吳若希短髮look曝光 毫不猶豫地親手將頭髮一刀切

連好友麥美恩感歎：我會喊，點解你會咁興奮?

藝人吳若希(Jinny)近年獲無綫力棒，一劇接一劇，早前飛捷克為拍攝新劇《巨塔之后》取境。向來性格爽直的她近日貼出親自剪短髮的影片，對自己相當狠心，連好友麥美恩感歎：我會喊，點解你會咁興奮？

吳若希與老公何兆鴻相當恩愛

一家四口

吳若希一直以長髮示人

近年備受力捧！

Jinny一直以長髮示人，早前她突然分享了自己動手剪頭髮短片，可見她拿起剪刀手起刀落，毫不猶豫得將頭髮一刀切，瞬間變短髮，沒有一絲不捨，非常乾淨利落，她留言說:「留長3年，剪短30秒」更直言其實「想剪好耐啦!」。

一開始仲係長髮

毫不猶豫剪短！

新造型都好睇！

貼出短髮look

網民唔俾面覺得似爸爸多啲！

藝人吳若希（Jinny）跟老公何兆鴻（Alex）婚後育有一女一子，兩公婆相處相當有趣，Jinny經常在社交平台公審老公，俾人惡妻形象，不過面對小朋友就冧滋滋，本月3日是細仔Kylian的生日，她為囝囝搞了蜘蛛俠主題的生日派對。

Jinny與Alex育有一對仔女。

為一對仔女盡心盡力

4日Jinny在社交平台分享多張慶生照，Kylian打扮成蜘蛛俠，蛋糕也是蜘蛛俠的造型，Jinny攬實囝囝錫錫，她直指囝囝似自己：「我成日都同其他人講，你好似我！但係大家見到你對眼，都話你比較似爸爸...其實搏啜（囝囝乳名）嘅人撇除對眼之外，面形、反應、笑點~都係似我多啲，你哋睇吓對笑笑眼先啦！」
 

Jinny在社交平台分享多張慶生照

囝囝變身蜘蛛俠

蛋糕都係蜘蛛俠

肉緊錫錫

她大感時光飛逝：「話咁快就四歲啦，明明之前見到你仲係好大嚿肉，點解最近瘦咗咁多？長咗咁多？希望你繼續開心地成長，繼續錫身邊嘅人，將來成為一個有承擔有責任感嘅男孩」，不過不少網民就覺得囝囝同爸爸似樣，就連蔣家旻都好唔畀面：「係呀，我都係覺得似爸爸。」