濠玩夏水禮2024丨黃嘉雯梁敏巧滑浪打排球大晒驚人平衡力關嘉敏鄧伊婷化身索爆美人魚

娛圈事

濠玩夏水禮2024丨黃嘉雯梁敏巧滑浪打排球大晒驚人平衡力關嘉敏鄧伊婷化身索爆美人魚

2024年07月13日 15:00 最後更新：15:13

「喪玩隊」、「好玩隊」繼續水上大激鬥！

遊戲節目《濠玩夏水禮2024》「喪玩隊」、「好玩隊」兩大隊長林盛斌（Bob）、金剛帶領一班「玩得之人」齊集澳門進行水上大激鬥！今晚（7月13日）播出的第3集，「喪玩隊」的Bob、譚嘉儀、鄧伊婷、梁敏巧和陸浩明（6號），決戰「好玩隊」的金剛、關楓馨（Fabi）、黃嘉雯（Carmaney）、關嘉敏和吳天佑，一眾女神齊齊水着上陣大晒美好身段！

點擊看圖輯

大合照

關楓馨

關嘉敏

黃嘉雯

梁敏巧

譚嘉儀

鄧伊婷

6號呢啲就叫做聲大大冇貨賣，Fabi下盤勁穩認真估你唔到。

金剛慘中頭獎。

金剛出陰招玩殘阿Bob。

黃嘉雯有啲料到。

「東張女神」梁敏巧表現都唔差。

吳天佑絕對係遊戲黑洞。

6號瘋狂「雙龍出海」。

原本以為6號好勁，點知喺另外一個遊戲又變番陀衰家。

關嘉敏同鄧伊婷化身索爆美人魚，畫面勁唯美。

大合照關嘉敏同鄧伊婷化身索爆美人魚，畫面勁唯美。

為迎接巴黎奧運，今集遊戲全部都與運動有關，實行挑戰一班參賽者的體能之巔！首個遊戲「水上劍擊」笑料十足，玩法是兩隊各派一人企在浮床互拉一條繩，先跌落水的一個為之輸。首回合是6號VS Fabi，身為大男人的6號出動「聲煞」不斷騷擾對手，惟Fabi下盤夠穩 Chok極唔跌，最終6號自己失平衡跌落水中，認真瘀皮！

輪到譚嘉儀VS吳天佑，兩人決戰期間發生小插曲，嘉儀不小心甩手將繩子揈到金剛頭上，場面搞笑。最後一Round上演隊長之戰，「將軍澳小劍神」Bob VS「台北大賤人」金剛，Bob拉繩期間瘋狂露出得戚樣挑機，但見慣大場面的金剛不為所動，更出陰招放手鬆開繩子，Bob即時失平衡跌落水，相當古惑。

之後的「衝浪排球」夠晒好玩，玩法每隊派出兩人，兩人輪流玩完人造滑浪後，即要馬上擊打排球，擊中較多排球那一隊為之獲勝。「東張女神」梁敏巧和Carmany兩位女將表現亮眼，大晒超強平衡力連番擊中排球；男將方面則出現極端情況，大隻仔吳天佑事前雖然認真練習，但落到場即時冇料到，打空氣之餘更慘食波餅，名副其實「遊戲黑洞」；至於6號則有如戰神上身一般，瘋狂「雙龍出海」連續擊中排球，獲Bob封為全隊MVP。

而「淺水游泳四式接力」則最為緊張刺激，每隊成員要在淺水泳池中進行四式接力比賽，先完成比賽一隊為之勝出。原來要在淺水池游泳難度十分高，當中兩位女將Caremany和鄧伊婷玩得最為落力，兩人挑戰最考體力的蝶式，更玩到上氣唔接下氣，睇見都覺得辛苦。這個回合，6號又再由MVP跌Grade變回「老鼠屎」，不但游背泳游到姐手姐腳，更足足落後對手半個池，一人累全家！另關嘉敏和鄧伊婷還忙裡偷閒參加「美人魚體驗之旅」，兩人在專業教練指導下，化身索爆美人魚在水底暢游，畫面唯美。