衛詩雅家中有20多個靈體 最驚沖涼被偷窺？

好得人驚！

藝人衛詩雅（Michelle）日前（19日）接受新城《恐怖熱線》主持潘紹聰訪問，兩人認識多年，Michelle更是潘紹聰節目的忠實粉絲，終於首次到電台接受潘紹聰訪問，除了大談靈異事件，Michelle更「出賣」爸爸，大爆爸爸遇上「神棍」險被騙。

衛詩雅（Michelle）首次接受新城《恐怖熱線》潘紹聰訪問。

Michelle人生首次看到靈體是在朋友的西貢寓所，當時剛走入屋內，便看到一個籃球般大的白色氣體極速走出來，當時只有她看到，令她印象難忘。而另一次遇上怪事經歷，就發生在父母家中，某一晚她寄宿在父母家中，凌晨3點聽到愛犬望着一個位置狂吠，令她起了疑心，「屋企出面的戶外環境比較大，第二朝我哋重看閉路電視，見到狗仔狂吠之前，屋企出面有幾盞燈先後着咗，維持咗廿幾秒，好以有人在出面路過再企喺度到咁。」

衛詩雅與主持人潘紹聰合照。

分享怪事經歷。

後來Michelle向一名師傅求助，該師傅指Michelle家中有20多個靈體，但她聲言唔驚，「有20幾個自己開派對啦，都唔得閒搞你，係沖涼就有少少驚，驚佢哋會裝我。」Michelle更踢爆爸爸信有鬼神之說，而且有段時間身上戴滿佛牌，又會將佛牌掛在安放關公像的櫃上。某日放學回家，Michelle看到有兩名男子在家中做法事，「阿爸叫我唔好理，跟住我聽到師傅唸經，嗰刻有一下暈一暈，跟住就請走晒所有佛牌，連關公都請走埋。」

被師傅指家中有20多個靈體 。

Michelle還大爆爸爸遇上「神棍」險被騙。

早年Michelle父母信奉觀音，某年卻因而險被騙，「佢哋有日同我講，話約咗觀音，又話有好多師傅徒弟一齊去，佢哋叫我一齊去，觀音咁難約梗係去。」眾人去到錦上路一個爛地車場，走進貨櫃場內放了一張枱和香燭，師傅叫誠心跪拜觀音，但要求他們要閉眼，「我好奇係咁偷望，見到一個着住白紗、發光嘅人形，仲要高到上頂，爸爸話同時聞到蓮花香味，佢就覺得一定係真，但當師傅話要畀錢起廟，佢就覺得係假，之後爸爸仲突然醒起，當日換了新的蓮花香味止汗劑，之後就冇再去。」

Kenny豪言：「揀啦！」

衛詩雅（Michelle）近日除了密密為叫好叫座的電影《破．地獄》四出宣傳、謝票，將於出年二月結婚的她同時亦忙於籌備婚禮，早前她已經試過婚紗、裙褂及婚宴菜式，日前便孖住關智斌（Kenny）到英皇珠寶試首飾。二人身為婚嫁系列的全新代言人，作為師兄的Kenny表示要送上小禮物，更豪言：「揀啦！」Michelle純時心花怒放。

觀看相關影片按連結：https://youtu.be/v14sKL7Oi6A

二人在店舖邊選購首飾邊傾偈，Kenny問Michelle她的準老公周醫生有沒有送過禮物給她時，Michelle表示沒有，不過卻有比送禮物更浪漫的事，「佢送俾我嘅禮物係好有心思，佢會自己作詩。我講真㗎！佢作英文詩，我睇唔明，又要翻譯又唔知佢寫乜，哈哈。佢開始get到我唔識，就轉咗寫中文，但係寫中文我都唔明，哈哈。」在旁Kenny大叫浪漫，又問：「你覺得佢對你做過最浪漫嘅嘢係乜嘢？」Michelle即一副冧樣道：「佢完全唔識剪片，我覺得最勁係佢會特登剪片俾我，每日剪一條好短嘅，有啲英文、有啲中文咁樣寫落去。」

Michelle戴到成身金飾，笑指自己似「美少女戰士」。

Kenny都試埋一份。

隨後畫風一轉，Michelle分享了一件趣事，「有一年生日，佢送咗一個好大嘅盒俾我，你以為係嗰啲唔知乜嘢包包啦，我開心揭開，係一架Lego車。我唔明點解送一架Lego車俾我，我個表情真係控制唔到，一揭開我本來係笑住，仲要係一架唔知乜嘢嘅跑車，如果係送我揸緊嗰個型號我都明，我笑住問：『點解？』佢話：『冇呀，我好鍾意呢架Lego車，想你幫我砌，所以送俾你』。」二人即笑翻天。

Michelle又分享了一件未婚夫的趣事。

隨後，Kenny又問他們二人有否love language？Michelle指自己每次見到周醫生時，都會主動「攬住佢」，「我係嗰啲好陽光，佢冇我咁正能量，所以我見到佢我就會攬住佢。我同佢講有研究顯示情侶攬八秒，身體就會分泌一樣嘢令你開心，我就會咁樣攬住佢，呢個係我嘅love language 。」Kenny解說love language的重要性，Michelle即笑說Kenny十足婚前諮詢專家。

Kenny解說love language的重要性。

二人由金器揀到珍珠，Michelle將揀出來的首飾全都戴上身，不捨得除下，Kenny說：「我已經好多錢，亦都想再搵多啲錢。」Michelle即打蛇隨棍上，「咁我可以揀份大啲嘅結婚禮物。」Kenny即大笑：「揀啦！」

二人由金器揀到珍珠，揀得好開心！