JNYBeatz分享做「年輕爸爸」的不易 直言俾小朋友推住成長

JNY25歲就成為爸爸，分享被逼由毒男進化做爸爸的經歷！

JNYBeatz（JNY）與床哥@JFFT在父親節重磅推出新歌《毒男爸爸》，是JNY與太太Karris Sauch包辦作曲及監製，作詞則是他跟床哥合作，兩個爸爸所寫的歌詞，一字一句都真實寫下自己作為年輕爸爸的心路歷程。JNY近日就接受《巴士的報》專訪，介紹新歌《毒男爸爸》。

JNYBeatz與床哥@JFFT趕及在父親節重磅推出新歌《毒男爸爸》

JNY近日就接受《巴士的報》專訪，介紹新歌《毒男爸爸》（本網記者攝）

床哥21歲就做爸爸，太太誕下女兒「娜姐」，而JNY於25歲時，大仔Jairuz出世，現有一子一女。JNY介紹新歌表達了他與床哥作為「年輕爸爸」的不容易，「新歌介紹我哋由未結婚到有小朋友，再到結婚並育有生仔的心路歷程，由一開始的毒男對人生完全冇目標冇方向，就知道打機，到現在不斷進化與改變！」

JNY介紹新歌表達了他與床哥作為「年輕爸爸」的不容易（本網記者攝）

前：JNY囡囡Jayla 中：JNY囝囝Jairuz 後：床哥囡囡娜姐

之所以會同床哥合作的原因，JNY表示：「上年因為宣傳新歌《分分鐘都需要你》而上JFFTLIVE因此結緣，傾計的時候發現兩人好多共同點，大家都係荃灣友，又經常會去網吧打機，甚至喜歡同一個game，兩人亦有相同經歷大家都係『年輕爸爸』，且創作歌曲之前兩人已經有火花夾咗，因此出歌就都係好有默契。」

JNY與床哥於去年認識，自此一拍即合

介紹與床哥相識故事（本網記者攝）

會選擇「年輕爸爸」做歌曲主題，JNY表示因為在社會上太多聲音會認為這類人群是一種「禁忌」，所謂的「年輕」好似都係一種錯誤，「呢啲題材其實大家都唔夠膽講，因為大家都覺得咁細個做爸爸唔好，成日話未ready唔好做爸爸。但其實邊會有人係ready做爸爸，因為你冇得去做爸爸㗎嘛，點ready啫？都係要到小朋友出世嗰下先至係『我準備ready』。」

JNY表示因為在社會上太多聲音會認為這類人群是一種「禁忌」，所謂的「年輕」好似都係一種錯誤（本網記者攝）

講到最喜歡的歌詞，床哥就選擇一句非常到肉的歌詞「突然由粒蛋進化到究極形態」，因為歌詞就係諗起《數碼暴龍》中，所有數碼寶貝都會經歷「由蛋進化到究極形態」，當中本來要經歷幾個階段，但因為孩子的出現讓這些「年輕爸爸」無奈只能被逼瞬間進化到究極形態，只能被推著成長與改變。JNY則是「為你只想努力，原諒我當爸爸不夠好。」，他表示自己很多付出都是為了孩子而去努力，但同時會發現自己其實太多時間放在工作上，反而會忽略了小朋友，沒有陪伴他們的時間，「所以其實我都好想同啲小朋友講，有時候爸爸都未必做得好，未必永遠都係啱嘅。」

他表示自己很多付出都是為了孩子而去努力，但同時會發現自己其實太多時間放在工作上，反而會忽略了小朋友（本網記者攝）

JNY透露其實生小朋友前經濟壓力已經有，「因為做音樂都係窮嘅，窮之餘仲要整個B，簡直就係窮上加窮。」但當知道有小朋友後，JNY竟選擇辭職，決定自己出嚟做，因此當時收入相當不穩定，「而且開頭小朋友係要做好多產檢，一個月要睇兩至三次，每次都差唔多兩三千，那個階段差唔多可以話係『燒銀紙』，而且最後係開刀，基本上戶口所有錢都俾曬開刀。好彩個仔大左之後，我都搵到好多唔同機會，亦都逐漸穩定。」他亦非常樂觀表示這些成長亦都是因為小朋友在不斷推動，「如果我冇小朋友可能就唔會有動力去搵更加多錢，做咁多唔同挑戰！」

JNY被小朋友推著成長（本網記者攝）

本網記者攝

JNY想對現在的年輕爸爸說：「其實大家唔洗太過介懷自己係一個『年輕爸爸』，因為至少我哋同小朋友嘅代溝比較少，而且體力也會多啲，可以同小朋友打成一轉。雖然可能現在事業未到極佳，但會多啲時間同小朋友一齊。大家唔需要驚，一定要加油，因為我都知喺香港養小朋友係貴嘅，但係大家一齊努力！」而對所有爸爸他亦表示希望可以多啲陪伴小朋友，支持小朋友的愛好，多啲表達下父愛，「爸爸成日咩都收埋係心，有苦就自己知，甚至會俾啲仔女誤會，所以其實爸爸可以多啲同小朋友講下感受，好似呢首歌咁，我都係直接將想表達嘅說話直接寫落嚟！」

