笑言細個係廢柴為咗小朋友急速長大，感觸寫上：突然由粒蛋進化到究極形態。
JNYBeatz與床哥@JFFT趕及在父親節重磅推出新歌《毒男爸爸》，一字一句都真實寫下自己作為年輕爸爸的心路歷程，集深情、感觸、rap元素，用他們的語言詮釋「最甜蜜的負荷」，誓要擊中爸爸們的淚線。
點擊看圖輯
JNYBeatz與床哥@JFFT趕及在父親節重磅推出新歌《毒男爸爸》
事關二人太多共通點，大家同樣現年31歲、都是年輕爸爸、在同一區長大、以往流連同一間網吧、沉迷過同一款電腦遊戲
二人又笑言以前自己非常「劇毒」，哪有想過如此年輕就成為爸爸
前：JNY囡囡Jayla 中：JNY囝囝Jairuz 後：床哥囡囡娜姐
他們又覺得其實年輕時做父母是好事，以前未有小朋友都不察覺
JNYBeatz與床哥@JFFT趕及在父親節重磅推出新歌《毒男爸爸》
JNY與床哥於去年認識，自此一拍即合，事關二人太多共通點，大家同樣現年31歲、都是年輕爸爸、在同一區長大、以往流連同一間網吧、沉迷過同一款電腦遊戲，到成年後同樣作幕前演出，二人經歷如此相似簡直「大癲！」他們又笑言：「香港真係好少講經歌，全部都係情情塔塔。咁多年嚟得一首《真的愛你》係講媽媽，冇歌講爸爸！香港市場爸爸係唔入流，《毒男爸爸》就係第一首頌讚爸爸嘅歌，而且仲要係年輕爸爸。」
JNY與床哥於去年認識，自此一拍即合
事關二人太多共通點，大家同樣現年31歲、都是年輕爸爸、在同一區長大、以往流連同一間網吧、沉迷過同一款電腦遊戲
二人又笑言以前自己非常「劇毒」，哪有想過如此年輕就成為爸爸，他們回想年少時只懂打機，是個廢柴，每天都活得沒有目標，到養育小朋友開始就有了清晰人生目標，為了家庭去奮鬥，所以寫下一句非常到肉的歌詞「突然由粒蛋進化到究極形態」。
二人又笑言以前自己非常「劇毒」，哪有想過如此年輕就成為爸爸
他們又透露心聲，年紀輕輕就要為人父親令自己急速成長，說說：「呢啲題材冇人夠膽講，大家都會咁細個做爸爸話唔好，成日話未ready唔好做爸爸。但其實邊有人係ready做爸爸，因為你冇得去做爸爸㗎嘛，點ready啫？就算口講話『堅ready』，係咪真係ready先？係要到小朋友出世嗰下先至係『我準備ready』。」這首歌就是細訴他們的心路歷程。
這首歌就是細訴他們的心路歷程。
前：JNY囡囡Jayla 中：JNY囝囝Jairuz 後：床哥囡囡娜姐
他們又覺得其實年輕時做父母是好事，以前未有小朋友都不察覺，床哥說：「其實我都係3張，個女已經8、9歲，我覺得同佢仲玩得埋。」JNY說：「以前係諗，不如3張先諗係咪要生呢？係咪要plan呢？但發現其實唔係，如果我哋依家先生小朋友會仲攰，依家由0歲開始養，真係搞唔掂，出事！哈哈！」二人非常有默契，大家現時聽到的對唱形式是錄音當日才即興決定，床哥形容歌曲有很多情緒起伏，這個對唱形式好像兩個爸爸聊天講心聲，相信各位爸爸一定共鳴。
他們又覺得其實年輕時做父母是好事，以前未有小朋友都不察覺
JNY25歲就成為爸爸，分享被逼由毒男進化做爸爸的經歷！
JNYBeatz（JNY）與床哥@JFFT在父親節重磅推出新歌《毒男爸爸》，是JNY與太太Karris Sauch包辦作曲及監製，作詞則是他跟床哥合作，兩個爸爸所寫的歌詞，一字一句都真實寫下自己作為年輕爸爸的心路歷程。JNY近日就接受《巴士的報》專訪，介紹新歌《毒男爸爸》。
JNYBeatz與床哥@JFFT趕及在父親節重磅推出新歌《毒男爸爸》
JNY近日就接受《巴士的報》專訪，介紹新歌《毒男爸爸》（本網記者攝）
