谷婭溦自爆曾患抑鬱兼有自殺念頭！
歌手谷婭溦今日（6月11日）到新城廣播宣傳新歌《我管你》，早年受到網絡欺凌的谷婭溦曾患抑鬱兼有自殺念頭，她希望透過新歌鼓勵大家要愛惜自己，「我都想話畀大家知，一定會有人鍾意你同唔鍾意你，你唔好為嗰啲唔鍾意你嘅人傷害自己，佢都唔鍾意你，根本唔會在乎你所有好與壞，或者對你傷害有幾大，咁點解你要為傷害你嘅人折磨自己？」
谷婭溦到新城廣播宣傳新歌《我管你》。
谷婭溦坦言最初受到攻擊時只懂得將自己躲藏起來，也不停吸收負能量，以至情緒出現問題，最嚴重時更想過衝出馬路自尋短見，「當你跌入呢個洞時，會出現好多聲音，所有唔好嘅嘢會喺耳邊不停鬧你，鬧你垃圾、癈、滾啦。後尾我離開咗香港半年，去咗北京中央戲劇學院讀戲劇，有個課程叫解放天性，讀完之後開始知道點發洩負能量。」谷婭溦指當時雖然有看情緒科醫生，但情緒病也得靠患者自己才會康復，「因為你先係主導，如果你跌咗入個洞但唔願意爬番出嚟，都冇人可以救到你，你自己先可以救到自己。」
她表示希望透過新歌鼓勵大家要愛惜自己。
谷婭溦透露早年因受到網絡欺凌，曾患抑鬱兼有自殺念頭。
生命可貴，若有困擾可求助。
24小時求助熱線︰
香港撒瑪利亞防止自殺會熱線︰23892222
撒瑪利亞會熱線（多種語言）︰28960000
生命熱線︰23820000
東華三院芷若園熱線︰18281
社會福利署熱線︰23432255
醫院管理局精神健康專線（24小時精神健康熱線諮詢服務）：24667350
明愛向晴熱線：18288
利民會： 3512 2626
賽馬會青少年情緒健康網上支援平台「Open 噏」：http://www.openup.hk
