陳若思慘被狗咬 傷口近動脈滿地血

傷口好深！

TVB小花陳若思（Amber）去年憑熱播劇《新聞女王》中飾演何依婷妹妹而為人認知，昨日（8日），她在IG Story貼出一張血流成地的照片，聲稱被自己的狗咬傷，嚇壞網民。

陳若思在《新聞女王》初露頭角

之後加入《HOME即是識》伙拍FYY 同森美做主持

她透露已是第二次被狗咬傷，她心灰表示﹕「我係一個唔好嘅主人，唔識教狗狗，上個月畀乖乖咬完一次，今個月又畀佢咬，我需要一個好嘅dog trainer，護食問題嚴重。」護食是指進食時會對其他人或狗有攻擊意圖。

見到呢張相嚇一嚇

不久後，她再更新一張照片到IG Story，傷口上貼上大膠布，但傷口仍滲血，指：「上個月佢咬完我之後，我都冇同佢瞓過。有一晚，我見到佢喺度咬我啲鞋，其實已經好多年冇咬，唔知佢係咪嬲我唔同佢瞓。」雖然有朋友曾提議「要打」，不過陳若思就表示「唔夠膽」，寫道：「一嚟我驚佢咬返我，二嚟我都打唔落手。然後每次佢見我喊，佢都好似唔開心。」她亦趁機詢問網友，會不會有狗隻訓練師介紹。

仲滲緊血

她之後隨即到醫院洗傷口，見她整隻手都緊緊地包了紗布，十分令人擔心，她說：「洗傷口好痛，痛過打針好多，傷口比上次深，今次塞咗啲紗布喺個窿入邊，好彩有嚟到洗傷口。」醫生仲話傷口近動脈，所以未咁快止到血。

好彩有乖乖去醫院洗傷口

傷口幾深，之後都要定期洗傷口

完全無靚女包袱！

「港女野人」陳若思（Amber）、胡美貽（Nicole）、何泳芍（Honey）及廖慧儀（Jessica）因拍攝真人秀節目《港女野人》而成為好友，不時會相約聚會，近日陳若思與胡美貽就一同去了畫畫陶冶性情，但其間就坐唔定，站起來大跳搞笑舞！

何泳芍、廖慧儀、陳若思及胡美貽合作拍攝真人秀節目《港女野人》。

因而成為好友。

不時相約聚會。

陳若思與胡美貽近日一同去了畫畫陶冶性情。

胡美貽在IG貼出她與陳若思在畫室扮雞跳舞的影片，可見二人完全拋下靚女的包袱，high到爆，全程投入扮雞，更幾乎跳出鏡頭後，非常搞笑！陳若思之後貼出自己專心畫畫的靚相為自己平反，並留言：「為免大家睇完上一個post以為我係傻......其實我都有文靜嘅一面‍，今日又喺畫室畫咗5個鐘。」網民都紛紛留言笑讚二人果然都是「動靜皆宜」！

二人在畫室「扮雞」。

完全拋下靚女的包袱。

跳舞跳到high爆。

幾乎跳出鏡頭。

陳若思之後貼出自己專心畫畫的靚相。

笑言以免被誤是傻的。

又透露足足畫了五個鐘。

胡美貽都有分享自己專心畫畫的靚相。

表示畫畫是「me time」。

成品！