裝，Vincy在化妝及髮型上都早有準備，「化妝師幫我化咗個防水妝；髮型師就幫我整咗個wet wet look，流汗都唔會好覺眼，流汗都唔會塌呀。」Vincy亦預先收到風Andy跟Aiden會除衫，所以特別預備了兩套衫出擊，「見Andy同Aiden佢哋除衫，咁我冇得除，所以為咗贏取觀眾嘅尖叫聲，我決定換衫，我都唔執輸！哈哈。」

Vincy原本打算以泳衣打底，但因為襯唔到，所以改為狂黐膠紙打底。

而原本穿長袖衫的Andy跟Aiden唱得興起時，都脫去外套，Andy背心上陣，露出結實的手臂，問他是否乘機展示頻頻操肌的成果，他直言「係吖」，「難得氣溫同埋氣氛適合，展現下少少操肌成果，亦都偷偷俾自己唞一下涼。」不過原來他開show前兩個星期前弄傷頸，所以未能將最完美的一面展現，「所以做gym都唔敢做得太重，最理想當然係練到上身夠大同靚比例，特別係練多啲腹肌。」Aiden則以窄身短袖tee示人，話要吊一吊fans胃口，「若隱若現，吊住fans啲胃口先，哈哈。下一次show自己健身的成果。」

Andy和Aiden唱得興起時都脫去外套。

Andy和Aiden唱得興起時都脫去外套。

Andy以背心上陣。

Aiden則以窄身短袖tee示人。

相反，近日減肥成功的Dark則十分密實，以牛仔褸造型出現，「減肥成功係我嘅第一步，之後應該會操吓啲肌肉，因為我之前已經得知Andy會除衫，所以喺佢隔離係有啲蝕，所以我就唔除啦。」

Dark雖然減肥成功，但依然十分密實。