動物森友島丨旅遊達人Kanya獻出抱蛇初體驗 劉展霆與蛇共舞恐懼解鎖

Eden抱起巴哈馬最長嘅蛇品種！

旅遊節目《動物森友島》逢周一、二及周四、五晚8點半於TVB Plus（82台）播映。節目由黃嘉雯（Carmaney）、陳國麟（Doniven）、劉展霆（Eden）和旅遊達人陳韻行（Kanya）擔任主持，他們分別去了日本和巴哈馬，尋找被各種動物盤踞的特色「動物森友島」，齊齊近距離親親小動物！

後晚一集，（右）Carmaney和Doniven（左）出發嚴島展開尋找小鹿之旅。

昨晚一集，劉展霆（Eden）和陳韻行（Kanya）遊覽巴哈馬Blue Lagoon Island。

昨晚（10日）播出的第五集，劉展霆（Eden）和旅遊達人陳韻行（Kanya）帶大家回到位於加勒比海的巴哈馬，繼之前走訪「豬島」、「鯊魚島」和「蜥蜴島」後，再下海跟魔鬼魚及海豚暢泳。二人從Paradise Island乘船到Blue Lagoon Island，船程只需20分鐘；為免擾亂動物自然生態，上島人數有限制，而且全島只開放五分之一地方予人遊覽。Eden和Kanya在Eco Tour導遊帶領下參觀保育園，當介紹到島上70種雀鳥時，他們目睹體型比麻雀更細小的蕉森鶯（Bananaquit），Kanya說：「佢係呢度原住民，一年四季都住喺度。」之後二人遇到寄居蟹，當Eden放上手觀察時，竟不慎弄跌寄居蟹，嚇到面都青埋問到：「啱啱跌咗佢哋落地，佢哋會唔會又要換殼……」

蕉森鶯體型比麻雀更細小！

Eden不慎將寄居蟹跌落地……

Eden同Kanya出海親親魔鬼魚！

Eden同Kanya出海親親魔鬼魚！

Kanya提醒魔鬼魚尾部有毒刺，近距離接觸時要格外小心。

Eden

Kanya

之後Eden同Kanya再同海豚暢泳，海豚獻吻歡迎，冧到呢！

玩「豚肉快艇」，好刺激！

之後兩人轉移到海邊，先後與魔鬼魚及海豚嬉水。首次親親魔鬼魚的Eden和Kanya表現興奮，試足N次抱上手仍然失敗，除了魔鬼魚表面太滑手，原來牠們還懂得認氣味，因此要熱身一輪才任務成功。Kanya提醒指魔鬼魚尾部有毒刺，當生命受威脅時，牠們會以毒尾攻擊敵人自衛。之後二人與聰明又可愛的海豚暢泳，海豚不但冧錫兩位主持面珠墩，又頂兩位主持腳底玩「豚肉快艇」及「無敵風火輪」，開心又難忘。

之後參觀Ardastra Gardens保育園，與紅鶴、鸚鵡、龜等近距離接觸。

之後參觀Ardastra Gardens保育園，與紅鶴、鸚鵡、龜等近距離接觸。

之後參觀Ardastra Gardens保育園，與紅鶴、鸚鵡、龜等近距離接觸。

Kanya獻出抱蛇初體驗。

Eden亦恐懼解鎖，嘗試抱起巴哈馬最長嘅蛇品種！

Eden亦恐懼解鎖，嘗試抱起巴哈馬最長嘅蛇品種！

今晚一集，Eden和Kanya到位於New Providence Island的Ardastra Gardens保育園參觀，與巴哈馬國鳥—紅鶴，及鸚鵡、蛇、孔雀、貓頭鷹等動物近距離接觸。兩位主持獻出抱蛇初體驗，嘗試抱起巴哈馬最長的蛇品種，自認怕蛇的Eden成功克服恐懼成就解鎖，另外Eden還抬起了全球第三大烏龜品種，為節目獻出多個第一次。而後晚（13日）播出的第七集，黃嘉雯（Carmaney）和陳國麟（Doniven）帶大家返回日本，出發嚴島（又稱宮島）展開尋找小鹿之旅，島上最高峰有超過1000隻野生鹿，現時剩下約600隻。Carmaney和Doniven到了被列為世界文化遺產的嚴島神社參觀，又坐人力車遊覽紅葉谷，浴途欣賞獨有的雞爪槭葉及看小鹿，相當寫意。

