鄭融完全不像39歲。
現年39歲的鄭融2006年憑藉一首《紅綠燈》唱到街知巷聞,而2008年與周柏豪合唱的《一事無成》亦成為當年K歌必點合唱歌。剛完成巡迴音樂會的鄭融,街坊look逛街時遭眼利網民野生捕獲,網民指憑鄭融一特徵迅速認得她。
網民於社交網分享了他日前在街頭偶遇鄭融的短片,以「她的一首《紅綠燈》唱出了多少人的心聲?」為題發帖。因鄭融出名生得嬌小,所以很易認,網民更驚訝表示她看似只有145cm高。片中鄭融一身便服打扮,戴上cap帽素顏現身,而且狀態極佳,完全不似已經39歲。
娛圈事
鄭融完全不像39歲。
現年39歲的鄭融2006年憑藉一首《紅綠燈》唱到街知巷聞,而2008年與周柏豪合唱的《一事無成》亦成為當年K歌必點合唱歌。剛完成巡迴音樂會的鄭融,街坊look逛街時遭眼利網民野生捕獲,網民指憑鄭融一特徵迅速認得她。
網民於社交網分享了他日前在街頭偶遇鄭融的短片,以「她的一首《紅綠燈》唱出了多少人的心聲?」為題發帖。因鄭融出名生得嬌小,所以很易認,網民更驚訝表示她看似只有145cm高。片中鄭融一身便服打扮,戴上cap帽素顏現身,而且狀態極佳,完全不似已經39歲。
網上音樂節目《Singaholic》來到第六集,主理人鄧小巧這集找來鄭融任嘉賓。
一開場,小巧便唱出鄭融(Stephanie)的代表作《紅綠燈》歡迎鄭融,小巧表示讀書時期經常唱這首歌,「真係好榮幸可以今日請到呢首歌嘅原唱,因為讀書時期每一次去唱K,一定會有人點,我或者會唱,或者會多過一次嘅,阿融!」
觀看相關影片按連結:https://youtu.be/qF-gFDNP2vc?si=f6oaRHTQK8gxOA2o
節目傳統,歌手們都會一邊唱歌、一邊「㗳」番兩杯,不過外表看似野性的鄭融原來是非酒精人士,「睇唔出呢,我唔得㗎。大家想飲酒係因為覺得會放鬆、開心,但我唔會㗎,我會面紅同埋好易頭痛,所以我通常都係mocktail。」但她表示近年食飯都會飲番一、兩杯紅酒,但會放足一晚,「攤長飲,好慢,永遠都會飲剩。」
問到醉酒後做過最瘋的事,鄭融尷尬地說:「有一次飲咗少少酒,跟住撞到以前商台蔡冕麗小姐DJ Mini,咁佢紅色頭髮㗎嘛,我就好大聲:『喂!紅頭Min!』哈哈!但係佢未聽過我咁樣稱呼佢,勁唔勁啊!但都已經隔咗好多年,佢都唔介意嘅。其實唔係有啲乜嘢,但係我唔會咁樣稱呼佢。」
講到現今娛樂圈生態,小巧謂現在多了不同身型的藝人,不再是以往千篇一律的纖瘦,鄭融自爆自己的身高已說明一切,「我真係exactly五呎,五呎一都冇。」她又提到早前有朋友問她,如果整容的話想整甚麼,鄭融想也不用想便答道:「『駁高個人囉!哈哈,我又冇乜嘢想整。』係好痛,但係着高踭鞋都好痛,代價好大,好多時候我哋真係開工嗰下先着,一返到後台其實即刻轉拖鞋,嗰個痛係酸同埋麻。」小巧和議,「試過除咗鞋之後,我啲腳趾掂唔到落地,好痛!」鄭融接着說:「我有諗過如果可以嘅話,行落樓梯嘅時候,我真係唔介意我寧願爬!或者可以安排有架輪椅喺後台。」