動物森友島︱旅遊達人Kanya晒彩色水着親親萌豬 Eden浮潛睇珊瑚凍到嘴唇發紫

勇闖豬島＋鯊魚島＋蜥蜴島！

全新旅遊節目《動物森友島》由明日（3日）起，逢周一、二及周四、五晚8點半於TVB Plus（82台）播映。節目由黃嘉雯（Carmaney）、陳國麟（Doniven）、劉展霆（Eden）和旅遊達人陳韻行（Kanya）擔任主持，他們分別去了日本和巴哈馬，尋找被各種動物盤踞的特色「動物森友島」，例如「豬島」、「貓島」和「兔仔島」等，一眾主持齊齊近距離親親小動物！

黃嘉雯（左）、陳國麟（右）、劉展霆同埋旅遊達人陳韻行為大家尋找「動物森友島」。

黃嘉雯、陳國麟、劉展霆（右）同埋旅遊達人陳韻行（左）為大家尋找「動物森友島」。

黃嘉雯同陳國麟出發去日本。

Kanya同Eden就去巴哈馬。

晨早就坐小型飛機再轉小船去豬島。

明晚（3日）和後晚（4日）兩集，曾去過50多個國家的旅遊達人Kanya和Eden率先去到位於加勒比海的巴哈馬，走訪「豬島」、「鯊魚島」和「蜥蜴島」！去巴哈馬的路程一點都不簡單，Kanya和Eden要先搭十幾個鐘頭飛機去到倫敦，再轉10個鐘頭飛機才去到巴哈馬首都拿騷。兩人到埗翌日朝早6點便出動，坐完小型飛機再轉小船去到「豬島」Big Major Cay，據聞島上住了近80隻萌爆的豬豬，以彩色三點式上陣的Kanya與Eden甫到埗即與小豬開心互動，Eden餵小豬吃東西期間不慎被豬踩到腳趾，即時發出痛苦哀號，認真「陰功豬」！

豬全部都係豬！

豬全部都係豬！

同豬豬玩遊戲！

同豬豬玩遊戲！

呢隻係全島最大隻嘅豬，真係好大隻。

兩人還親眼目睹島上最大的豬，Eden大嘆：「大到唔敢想像，同埋另外一樣好驚訝就係，點解豬仔啲腳咁長。」參觀完「豬島」，船長帶他們去到Sea Aquarium玩浮潛睇珊瑚，該處水清沙幼，可是水溫卻凍到爆，Eden凍到嘴唇發紫說：「凍到個肺縮埋，唔係好透到氣！」相反Kanya則玩得不亦樂乎，化身美人魚與魚仔在海中暢游，畫面賞心悅目。

Eden餵食期間慘遭踩腳趾。

兩人去到Sea Aquarium玩浮潛。

兩人去到Sea Aquarium玩浮潛。

Eden凍到嘴唇發紫。

之後去咗鯊魚島，好多護士鯊呀！

之後兩人轉戰去到「鯊魚島」Compass Cay觀摩護士鯊，兩人在海中與成群的護士鯊近距離接觸，Kanya抱住兩條護士鯊說：「好似攬住公仔咁，好得意！」雖然護士鯊相對其他鯊魚溫馴，但牠們亦有一定攻擊性，同行的收音師就不小心被護士鯊咬傷手指見紅，所以與牠們互動時要相當留神！兩人再登上「美洲鬣蜥島」Great Guana Cay， 島上眾多美洲鬛蜥走出沙灘曬太陽，一點都不怕人，Eden勁興奮不停怕照，他說：「咁可愛，好想帶晒佢哋返去！」之後船長帶他們尋找山洞秘景，兩人赤腳走過尖石路時痛苦尖叫，更一度痛到爆粗，但去到目的地後兩人即時露出驚訝表情，到底發生了甚麼事？

收音師唔小心畀護士鯊咬咗啖。

蜥蜴島！

究竟山洞秘景係乜料？

Eden指自己感性易喊！

旅遊節目《動物森友島》本周一至五晚8點半於TVB Plus（82台）播映，節目由黃嘉雯（Carmaney）、陳國麟（Doniven）、劉展霆（Eden）和旅遊達人陳韻行（Kanya）擔任主持。

