吳若希曬聊天記錄公審老公接送女員工 大爆粗口：好XSweet呀

可見Jinny相當生氣！

藝人吳若希（Jinny）與澳門闊少何兆鴻（Alex）2017年結婚，並育有一女一子，兩人經常會因為小事而爭執，Jinny更會將老公的惡行放上網公審，近年已經減少公審次數，近日Jinny上載與老公的對話截圖，對老公接送女員工而大感不滿，甚至大爆粗口，可見Jinny相當生氣！

吳若希

一家四口

Jinny經常會在社交平台分享日常

包括兩公婆的爭執亦都會放上網公審

Jinny先是寸爆老公：「好XSweet呀，仲可以同人一齊搭地鐵返工！」老公Alex解釋表示只是需要對方簽MPF，Jinny生氣表示：「真係好大嘅原因呀，叫佢簽MPF，就要車人返工，又要陪人搭地鐵，好XSweet呀，你唔好俾人影X到呀！」Alex即反駁：「其實我真係已經好多嘢煩，我唔明點解我咁樣我都要比人鬧，我唔同你講鬧我都正常，我真係做嘢，我之前幾年做垃圾做唔到嘢又鬧，我而家做正經嘢都鬧！」

真係好嬲

隨後，Jinny再發文交代來龍去脈，直言女人是十分敏感：「你趷起條尾，都已經知你會做咩㗎！今朝何生好積極咁話要車同事返工，俾我話完之後，好有骨氣地講，連車都唔揸自己搭地鐵！」她續說：「我又唔知點解，突然間覺得佢應該係搭地鐵搵佢公司同事，我Chok完佢第一句，佢又真係答我係Wor（喎）！即係我自己都有公司，都有幫人哋供MPF，我依家先知原來MPF需要老闆親自攞文件俾員工簽！男人呢，就好得意嘅，身有屎嗰陣呢，就會話自己已經好多嘢煩，怪番女人唔體諒佢！」

Jinny以黑底白字對Alex作最後警告：「作為太太，要提就提左，佢選擇尊重你，定係選擇無視你，係佢嘅決定。有啲人會忍，有啲人會嘈，我呢，同呢個人相處咗八年，太清楚佢咁嘅回答係代表咩！所以呢講埋今次，之後大家喺條街度見到佢同第二條女一齊，唔好大驚小怪，因為佢都係做嘢嘅啫！」

警告Alex

做回應

網民唔俾面覺得似爸爸多啲！

藝人吳若希（Jinny）跟老公何兆鴻（Alex）婚後育有一女一子，兩公婆相處相當有趣，Jinny經常在社交平台公審老公，俾人惡妻形象，不過面對小朋友就冧滋滋，本月3日是細仔Kylian的生日，她為囝囝搞了蜘蛛俠主題的生日派對。

Jinny與Alex育有一對仔女。

為一對仔女盡心盡力

4日Jinny在社交平台分享多張慶生照，Kylian打扮成蜘蛛俠，蛋糕也是蜘蛛俠的造型，Jinny攬實囝囝錫錫，她直指囝囝似自己：「我成日都同其他人講，你好似我！但係大家見到你對眼，都話你比較似爸爸...其實搏啜（囝囝乳名）嘅人撇除對眼之外，面形、反應、笑點~都係似我多啲，你哋睇吓對笑笑眼先啦！」
 

Jinny在社交平台分享多張慶生照

囝囝變身蜘蛛俠

蛋糕都係蜘蛛俠

肉緊錫錫

她大感時光飛逝：「話咁快就四歲啦，明明之前見到你仲係好大嚿肉，點解最近瘦咗咁多？長咗咁多？希望你繼續開心地成長，繼續錫身邊嘅人，將來成為一個有承擔有責任感嘅男孩」，不過不少網民就覺得囝囝同爸爸似樣，就連蔣家旻都好唔畀面：「係呀，我都係覺得似爸爸。」