歐倩怡與郭晉安離婚後首受訪 自爆有玩交友App：緣份擋唔住

歐倩怡玩交友App與六男約會？

曾被視為「圈中模範夫妻」的郭晉安與歐倩怡（Cindy）上月驚爆離婚，結束近18年婚姻，消息傳出後，震撼整個娛樂圈。Cindy日前就接受蝦頭及連詩雅主持的《絲打圍爐》訪問，罕談回復單身一事，並自爆有玩交友App。

歐倩怡（Cindy）公布婚變後首度現身，接受「蝦頭」楊詩敏及連詩雅網上節目「絲打圍爐」訪問。

Cindy指外界以為她是少奶奶，但其實為了照顧家庭很辛苦。

從片中所見，Cindy在訪問當日笑容燦爛，似乎未有受離婚的事件影響。作為兩孩之母的她，回想起當時湊小朋友的辛苦日子，便是大仔上小學、細女仍在幼稚園的階段：「唔同時間唔同學校接送，嗰陣來回九龍西貢一日8次，油錢時間都幾係嘢。」

自爆有玩交友App結識男士。

曾與六位比較啱傾男士見面。

近年積極進修的她，除成功考獲營養師牌，更表示希望可以再考瑜伽導師牌。蝦頭及連詩雅大讚她是時間管理大師，Cindy表示只要報名、交了學費「洗濕咗個頭」便會堅持做落去。Cindy透露現時在診所工作，不過在全個節目沒直接講有關離婚原因，但自爆有玩交友app：「女人真係唔好讀太多書，真係有啲男士係會驚你，講個秘密畀大家知，最近開始玩交友App，profile寫自己咩咩咩，勁得濟係嚇親人，所以盡量簡單啲！不過原來鍾意運動嘅女人，係原來多啲人like。」

郭晉安與歐倩怡上月驚爆離婚。

18年婚姻劃上句號。

Cindy更透露在交友App曾與六位比較啱傾男士見面，其中一人連續爽約兩次，Cindy謂玩App只是「實驗性質」，唔係為識男仔而識男仔：「我16歲開始入娛樂圈，我個世界都係娛樂圈入面嘅人，近呢一年喺中醫診所打工，開始接觸呢個社會，但其實好多人際關係、社交手腕等，以前都係靠晒經理人，呢方面我係好渣。所以，其實我係想睇下呢個世界，唔同行業既人做緊乜。」不過她坦言現時對發展新關係抱開放態度：「冇所謂，有啲七老八十先遇到真愛喺埋一齊啦，我諗依家呢個世代，緣份擋唔住，要走又挽留唔到，人生就係離離合合，生老病死。」

郭晉安在上月底因出席新劇《金式森林》造型暨拜神儀式，公開離婚後露面見傳媒，他指與Cindy現時關係良好，彼此仍是朋友，一直有保持聯絡。

歐倩怡透露2019年12月曾走過生死邊緣。

回復單身的歐倩怡（Cindy）早前接受蝦頭及連詩雅主持的《絲打圍爐》訪問時，坦言對下一段感情關係持開放態度，認為緣分來時擋不住，要走也挽留不了，人生就是離離合合，來來去去，生老病死。Cindy直言其性格豁達是因為40歲那年曾走過生死邊緣。

歐倩怡（Cindy）憶2019年經歷大病，半夜呼吸困難失禁暈倒，一度以為會死。

當時她呼吸困難及失禁，「隔籬嗰個」第一時間竟然是上網查資料找方法。

Cindy回憶指在2019年12月初患因重感冒不斷發燒，看了三次醫生都未痊癒，更在有一晚睡夢中突然感到由左手中指像觸電般流通全身，而且無法呼吸。Cindy說：「我坐咗起身，拍我隔籬嗰個，我話我唞唔到氣，幾乎我講唔到嘢，跟住佢話咪玩啦，瞓覺。」後來「隔籬嗰個」用手機上網搜尋解決方法，於是用片糖沖熱水給Cindy飲，可是卻完全沒作用，她無奈說：「當時我真係失禁，周圍都係，去到嗰刻，我覺得自己應該唔得喇。」

自爆玩交友App結識異性。

Cindy表示當時即想到是一對年幼子女，並覺得自己還有很多事未做，於是開始祈禱，而「隔籬嗰個」拿個痰罐讓她嘔吐，她抱住痰罐卻突然暈倒，更笑言第二醒來，個頭仍塞住痰罐度。」直至翌日醒來再到醫院求醫。

主持蝦頭及連詩雅十分奇怪，問為何在此危急情況下，Cindy或「隔籬嗰個」仍然不叫白車。不過Cindy一直沒有回答此事，只稱：「照晒肺片個肺直情冇咗一忽，嚴重肺積水，身體好似8、90歲咁，一次過肺炎、肝炎、腸炎同尿道炎，淨係食藥都醫半年，唔知咩菌...」她表示此次事件後明白要及時行樂，做自己想做的事，令她人生觀大改變。

Cindy疑暗示郭晉安冷漠對待不叫白車。

雖然Cindy在全個節目一直沒有講「郭晉安」三個字，但不少網民稱她所指「隔籬嗰個」，應就是其當時老公郭晉安，隨即在網上引發熱議。

郭晉安與歐倩怡（Cindy）在5月宣布早在2年前已分居，並正式結束近18年婚姻。