今晚一集Eden同Kanya喺巴哈馬首都拿騷，去到一間有100年歷史嘅動物收容所探望小動物。

仲有一隻驢仔呀！

Eden獲餐廳老闆挖角
今晚（17日）一集，Eden和Kanya繼續在巴哈馬的首都拿騷行動，兩人去到一間有100年歷史的動物收容所探望小動物，該處除收養了五百多隻貓貓狗狗外，最特別是收養了一隻驢！隨後兩人去到當地的魚市場行逛，在紐西蘭做過廚師的Eden獲食店老闆邀請炮製海鮮沙律，Eden不負眾望大晒好刀工，更獲老闆挖角請他留低工作。
 

Eden大晒刀工，老闆都話勁呀！

大隻龍蝦都只係30蚊美金一隻，會唔會太平呀？

Eden切洋蔥時，諗番起19歲先第一次食媽媽煮嘅飯，佢話當時忍唔住爆喊。

Eden切洋蔥時，諗番起19歲先第一次食媽媽煮嘅飯，佢話當時忍唔住爆喊。

民宿宿主Pauline原來係前奧運金牌得主，佢大讚Eden嘅龍蝦餐好正。

民宿宿主原來係猛料前金牌選手 曾在奧運勇奪2金1銀佳績
當地海鮮勁抵買，大大隻龍蝦只要30元美金（約230港元），Eden二話不說買下炮製龍蝦大餐。Eden回到民宿後急急準備是日晚餐—龍蝦芝士焗飯和龍蝦南瓜湯；Eden切洋蔥時扮晒勁說不會喊，但最後還是忍不住標眼水，之後他指自己感性易喊：「人生喊得最勁有兩次，第一次係以前家庭狀況唔係幾好，（屋企人）將我擺咗喺嫲嫲度，一閂埋門我就喊到好誇張，第二次係我去咗紐西蘭已經一段時間，我媽媽喺我19、20歲時過咗嚟，佢煮咗一餐飯畀我食，嗰餐亦都係我第一次食佢煮嘅嘢，我嗰陣喊到傻咗。」之後兩人與民宿宿主Pauline共進晚餐，Pauline背景原來好猛料，她是巴哈馬傳奇田徑運動員，曾在奧運會奪得2個金牌和1個銀牌。Pauline品嚐完Eden的料理後有讚冇彈，Eden獲得奧運金牌選手畀Like，威到盡！

呢集佢哋去到開曼群島，一落機就有野雞迎接佢哋。

大歎海鮮餐。

開完餐之後，佢哋齊齊餵軍艦鳥。

開完餐之後，佢哋齊齊餵軍艦鳥。

錫一啖魔鬼魚可以好運7年
明晚（18日）一集，Eden和Kanya終於離開巴哈馬轉往開曼群島，尋找魔鬼魚和海龜！兩人一到埗便前往海邊餐廳大歎海鮮餐，開完餐再走出餐廳餵軍艦鳥吃東西；軍艦鳥長約1米、展翅後可超過2米，體形絕對唔細，難怪Kanya不停嗌怕怕，惟貪玩的她最終克服恐懼頂硬上，最後餵得不亦樂乎的她笑說：「呢個體驗係超正超好玩，我想再餵呀！」Eden則被軍艦鳥咬親手指，認真陰功！之後正式進入主題，兩人坐了45分鐘船出發到魔鬼魚和海龜出沒的海域，船長笑言錫魔鬼魚一啖可幸運7年，Eden聞言即時兩眼發光大嗌：「錫一啖我就紅7年，我鍾意紅呀！」話口未完，Eden便捉住魔鬼魚咀了4啖，認真猴擒。至於海龜則是可遇不可求，兩人中途有幸遇上一隻，隨即跳落海與海龜暢泳，Chill到爆 ！

兩人出海尋找海龜同魔鬼魚。

兩人出海尋找海龜同魔鬼魚。

Eden係咁喪啜魔鬼魚，睇嚟佢好想紅喎！

兩人同海龜暢游。