Carmaney同Doniven去嚴島睇鹿仔。

當然唔少得到列入世界文化遺產嘅嚴島神社打卡。

Carmaney同Doniven坐人力車睇紅葉同鹿仔。

Doniven仲同車夫交換位置展現力的表現！

Eden指自己感性易喊！

旅遊節目《動物森友島》本周一至五晚8點半於TVB Plus（82台）播映，節目由黃嘉雯（Carmaney）、陳國麟（Doniven）、劉展霆（Eden）和旅遊達人陳韻行（Kanya）擔任主持。

今晚一集Eden同Kanya喺巴哈馬首都拿騷，去到一間有100年歷史嘅動物收容所探望小動物。

仲有一隻驢仔呀！

Eden獲餐廳老闆挖角
今晚（17日）一集，Eden和Kanya繼續在巴哈馬的首都拿騷行動，兩人去到一間有100年歷史的動物收容所探望小動物，該處除收養了五百多隻貓貓狗狗外，最特別是收養了一隻驢！隨後兩人去到當地的魚市場行逛，在紐西蘭做過廚師的Eden獲食店老闆邀請炮製海鮮沙律，Eden不負眾望大晒好刀工，更獲老闆挖角請他留低工作。
 

Eden大晒刀工，老闆都話勁呀！

大隻龍蝦都只係30蚊美金一隻，會唔會太平呀？

Eden切洋蔥時，諗番起19歲先第一次食媽媽煮嘅飯，佢話當時忍唔住爆喊。

Eden切洋蔥時，諗番起19歲先第一次食媽媽煮嘅飯，佢話當時忍唔住爆喊。

民宿宿主Pauline原來係前奧運金牌得主，佢大讚Eden嘅龍蝦餐好正。

民宿宿主原來係猛料前金牌選手 曾在奧運勇奪2金1銀佳績
當地海鮮勁抵買，大大隻龍蝦只要30元美金（約230港元），Eden二話不說買下炮製龍蝦大餐。Eden回到民宿後急急準備是日晚餐—龍蝦芝士焗飯和龍蝦南瓜湯；Eden切洋蔥時扮晒勁說不會喊，但最後還是忍不住標眼水，之後他指自己感性易喊：「人生喊得最勁有兩次，第一次係以前家庭狀況唔係幾好，（屋企人）將我擺咗喺嫲嫲度，一閂埋門我就喊到好誇張，第二次係我去咗紐西蘭已經一段時間，我媽媽喺我19、20歲時過咗嚟，佢煮咗一餐飯畀我食，嗰餐亦都係我第一次食佢煮嘅嘢，我嗰陣喊到傻咗。」之後兩人與民宿宿主Pauline共進晚餐，Pauline背景原來好猛料，她是巴哈馬傳奇田徑運動員，曾在奧運會奪得2個金牌和1個銀牌。Pauline品嚐完Eden的料理後有讚冇彈，Eden獲得奧運金牌選手畀Like，威到盡！

呢集佢哋去到開曼群島，一落機就有野雞迎接佢哋。

大歎海鮮餐。

開完餐之後，佢哋齊齊餵軍艦鳥。

開完餐之後，佢哋齊齊餵軍艦鳥。

錫一啖魔鬼魚可以好運7年
明晚（18日）一集，Eden和Kanya終於離開巴哈馬轉往開曼群島，尋找魔鬼魚和海龜！兩人一到埗便前往海邊餐廳大歎海鮮餐，開完餐再走出餐廳餵軍艦鳥吃東西；軍艦鳥長約1米、展翅後可超過2米，體形絕對唔細，難怪Kanya不停嗌怕怕，惟貪玩的她最終克服恐懼頂硬上，最後餵得不亦樂乎的她笑說：「呢個體驗係超正超好玩，我想再餵呀！」Eden則被軍艦鳥咬親手指，認真陰功！之後正式進入主題，兩人坐了45分鐘船出發到魔鬼魚和海龜出沒的海域，船長笑言錫魔鬼魚一啖可幸運7年，Eden聞言即時兩眼發光大嗌：「錫一啖我就紅7年，我鍾意紅呀！」話口未完，Eden便捉住魔鬼魚咀了4啖，認真猴擒。至於海龜則是可遇不可求，兩人中途有幸遇上一隻，隨即跳落海與海龜暢泳，Chill到爆 ！

兩人出海尋找海龜同魔鬼魚。

兩人出海尋找海龜同魔鬼魚。

Eden係咁喪啜魔鬼魚，睇嚟佢好想紅喎！

兩人同海龜暢游。