現年39歲的衛詩雅向來低調，甚少提到自己的感情事，6月27日晚，衛詩雅突然在社交平台曬出巨型鑽戒宣布喜訊，原來她跟圈外男友正式訂婚，令網民相當震驚！
衛詩雅
《不日成婚2》衛詩雅
Michelle對待感情，向來相當低調
衛詩雅社交平台公布喜訊，拍拖2年半的圈外男友求婚成功，即將加入人妻行列，她分享相片中可見她雙手掩面接受求婚，另一張則是與男友的拖手，她帶着巨型四方形的鑽戒，目測至少有兩卡，相當富貴！Michelle留言︰「日後，風雨同路，感恩遇上你，I Do。」
宣布結婚
恭喜恭喜
Michelle對傳媒做出回應：「多謝大家嘅祝福，都收到好多朋友嘅祝福，好感恩。 男朋友係圈外人，暫時未confirm結婚嘅日子，因為今年都仲有好多工作安排，開始為電影《破地獄》宣傳，希望有多啲時間去計劃同籌備婚禮，有好消息一定會通知大家，多謝。」
Kenny豪言：「揀啦！」
衛詩雅（Michelle）近日除了密密為叫好叫座的電影《破．地獄》四出宣傳、謝票，將於出年二月結婚的她同時亦忙於籌備婚禮，早前她已經試過婚紗、裙褂及婚宴菜式，日前便孖住關智斌（Kenny）到英皇珠寶試首飾。二人身為婚嫁系列的全新代言人，作為師兄的Kenny表示要送上小禮物，更豪言：「揀啦！」Michelle純時心花怒放。
VIDEO
觀看相關影片按連結：https://youtu.be/v14sKL7Oi6A
二人在店舖邊選購首飾邊傾偈，Kenny問Michelle她的準老公周醫生有沒有送過禮物給她時，Michelle表示沒有，不過卻有比送禮物更浪漫的事，「佢送俾我嘅禮物係好有心思，佢會自己作詩。我講真㗎！佢作英文詩，我睇唔明，又要翻譯又唔知佢寫乜，哈哈。佢開始get到我唔識，就轉咗寫中文，但係寫中文我都唔明，哈哈。」在旁Kenny大叫浪漫，又問：「你覺得佢對你做過最浪漫嘅嘢係乜嘢？」Michelle即一副冧樣道：「佢完全唔識剪片，我覺得最勁係佢會特登剪片俾我，每日剪一條好短嘅，有啲英文、有啲中文咁樣寫落去。」
Michelle戴到成身金飾，笑指自己似「美少女戰士」。
Kenny都試埋一份。
隨後畫風一轉，Michelle分享了一件趣事，「有一年生日，佢送咗一個好大嘅盒俾我，你以為係嗰啲唔知乜嘢包包啦，我開心揭開，係一架Lego車。我唔明點解送一架Lego車俾我，我個表情真係控制唔到，一揭開我本來係笑住，仲要係一架唔知乜嘢嘅跑車，如果係送我揸緊嗰個型號我都明，我笑住問：『點解？』佢話：『冇呀，我好鍾意呢架Lego車，想你幫我砌，所以送俾你』。」二人即笑翻天。
Michelle又分享了一件未婚夫的趣事。
隨後，Kenny又問他們二人有否love language？Michelle指自己每次見到周醫生時，都會主動「攬住佢」，「我係嗰啲好陽光，佢冇我咁正能量，所以我見到佢我就會攬住佢。我同佢講有研究顯示情侶攬八秒，身體就會分泌一樣嘢令你開心，我就會咁樣攬住佢，呢個係我嘅love language 。」Kenny解說love language的重要性，Michelle即笑說Kenny十足婚前諮詢專家。
Kenny解說love language的重要性。
二人由金器揀到珍珠，Michelle將揀出來的首飾全都戴上身，不捨得除下，Kenny說：「我已經好多錢，亦都想再搵多啲錢。」Michelle即打蛇隨棍上，「咁我可以揀份大啲嘅結婚禮物。」Kenny即大笑：「揀啦！」
二人由金器揀到珍珠，揀得好開心！
