炎明熹現身回應被TVB雪藏傳聞 Gigi解釋缺席港台頒獎禮原因

炎明熹回應被雪藏傳聞。

樂壇小天后炎明熹（Gigi）現身商場活動，TVB未有派記者到現場採訪，而Gigi亦大方回應被TVB雪藏的傳聞，又解釋未有出席港台頒獎禮及未能參與After Class演唱會的原因。

Gigi跟粉絲Battle手部協調和反應力，場面十分緊張刺激！

粉絲跟Gigi一起玩遊戲

見到一眾粉絲專程到場，Gigi當然要大展歌喉深情獻唱，即場演繹「Little Magic」及「還有一艘救生艙」掀起全場高潮！

最後她更呼籲現場觀眾今個暑假到MOSTown新港城中心跟罐頭豬LuLu齊齊郁動身體，度過活力四射的開心暑假 ！

樂壇小天后炎明熹（Gigi）驚喜現身MOSTown新港城中心，為「LuLu the Piggy MOST-OLYMPIGS金牌運動『豚』」主持揭幕禮

被問到是否被TVB雪藏，Gigi笑言：「我今日嚟到，算唔算雪？同大家見面都ok嘅，希望大家對我感覺冇變啦，因為唱到《還》時，有啲好感動感覺，上次演唱會喊到唱唔到成首歌，今日正式再唱時想喊，但係忍住囉，想喊嗰個點係因為估唔到佢哋唱晒出嚟，今日冇戴耳機就聽得更清楚，雖然我今天唔係唱得清楚，希望大家多多體諒啦。」

隨後Gigi更於台上與粉絲大玩升級版的傳球遊戲，難度十足

至於會否跟TVB續約，她認為：「合約嘅嘢又比較私人，順其自然，隨遇而安，一切都係最好嘅安排，（唔飲水思源嘅報導會唔會令你動搖？）其實做人係有原則嘅，但不忘初心同感恩係好重要嘅嘢，其實做好自己最重要，因為呢個世界太多人會講嘢同想做嘅嘢，所以做好自己最重要，每個人都有自己想做嘅嘢。（要傾幾耐？）我發現人大咗有啲嘢唔係咁簡單，亦有啲嘢唔係諗到咁複雜，要用自己思考去判斷所有嘢，我人大咗都有啲諗法如唱歌呀，想去嘗試，大家不妨期待一吓。」她又表示未有接觸其他唱片公司，而撰寫親筆信則是為免令愛竉她的歌迷擔心。

Gigi驚喜現身MOSTown新港城中心，為「LuLu the Piggy MOST-OLYMPIGS金牌運動『豚』」主持揭幕禮，與現場觀眾及專程到場的粉絲「Gi炎粉」及「小火苗」率先體驗由人氣卡通角色罐頭豬LuLu主持的

她解釋未有出席港台頒獎禮是因為撞期所致：「有機會都想再上台，因為音樂係好神奇嘅事，（公司只安排商演，唔安排頒獎禮等活動），按公司安排工作係正常，可能最近比較多私人活動，大家唔會經常見到我。（滿意最近工作量？）每一段時間都有唔同工作量，我覺得還好，但都想多見粉絲，和愛錫我嘅人。」聲夢三小花齊齊開騷，她則謂：「如果到時見到我就歡呼啦，講笑。」

主推靚景靚歌靚人的《戀上西沙》，除了Gigi及Gi式靚歌，還有大量其他精彩元素。

由林肯監製的炎明熹音樂特輯《新鴻基地產西沙 GO PARK呈獻：戀上西沙》，將於今（21日）晚9點半翡翠台播映，主要演員有炎明熹（Gigi）、李爾晨、海俊傑、張美妮、林子超（新名林至昭）及麥玲玲，另黎諾懿、「東張女神」何沛珈則以客串性質演出。主推靚景靚歌靚人的《戀上西沙》，除了Gigi及Gi式靚歌，還有大量其他精彩元素。首先不得不提的，是在劇中與Gigi有不少對手戲的李爾晨（Kyle）及林子超。先說Kyle，在圈中是馳名大隻仔的Kyle，在特輯不時大晒超強胸肌及朱古力腹肌，無論線條或是弧度均相當吸睛，其中羅馬戰士裝束，更是相當搶焦！

Gigi有不少對手戲的李爾晨（Kyle）及林子超。

Gigi有不少對手戲的李爾晨（Kyle）及林子超。

為了操出這身靚肌，Kyle之前花了極多功夫日操夜操，再配合節食及「甩水」，才有如此完美效果，Kyle說：「我永遠都擔心自己啲肌肉狀態係唔夠，所以知道要除衫後事前有加緊操練，同埋戒咗夜晚嗰餐。為咗個線條出啲，我都加強咗胸肌同腹肌嘅訓練，瞇埋眼就係咁操，同埋做埋甩水嘅部分。之前做運動員就唔使甩水，但退咗役就要。」

李爾晨一手就秤起咗林子超，好勁！

本身是前香港男子甲一排球員的李爾晨，於2016年為球隊奪得甲一排球聯賽冠軍、及首個全港公開馬拉松排球賽冠軍，再於翌年衛冕，體能有多強可想而知。不過由於Kyle拍攝《戀上西沙》期間要同時拍攝另一套劇，休息時間很少；加上當時正值冬天，他的角色又要不斷上水落水，令他一度擔心肌肉出來效果未如理想：「始終準備咗好耐，好驚唔係最好狀態。」予人感覺是運動達人的Kyle，在特輯中是直立板、高爾夫球及棍網球專家，不過Kyle笑言其實他自己也是首次接觸相關三項運動，故此扮專家對他來說也是頗大挑戰。問到近況，三年前已開始投資健身室的Kyle，原來晃眼間已開到第七間健身室，年尾12月29日更會開設首間美容院，甚有生意頭腦。熱愛增值的Kyle，又指近期愛上打網球，更與鄧智堅、孔德賢、黃子恆、黃庭鋒等等是波友。

李爾晨同何沛珈喺劇入面有感情線

林子超晒一字馬展現超強柔軟功

另一亮點，則落在與Kyle及Gigi均有不少對手戲的林子超身上。飾演Gigi表哥的子超，為人八卦又娿哿，加上表情動作都超誇張，自然十分搶戲！為了加重特輯的喜劇感，監製林肯安排了一場極級搞笑歌舞場面給子超及麥玲玲，二人以極搶眼造型跳唱《熱力節拍Wou Bom Ba》，由於成件事極gag，令Gigi及張美妮一度嚇到天然呆！而在歌曲尾段，子超還大晒招牌柔軟身手、展示驚人一字馬，觀賞指數甚高。第三大亮點，是飾演Gigi爸爸的海俊傑。由於劇情講述海俊傑年青時亦與Gigi一樣有個歌手夢，並曾推出個人單曲，為了令事件更像真，劇組找來了海俊傑昔日的情歌王子獻唱片段加插劇中，保證有驚喜，萬勿錯過。

Gigi同親子超一齊，就喜感大爆發。

林子超真係好柔軟

Gigi同張美妮嘅反應好笑