破．地獄｜開畫週末創下香港電影9項紀錄 導演陳茂賢望傳遞更多正面訊息同力量畀觀眾

女主角衛詩雅則表示電影的成功要歸功台前幕後及觀眾支持。

由陳茂賢執導兼親自執筆，英皇電影《破．地獄》現正上映，昨日（11月11日）單日即時話票房收報$2,764,404，累積票房近1900萬！

《破．地獄》累積票房近1900萬！

電影由黃子華、許冠文（Michael）、衛詩雅（Michelle）、朱栢康及周家怡領銜主演，秦沛、金燕玲、韋羅莎、梁雍婷、白只、鍾雪瑩等聯合演出。全城期待的《破．地獄》在剛剛過去的開畫週末正式上映，不僅吸引了廣大觀眾進場欣賞，重現久違的戲院人潮，更打破多項香港電影紀錄，成為2024年全港最矚目的電影之一。

《破．地獄》劇照

《破．地獄》劇照

《破．地獄》劇照

《破．地獄》在11月9日首日上映便創下「史上最高香港電影開畫票房」紀錄，收入高達$7,466,387，超越了之前2016年由《寒戰2》保持的紀錄。

此外，《破．地獄》以107,344人次拿下了「香港電影開畫日最高入場人次」；而在「香港電影單日最高入場人次」方面，《破．地獄》亦以108,599人次再次奪冠。

《破．地獄》開畫週末所創之紀錄：
1. 香港電影開畫日最高票房
- No.1 《破．地獄》 – $7,466,387
- No.2 《寒戰2》 - $5,453,225

2. 香港電影開畫日最高入場人次
- No.1 《破．地獄》 – 107,344
- No.2 《寒戰2》 - 76,312

3. 香港電影最高開畫日累積票房
- No.1 《破．地獄》 – $8,632,982
- No.2 《紀念日》 - $8,114,466

4. 香港電影開畫日最多場次
- 開畫日場次逾1000場

5. 香港電影單日最高入場人次
- No.1 《破．地獄》 – 108,599
- No.2 《寒戰2》 – 106,774

6. 2024 中西片開畫日最高票房
- No.1 《破．地獄》 – $7,466,387
- No.2 《九龍城寨之圍城》 – $5,199,591

7. 2024 中西片開畫日最高入場人次
- No.1 《破．地獄》 – 107,344
- No.2 《九龍城寨之圍城》 – 75,247

8. 2024 中西片單日最高票房
- No.1 《破．地獄》 – $7,522,662
- No.2 《死侍與狼人》 – $6,218,969

9. 2024 中西片單日最高入場人次
- No.1 《破．地獄》 – 108,599
- No.2 《九龍城寨之圍城》 – 79,437

《破．地獄》劇照

導演陳茂賢得知喜訊，導演陳茂賢表示：「見到《破．地獄》喺開畫週末獲得咁好嘅成績，我覺得非常鼓舞。謝票時聽到觀眾嘅分享都十分窩心，衷心希望可以透過《破．地獄》傳遞到更多正面嘅訊息同力量畀觀眾。」

《破．地獄》劇照

《破．地獄》劇照

《破．地獄》劇照

而演出備受激讚嘅女主角衛詩雅亦分享了她的感受，「能夠參與呢部戲係一個十分珍貴嘅經歷，上映後睇到觀眾嘅反應同熱烈迴響，對我嚟講係一個好大的肯定。一切都歸功於導演，以及台前幕後所有團隊嘅努力，感謝每一位入場觀眾嘅支持。」

《破．地獄》劇照

《破．地獄》劇照

《破．地獄》劇照

拍YouTube 都有唔少得著呀。

日前，關智斌（Kenny）、衛詩雅（Michelle）及冤枉娛樂主理人「枉阿姐」受邀，為「Rhythm & Brews by YouTube」期間限定展，並進行以「內容策略如何協助藝人建立形象」為主題的Fireside Chat互動訪談。

六年前，Michelle開始成立自己的YouTube Channel，當中的「衛食攻略」愈拍愈受歡迎，不過原來開始的時候她十分抗拒，「我係嗰啲想好專心做一樣嘢嘅人，我淨係覺得我淨係拍戲！拍戲以外嘅任何嘢我都唔想做！以前嘅我係連訪問都唔鍾意做，我淨係想做關於電影嘅嘢。」不過由於開戲的不穩定性，枉阿姐便建議她投入「YouTuber」行列，「我話唔好啦，枉阿姐就話：『你試吓啦。』冇辦法啦，冇戲拍。『衛食攻略』都係佢哋幫我諗，因為覺得我個人貼地，就話不如拍一個咁樣嘅Channel。」

六年前，Michelle開始成立自己的YouTube Channel

至於Kenny，他坦言由始至終都沒想過自己會做一個YouTuber，疫情期間是一個轉捩點，「平時嘅工作好多都停頓咗，講得白啲即係冇嘢撈，哈哈。嗰段時間我睇多咗好多YouTube，開始覺得我唔使每次有演唱會或者出碟先至見人，其實我可以喺呢啲片入面，同到好多人接觸。拍Youtube唔係淨係拍一、兩條片，係要keep住長期拍挧，你要好有passion先得，人哋可以了解到你最真實嘅一面。」

Kenn沒想過自己會做一個YouTuber

「枉阿姐」絕對是二人的幕後推手，她憶述最初加入公司時，拍了大量不同類型的搞笑短片，但沒有適合平台播放，於是膽粗粗向CEO建議，「『可唔可以開一個Channel喺俾我擺一啲我哋拍嘅片、自家嘅content上去？』佢話：『好吖！你開啦。叫咩名好呀？』我話要玩嘢少少，不如叫『冤枉』啦，即係英皇嘅諧音，開頭諗住講吓嘅啫，點知老闆OK喎，原來佢比我想像中玩得，佢行得好前。我仲記得第一個project係許靖韻嘅『小背心』。」

「枉阿姐」絕對是二人的幕後推手

問到拍片的最大挑戰，Kenny直言在Youtube世界中，藝人不會有特別優勢，因為網民只會對着重短片內容，跟藝人身份毫無關係。但他坦言因為拍攝「斌菲特」系列而增長不少知識，「因為呢個Channel真係要講一啲投資、資訊性嘅嘢，每集嘉賓都係喺自己範疇入面係一個好勁嘅人，我真係唔可以完全乜都唔知就去做呢個訪問，因為咁亦都係好唔respect呢個嘉賓，喺呢一段時間我真係增長咗好多嘅知識。」Michelle則大爆拍攝時撞破偷情男女，「我哋拍『衛食攻略』，經常要去啲小店拍攝，小店多數都比較細間，我哋要避開啲人群嚟拍攝。有一次拍拍下突然間有個男人衝埋嚟，揞住個鏡頭叫我哋唔好怕，原來佢喺度同另外一個女仔偷情。條片係有出嘅，不過其實都影唔到佢哋，哈哈。」

Kenny坦言因為拍攝「斌菲特」系列而增長不少知識

Michelle則大爆拍攝時撞破偷情男女