黃翠如話兩個妹妹都係跟方力申家人搵食，所以方力申係佢嘅米飯班主！
由方力申、黃翠如主持的全新煮食節目《永豐信貸呈獻：拍檔廚房》，一共十二集，由明晚（3日）起逢周一至三晚上十點半翡翠台播映。節目先後邀請了八對星級藝人+專業參賽者組成的「廚房拍檔」，上演超高階烹飪競技賽，八個組合的藝人代表分別為黎諾懿、龔嘉欣、張曦雯、徐榮、梁競徽、陳煒、蕭正楠及滕麗名。節目由名廚黃永幟（幟哥）、顧紀筠擔任主席評判，首周由《中年好聲音》顏志恒及飲食文化作家方曉嵐擔任客席評判。四位專業評審將作出嚴格評分，當中幟哥更化身地獄判官，令錄影廠現場氣氛緊張，主持翠如亦不禁直言：「呼吸都停埋！」
點擊看圖輯
首周嘉賓係龔嘉欣。
同埋「疫境廚神」黎諾懿。
（左起）方力申、黃翠如首度合作擔任主持。
嘉欣同酒店餐廳行政總廚李家鋌（Bosco）組成廚師拍檔。
諾懿同法國菜餐廳行政總廚沈依紅（Esther）組成廚師拍檔。
嘉欣組嘅頭盤係「寶石子薑皮蛋」，賣相勁靚！
嘉欣話緊張到好似參賽咁，坦言當初以為只係上嚟玩吓！
四位專業評審作出嚴格評分！（（左上）幟哥、（右上）顧紀筠、（左下）方曉嵐及（右下）顏志恒）
幟哥化身地獄判官！
諾懿同Esther賽前研究菜式。
諾懿組頭盤係「蔥油蟶子天使麵」。
翠如話兩個妹妹都係跟方力申家人搵食。
所以方力申係佢嘅米飯班主！
嘉欣賽前特登練劏魚，勁認真！
到底嘉欣正式競賽當日劏魚劏成點呢？
嘉欣組主菜係「沸騰煎封去骨馬友魚」，係酸菜魚創意版！
諾懿組主菜係「蜜柑花甲馬頭魚」。
錄影廠現場氣氛勁緊張！
諾懿組喺煮主菜時發生小插曲。
首周嘉賓係龔嘉欣。
同埋「疫境廚神」黎諾懿。
（左起）方力申、黃翠如首度合作擔任主持。
嘉欣同酒店餐廳行政總廚李家鋌（Bosco）組成廚師拍檔。
諾懿同法國菜餐廳行政總廚沈依紅（Esther）組成廚師拍檔。
賽制分為四個回合，第一回合是「拍檔聯乘」，由藝人和廚師合作煮出耍家前菜及主菜；第二回合是藝人個人挑戰部分，需於限時五分鐘內完成簡單速煮菜；第三回合，廚師會獨立主理一道令人驚艷的招牌菜；第四回合，兩組拍檔要自創三道菜挑戰「主題故事Omakase」，四個回合累積分數最高的一組將會出線。製作組還額外直擊八位藝人賽前練習情況，首集便有龔嘉欣學劏魚直擊片段，令觀眾可貼身直擊每對拍檔準備進程之餘，亦凸顯了參賽藝人的認真及努力。
嘉欣組嘅頭盤係「寶石子薑皮蛋」，賣相勁靚！
嘉欣話緊張到好似參賽咁，坦言當初以為只係上嚟玩吓！
四位專業評審作出嚴格評分！（（左上）幟哥、（右上）顧紀筠、（左下）方曉嵐及（右下）顏志恒）
幟哥化身地獄判官！
諾懿同Esther賽前研究菜式。
龔嘉欣嗌緊張：冇諗過係咁
首周嘉賓有餐飲業經驗的龔嘉欣及「疫境廚神」黎諾懿打頭陣，二人分別夥拍酒店餐廳行政總廚李家鋌（Bosco）、法國菜餐廳行政總廚沈依紅（Esther）組成廚師拍檔。首集內容是第一回合「拍檔聯乘」，嘉欣以拿手的子薑皮蛋作為出賽頭盤，笑指當年曾將菜式帶到馬來西亞經營火鍋店，成為客人必點前菜。Bosco則負責為菜式加入新穎元素，將魚膠啫喱結合子薑皮蛋打造成精美的「寶石子薑皮蛋」。二人的主菜則是創意酸菜魚，嘉欣更因而獻出處女劏魚，所以才要額外事前受訓。面對一眾超嚴格評審，嘉欣直言緊張：「冇諗過係咁，本身以為輕鬆啲…我係嚟玩。」
諾懿組頭盤係「蔥油蟶子天使麵」。
翠如話兩個妹妹都係跟方力申家人搵食。
所以方力申係佢嘅米飯班主！
嘉欣賽前特登練劏魚，勁認真！
到底嘉欣正式競賽當日劏魚劏成點呢？
入廚年資高達20多年的黎諾懿，自從7年前大仔「小春雞」黎峰睿及細仔「小冬牛」黎奕辰先後出世後，笑言已將廚藝忘掉得一乾二淨：「食嚟食去都係清蒸，烚蛋咁，所以依7年冇乜煮過啲勁嘢。」諾懿與Esther合作炮製的頭盤和主菜，分別是「蔥油蟶子天使麵」和「蜜柑花甲馬頭魚」，齋聽菜名已甚有創意。雖然兩位都是「資深廚人」，但合力炮製主菜時竟不幸遇上「技術性」小插曲，令諾懿不禁慨嘆：「有啲遺憾…」
嘉欣組主菜係「沸騰煎封去骨馬友魚」，係酸菜魚創意版！
諾懿組主菜係「蜜柑花甲馬頭魚」。
錄影廠現場氣氛勁緊張！
諾懿組喺煮主菜時發生小插曲。
方力申提早約見黃翠如「打底」？！
另首度合作的方力申、黃翠如原來甚有淵源，除了同樣參與過經典煮食節目《美女廚房》，翠如兩名胞妹更是跟方力申家人「搵食」，翠如笑言：「佢係我米飯班主，所以我靠佢架！」方力申為提升默契感，特意在好友唐詩詠月初生日時，提早與翠如見面食飯「熱身」，為是次合作打定底。另觀眾只要掃一掃屏幕的QR Code，即可查看該集相關食譜。
