江美儀笑不停！
由阮兆祥、李思捷、王祖藍主持的扮嘢真人Show《象牙世家古象牙工藝品呈獻：福祿壽訓練學院》，9日一集Professor Fuk（阮兆祥）、Professor Luk（王祖藍）及Professor Sau（李思捷）三隊的學員進行「命運對決」、以抽簽形式進行一對一扮嘢對決，勝方直接晉級，敗方直入危險區。本輪對戰形式特別之處是，學員本輪表演必須是海選後從未於舞台上表演過的，是次賽果由現場觀眾投票及專業評審江美儀及火火評分決定。
點擊看圖輯
原本感覺完全「唔關事」嘅周百恩，估唔到認真扮起上嚟都幾蘇民峰。
「雙鼻窿吹笛」真係笑死。
鄭詠謙嘅表演有一個場外嘅亮點，就係佢啲靚女朋友。
靚靚朋友又出現喇。
唱足兩首歌，仲有一首自己改編埋歌詞，誠意十足。
有埋生肖加持，「蘇民峰」味濃。
「蘇民峰」揈住條辮出場，笑到江美儀吖！
啲鬼馬表情夠晒「蘇民峰」之餘，仲帶出好從容嘅感覺，喺鏡頭面前都感受到周百恩嘅百分百投入同享受。
江美儀又嚟喇，佢睇嚟應該係呢個節目嘅鐵粉。
周百恩篤完祖藍死穴就走去擦美儀姐鞋，識搞氣氛兼識撈。
個個都睇得好開心。
陶大衛雖然冇話特定扮邊個，但佢畀人嘅感覺係有將港姐嘅特質誇張同戲劇化。c
製作組真係同你計晒時，變裝手腳慢啲都會蝦碌。
呢個「鼻窿吹笛」，江美儀明顯招架唔住。
美儀用表情說出了：「驚喜果然一浪接一浪」。
陶大衛對腳冇得輸。
呢個獻吻場面，會唔會成為經典呢？BTW，陶大衛個樣好Crazy。
林妍被指似元秋多過呂珊。
兩位「扮工室助理」一個扮籃球員、一個扮籃球架。
學人玩「頭」籃。
美儀姐呢頭讚完大衛，個大衛嗰頭就喺度整古造怪，美儀姐都要甘拜下風了。
對於美儀姐嘅正評，Juliana先係嚇一跳，然後忍唔住笑～c
原本感覺完全「唔關事」嘅周百恩，估唔到認真扮起上嚟都幾蘇民峰。
「雙鼻窿吹笛」真係笑死。
鄭詠謙親自改編歌詞兼晒日文搶分
今集共有四名學員出戰，首輪對決是Team Fuk的周百恩VS Team Luk的鄭詠謙，二人分別扮演蘇民峰及鄭伊健。鄭詠謙以鄭伊健經典古惑仔Look獻唱《極速》，及親自填詞《一個為你甘去日本的戀人》（原曲：《一個為你甘去蹈火海的人》）向鄭伊健與鄭太蒙嘉慧的愛情故事致敬，期間更不忘大晒日文。詠謙事後坦言表演是送給已離世的哥哥：「鄭伊健係我已離世親哥哥嘅偶像，佢係band友嚟，幫過謝霆鋒彈Band。」雖然詠謙聲線有八成似伊健，但由於太緊張表現未夠放，惹來火火搞笑批評：「你啱啱出場似一個唔記得剪頭髮嘅Terminator，但好快鄭伊健把聲就返嚟喇。」本身填開詞的火火還讚詠謙歌詞改編得不錯。
鄭詠謙嘅表演有一個場外嘅亮點，就係佢啲靚女朋友。
靚靚朋友又出現喇。
唱足兩首歌，仲有一首自己改編埋歌詞，誠意十足。
而挑戰難度扮蘇師傅的周百恩，在頭套及假髮的幫助下，本身輪廓偏瘦削的他驟眼看已與蘇師傅有七、八成相似，之後百恩以正能量開心Tone大玩「數白欖式睇相」，不但偏尖銳的聲線有蘇師傅影子，就連說話節奏亦似到十足。百恩表演期間還衝下台輪流與思捷、祖藍、祥師兄、美儀及火火玩互動，並先後點中思捷及祖藍死穴謂：「我批思捷未有妻，人強壯，腎冇虧。靚女好友200位啦，桃花一世」、「豪宅咁貴，億幾之嘛，對於祖藍極濕碎」，令全場拍爛手掌。火火事後大讚：「最感動到我，係你好想同觀眾玩，我好鍾意你咁hyper」，美儀亦盛讚百恩表演「難分真與假」之餘亦夠晒Enjoy，最終百恩以126對74揮低鄭詠謙出線。
