港媽於長沙灣某健身中心遺下3件首飾,5分鐘後折返更衣室時已不翼而非,她表示願出重酬尋回失物「超過總價值,求下你!」
![示意圖。設計圖片](https://image.bastillepost.com/1024x/wp-content/uploads/hongkong/2023/09/20230918_source-web_運動健身gym3-1024x683.jpg.webp)
示意圖。設計圖片
港媽長沙灣某健身中心失3件首飾
該港媽於Facebook群組「香港失物報失及認領群組」發文,表示日前到長沙灣某健身中心健身後,從儲物櫃拿回健身前除下的3件首飾,並將它們放在桌上想待吹頭後戴上,豈料吹頭後她竟遺下首飾便離開,5分鐘後當她再折返更衣室時,桌上的首飾已不翼而非。3件首飾包括「求婚戒指(內有刻字)」、「手鏈(同老公拍拖第一份生日禮物)」及「頸鏈(屋企人送既生日禮物)」。
![FB圖片](https://image.bastillepost.com/801x/wp-content/uploads/hongkong/2024/07/20240627_CR_source-web_lost.jpeg.webp)
FB圖片
求婚戒指意義非凡 港媽寢食難安
樓主又指求婚戒指非常有紀念價值,遺失了求婚戒指令她寢食難安「即使用錢買過新既一隻都唔係求婚果隻,我只係想果位女士會良心發現比返我,大家都係女人,呢一啲有意義既野真係用錢都買唔返,隻介指係我老公當初死慳爛慳買返黎,唔見左,我好內疚,我好對佢唔住,訓唔到食唔到」。
![FB圖片](https://image.bastillepost.com/822x/wp-content/uploads/hongkong/2024/07/20240627_CR_source-web_lost2.jpeg.webp)
FB圖片
港媽願出重酬「超過總價值」尋回失物
樓主尋失物心切,表示願意出重酬給拾獲人士,並承諾不會追究任何責任「鑽石不保值,缺少GIA證書下,典當鋪只會約20%價格收回,我願意付出比典當鋪更高的酬勞,十分感謝」、「重酬 !!!!!求下你!!報酬價錢你一定滿意!!超過總價值。我真係訓唔著,我好想拎得返,因為賣出去都無意思」。
![FB圖片](https://image.bastillepost.com/502x/wp-content/uploads/hongkong/2024/07/20240627_CR_source-web_lost3.jpeg.webp)
FB圖片
網民深表同情 勸報警求助
帖文引熱議,不少網民表示同情「意義重大,希望樓主搵得返」、「祝你早日尋回,唔洗訓唔安坐唔落」、「祝樓主早日尋回珍貴回憶同價值」;亦有人勸樓主報警處理「一定要報警!有刻字,報咗警可以睇cctv!好大機會搵返」、「報咗警,警察係可以申請睇CCTV」、「一般CCTV保留記錄幾日!係的話就盡快報警,然後通知健身室留CCTV」、「試吓報警!有心人未必睇到妳嘅post,但如果有人交去差館可能會有一線生機」。
帖文來源:Facebook群組「香港失物報失及認領群組」