希望年輕爸爸可以努力加油（本網記者攝）

亦都希望爸爸們可以主動表達自己對小朋友的愛（本網記者攝）

本網記者攝

Mike曾比特近日推出2024年首隻個人單曲《Talk To Me》，亦是他第一首國語作品，他表示：「呢首歌係希望以一個安慰、比啲能量大家，作為前題下創作嘅一首歌。」

Mike近日推出新歌《Talk To Me》。

Mike接受《巴士的報》訪問。（本網記者攝）

Mike指，歌名叫《Talk To Me》，是代表每個人都需要一個「Me」，即是一個人去傾訴，他認為每個人生活上或多或少會有些壓力或鬱結，但沒有方法或地方去好好發洩，日積月累下，內心入面就會有好多垃圾積聚，「所以今次推出呢首歌嘅原因都係因為希望將每一位聽眾內心嘅垃圾得以清除咗，有時你搵唔到有個人傾訴嘅時候，你會咁啱諗起一首歌『cause i be here talk to me』，你就會諗起一句咁嘅歌詞，咁你就會覺得好似有人支持你。」

Mike IG圖片

Mike IG圖片

觀看相關影片按連結：https://youtu.be/WduNI4GT-uE

雖然新歌是鼓勵人們面對困難時不要獨自承受，要勇敢與他人分享自己的情緒，但Mike自言不擅長「Talk to人」，並笑言自己平日是「Talk to小動物」，而自己排解鬱結心情的其中一個方法就是唱歌，Mike說：「我以前經常性無嘢做或者多嘢諗就練歌囉自己係度，我覺得練習係一樣好好嘅嘢，無論練歌也好，練樂器也好，可能甚至係一啲技能上嘅嘢去練習，我覺得係練習嘅過程，你會清空咗你個腦袋，你會好foucs做呢樣嘅時候，慢慢入面好多嘢，可能你覺得唔好嘅嘢就會唔見咗。」

本網記者攝

Mike笑言自己平日是「Talk to小動物」。

愛犬Waffle

在過去兩年，Mike積極開拓內地市場，憑真人騷《聲生不息》在內地人氣急升，之後又曾參與《披荊斬棘2》，以及多個不同的綜藝節目，Mike謙虛的表示：「又唔可話發展嘅，無論咩地方都繼續努力啦！」他指在內地活動與香港最大的分別是，他可以與來自不同地方，例如台灣、馬來西亞的歌手合作，每個地方的歌手都各有特色，會令人意想不到，並舉例他最近參加了真人騷《下一戰歌手》，裏面有內地、台灣及馬來西亞的歌手，大家在音樂上都會有不同的想法，「同我一齊玩得最多嘅就係艾薇，佢係一個好搖滾嘅一個女孩子，但佢個人嘅反差都好大，我覺得都好有趣！」

Mike憑真人騷《聲生不息》在內地人氣急升。

Mike在《下一戰歌手》中與艾薇合作。

Mike是選秀節目《全民造星II》出身，而在內地參加的綜藝節目大多都是歌唱比賽的模式，相比起當年參加《造星》，他覺得他在唱歌和面對人方面都有進步，而現在的他亦比以前更加放鬆，「（依家）身邊就係同我一樣做緊歌手嘅人，大家都係玩音樂嘅時候，相對個氛圍就比較直接同簡單啲，因為以前比賽你可能係擅長跳舞，佢會擅長做呢樣、佢會擅長做嗰樣，咁嗰件事可能大家共同嘅話題未必真係咁多，咁當然後期大家都係一齊為同一個目標去努力啦，咁但係呢個節目（《下一戰歌手》），好多唔同嘅節目都係，更加多大家一齊去Jam歌、一齊去唱歌，大家研究首歌點唱，嗰件事就變得直接同簡單。」

Mike IG圖片

本網記者攝

Mike亦從前輩身上學到對歌手這份職業的態度，而面對同輩，他就覺得最緊要大家玩得開心，「大家玩得埋，我覺得好似交朋友咁樣。如果你話學到啲咩特別，我學到最特別一樣嘢就係，我學到唔同嘅話。」Mike還即場示範馬來西亞和閩南話，又笑言其他就「唔講得」。

本網記者攝

曾比特因內地音樂真人騷《聲生不息》與林子祥和葉蒨文結緣。

Mike IG圖片

Mike近年主力在表演上，推出的作品數量較少，他透露來年亦會出更多歌，而今次推出個人首隻國語單曲《Talk To Me》是一個project的起步，有計劃推出國語專輯，其他計劃就要睇公司，但他好希望可以演唱會，但前題是要儲多此歌，「我希望趁住呢段時間追返，可以推出到，催迫自己去真係有唔同嘅作品出嚟。」提到近年很多歌手都會合作開拼盤show，Mike即笑言：「我個人嚟講係樂意，所以有嘅話記得搵我！」

本網記者攝

Mike：
Outfit: ZARA
Makeup: Puffy Tsang