有埋生肖加持，「蘇民峰」味濃。
「蘇民峰」揈住條辮出場，笑到江美儀吖！
啲鬼馬表情夠晒「蘇民峰」之餘，仲帶出好從容嘅感覺，喺鏡頭面前都感受到周百恩嘅百分百投入同享受。
江美儀又嚟喇，佢睇嚟應該係呢個節目嘅鐵粉。
周百恩篤完祖藍死穴就走去擦美儀姐鞋，識搞氣氛兼識撈。
個個都睇得好開心。
陶大衛Shocking Pink三點式晒美腿勁搶
第二輪對決是Team Fuk的陶大衛VS Team Sau的林妍，二人分別扮演「一人香港小姐」及呂珊，這輪對決的勝負更加明顯，陶大衛以156對44大比數拋離林妍勝出。陶大衛表演好看之處，勝在內容及畫面均相當豐富，一人分飾司儀及佳麗的陶大衛，在短短3分半鐘內先後以晚裝、旗袍及Shocking Pink三點式泳裝亮相，大晒「變裝能力」及修長美腿。大衛的才藝表演亦甚有噱頭，他先後以「單鼻隆」及「雙鼻窿」吹奏歌曲《小星星》及《大雀鳥小雀鳥》，而且還吹得似模似樣，相當爆笑，台下的美儀數度笑至走音，全場尖叫聲及歡呼聲更是不絕於耳。最後大衛為自己加𠕤後即衝落台親吻火火，大衛的熱情配以火火的慘情，畫面爆笑。美儀事後盛讚：「獨腳戲好難做，我想講你副偈好得呀！」已完成表演的大衛即機警地「擺甫」回敬美儀，令美儀姐再度要用力忍笑並接著說：「我喺電視機前成日問一個問題，到底你唔扮鄭中基，仲可以做啲乜呢？今日你答咗我喇已經，好好呀，恭喜你。」接受了「親吻儀式」的火火則說：「估唔到上嚟呢個節目要搞啲咁嘅嘢，好好吖，坦白講，有創意、又有設計、又有噱頭，你啲『雙管齊下』冇得贏你啦，如來神掌都畀你打低啦！其實我好怕睇男人著泳衣扮女人，但你我又接受到喎。」至於林妍除了被批演出「不完整」，更被指似元秋多過呂珊。
陶大衛雖然冇話特定扮邊個，但佢畀人嘅感覺係有將港姐嘅特質誇張同戲劇化。c
製作組真係同你計晒時，變裝手腳慢啲都會蝦碌。
呢個「鼻窿吹笛」，江美儀明顯招架唔住。
美儀用表情說出了：「驚喜果然一浪接一浪」。
陶大衛對腳冇得輸。
呢個獻吻場面，會唔會成為經典呢？BTW，陶大衛個樣好Crazy。
林妍被指似元秋多過呂珊。
除了參賽者，兩位分別以籃球員及籃球架扮相出場的「扮工室助理」郭珮文（Juliana）及陳懿德（德德），昨晚一集的表現亦極之出色，當中尤以進步神速的Juliana最為搶焦，連美儀姐亦出到聲表示欣賞。事緣向來寸嘴的思捷，向著德德說了一句：「呢個籃球架好假。」Juliana聞言竟九秒九「接招」為好拍檔平反：「我都覺得係一個好好嘅架。」美儀姐事後Chit Chat時不諱言，參與節目最期待看到的表演，正是Juliana，美儀姐說：「我覺得你好有進步，期待你更加多嘅努力喺主持工作度。」令Juliana受寵若驚。
兩位「扮工室助理」一個扮籃球員、一個扮籃球架。
學人玩「頭」籃。
美儀姐呢頭讚完大衛，個大衛嗰頭就喺度整古造怪，美儀姐都要甘拜下風了。
對於美儀姐嘅正評，Juliana先係嚇一跳，然後忍唔住笑～c
