衛詩雅憑《破地獄》封亞太影后哽咽感謝導演陳茂賢賞識 陳茂賢勇奪最佳導演感喜出望外

《破·地獄》躋身史上香港電影華語片票房第二位，亞太影展撼贏多部亞洲片脫穎而出奪四奬

英皇電影年度鉅作－由陳茂賢執導兼親自執筆《破·地獄》踏入第四周上映，電影由黃子華、許冠文（Michael）、衛詩雅（Michelle）、朱栢康及周家怡領銜主演，秦沛、金燕玲、韋羅莎、梁雍婷、白只、鍾雪瑩等聯合演出，以香港殯儀業為題材，探討人與人之間聯繫、生與死議題。

陳茂賢 衛詩雅

電影《破·地獄》票房勢如破竹，贏盡口碑，早前已勁破十項票房紀錄，成為最短時間破億之香港電影之餘，截至今日上午8時累積票房已達$112,924,058，躋身史上香港電影華語片票房第二位。除了香港票房成績亮眼，海外多個地區票房同樣報捷，包括成為英國及愛爾蘭史上最高票房香港電影第三位，反應相當理想。而昨晚第61屆亞太影展在馬來西亞雲頂舉行，《破·地獄》團隊於芸芸268部亞洲電影中，成為最終18部入圍作品，與泰國熱賣作《全職乖孫》、台灣電影《疫起》 、《環南時候》及香港電影《七月返歸》等有口皆碑的亞洲電影爭奪多個獎項。

陳茂賢 衛詩雅紅地毯造型

《破·地獄》導演陳茂賢及衛詩雅代表劇組飛往馬來西亞出席盛會，更於頒獎禮上榮獲四項大獎，包括導演陳茂賢勇奪【最佳導演】；張叔平、彭正熙則奪得【最佳剪輯】；而姚漢文則贏得【最佳美術指導】。

而競爭最激烈的獎項為【最佳女主角】，衛詩雅與《全職乖孫》婆婆烏薩薩梅坎姆同時躋身五強，而Michelle不負眾望奪下【最佳女主角】，榮升亞洲影后的Michelle，於台上哽咽感謝陳茂賢導演：「呢個獎對我意義好大，代表住我16年嚟，一直冇放棄夢想嘅成績表。我希望可以藉住呢個獎，讓更多人知道，衛詩雅係一個演員。多謝導演（陳茂賢）喺我自己要放棄自己嘅時候，你冇放棄我。多謝喜歡《破·地獄》嘅每一個人，多謝香港電影！」而導演陳茂賢對得獎則感到喜出望外，他指有感子華神所言，《破·地獄》由開拍至今都是一趟充滿奇妙的旅程，衷心感謝全球各地觀眾對《破·地獄》的支持及鼓勵，並誠心祝願電影可以走得更遠。同場導演及Michelle更親身恭賀榮獲【終身成就獎】的武打巨星大哥大洪金寶並留影。

衛詩雅 陳茂賢 洪金寶

衛詩雅 陳茂賢

而今日中午時分，馬來西亞發行商更火速為《破·地獄》團隊舉行祝捷會，現場更大開香檳，慶祝電影團隊得獎，同場宣布馬來西亞票房衝破1000萬令吉。

Kenny豪言：「揀啦！」

衛詩雅（Michelle）近日除了密密為叫好叫座的電影《破．地獄》四出宣傳、謝票，將於出年二月結婚的她同時亦忙於籌備婚禮，早前她已經試過婚紗、裙褂及婚宴菜式，日前便孖住關智斌（Kenny）到英皇珠寶試首飾。二人身為婚嫁系列的全新代言人，作為師兄的Kenny表示要送上小禮物，更豪言：「揀啦！」Michelle純時心花怒放。

觀看相關影片按連結：https://youtu.be/v14sKL7Oi6A

二人在店舖邊選購首飾邊傾偈，Kenny問Michelle她的準老公周醫生有沒有送過禮物給她時，Michelle表示沒有，不過卻有比送禮物更浪漫的事，「佢送俾我嘅禮物係好有心思，佢會自己作詩。我講真㗎！佢作英文詩，我睇唔明，又要翻譯又唔知佢寫乜，哈哈。佢開始get到我唔識，就轉咗寫中文，但係寫中文我都唔明，哈哈。」在旁Kenny大叫浪漫，又問：「你覺得佢對你做過最浪漫嘅嘢係乜嘢？」Michelle即一副冧樣道：「佢完全唔識剪片，我覺得最勁係佢會特登剪片俾我，每日剪一條好短嘅，有啲英文、有啲中文咁樣寫落去。」

Michelle戴到成身金飾，笑指自己似「美少女戰士」。

Kenny都試埋一份。

隨後畫風一轉，Michelle分享了一件趣事，「有一年生日，佢送咗一個好大嘅盒俾我，你以為係嗰啲唔知乜嘢包包啦，我開心揭開，係一架Lego車。我唔明點解送一架Lego車俾我，我個表情真係控制唔到，一揭開我本來係笑住，仲要係一架唔知乜嘢嘅跑車，如果係送我揸緊嗰個型號我都明，我笑住問：『點解？』佢話：『冇呀，我好鍾意呢架Lego車，想你幫我砌，所以送俾你』。」二人即笑翻天。

Michelle又分享了一件未婚夫的趣事。

隨後，Kenny又問他們二人有否love language？Michelle指自己每次見到周醫生時，都會主動「攬住佢」，「我係嗰啲好陽光，佢冇我咁正能量，所以我見到佢我就會攬住佢。我同佢講有研究顯示情侶攬八秒，身體就會分泌一樣嘢令你開心，我就會咁樣攬住佢，呢個係我嘅love language 。」Kenny解說love language的重要性，Michelle即笑說Kenny十足婚前諮詢專家。

Kenny解說love language的重要性。

二人由金器揀到珍珠，Michelle將揀出來的首飾全都戴上身，不捨得除下，Kenny說：「我已經好多錢，亦都想再搵多啲錢。」Michelle即打蛇隨棍上，「咁我可以揀份大啲嘅結婚禮物。」Kenny即大笑：「揀啦！」

二人由金器揀到珍珠，揀得好開心！