床哥21歲就做爸爸，太太誕下女兒「娜姐」，而JNY於25歲時，大仔Jairuz出世，現有一子一女。JNY介紹新歌表達了他與床哥作為「年輕爸爸」的不容易，「新歌介紹我哋由未結婚到有小朋友，再到結婚並育有生仔的心路歷程，由一開始的毒男對人生完全冇目標冇方向，就知道打機，到現在不斷進化與改變！」
JNY介紹新歌表達了他與床哥作為「年輕爸爸」的不容易（本網記者攝）
前：JNY囡囡Jayla 中：JNY囝囝Jairuz 後：床哥囡囡娜姐
之所以會同床哥合作的原因，JNY表示：「上年因為宣傳新歌《分分鐘都需要你》而上JFFTLIVE因此結緣，傾計的時候發現兩人好多共同點，大家都係荃灣友，又經常會去網吧打機，甚至喜歡同一個game，兩人亦有相同經歷大家都係『年輕爸爸』，且創作歌曲之前兩人已經有火花夾咗，因此出歌就都係好有默契。」
JNY與床哥於去年認識，自此一拍即合
介紹與床哥相識故事（本網記者攝）
會選擇「年輕爸爸」做歌曲主題，JNY表示因為在社會上太多聲音會認為這類人群是一種「禁忌」，所謂的「年輕」好似都係一種錯誤，「呢啲題材其實大家都唔夠膽講，因為大家都覺得咁細個做爸爸唔好，成日話未ready唔好做爸爸。但其實邊會有人係ready做爸爸，因為你冇得去做爸爸㗎嘛，點ready啫？都係要到小朋友出世嗰下先至係『我準備ready』。」
JNY表示因為在社會上太多聲音會認為這類人群是一種「禁忌」，所謂的「年輕」好似都係一種錯誤（本網記者攝）
講到最喜歡的歌詞，床哥就選擇一句非常到肉的歌詞「突然由粒蛋進化到究極形態」，因為歌詞就係諗起《數碼暴龍》中，所有數碼寶貝都會經歷「由蛋進化到究極形態」，當中本來要經歷幾個階段，但因為孩子的出現讓這些「年輕爸爸」無奈只能被逼瞬間進化到究極形態，只能被推著成長與改變。JNY則是「為你只想努力，原諒我當爸爸不夠好。」，他表示自己很多付出都是為了孩子而去努力，但同時會發現自己其實太多時間放在工作上，反而會忽略了小朋友，沒有陪伴他們的時間，「所以其實我都好想同啲小朋友講，有時候爸爸都未必做得好，未必永遠都係啱嘅。」
他表示自己很多付出都是為了孩子而去努力，但同時會發現自己其實太多時間放在工作上，反而會忽略了小朋友（本網記者攝）
JNY透露其實生小朋友前經濟壓力已經有，「因為做音樂都係窮嘅，窮之餘仲要整個B，簡直就係窮上加窮。」但當知道有小朋友後，JNY竟選擇辭職，決定自己出嚟做，因此當時收入相當不穩定，「而且開頭小朋友係要做好多產檢，一個月要睇兩至三次，每次都差唔多兩三千，那個階段差唔多可以話係『燒銀紙』，而且最後係開刀，基本上戶口所有錢都俾曬開刀。好彩個仔大左之後，我都搵到好多唔同機會，亦都逐漸穩定。」他亦非常樂觀表示這些成長亦都是因為小朋友在不斷推動，「如果我冇小朋友可能就唔會有動力去搵更加多錢，做咁多唔同挑戰！」
JNY被小朋友推著成長（本網記者攝）
本網記者攝
JNY想對現在的年輕爸爸說：「其實大家唔洗太過介懷自己係一個『年輕爸爸』，因為至少我哋同小朋友嘅代溝比較少，而且體力也會多啲，可以同小朋友打成一轉。雖然可能現在事業未到極佳，但會多啲時間同小朋友一齊。大家唔需要驚，一定要加油，因為我都知喺香港養小朋友係貴嘅，但係大家一齊努力！」而對所有爸爸他亦表示希望可以多啲陪伴小朋友，支持小朋友的愛好，多啲表達下父愛，「爸爸成日咩都收埋係心，有苦就自己知，甚至會俾啲仔女誤會，所以其實爸爸可以多啲同小朋友講下感受，好似呢首歌咁，我都係直接將想表達嘅說話直接寫落嚟！」
希望年輕爸爸可以努力加油（本網記者攝）
亦都希望爸爸們可以主動表達自己對小朋友的愛（本網記者攝）
本網記者攝
