美食新聞報道｜蕭正楠雙彩虹預告做老竇 侍產心情複雜又忐忑

阿蕭話現在只要翠如有小許頭暈身㷫或者有工作要做，自己都會變得好緊張！

由一班靚仔靚女倪嘉雯（Carmen）、黃嘉雯（Carmaney）、王嘉慧（Cathy）、廖慧儀（Jessica）、伍倩彤（Gillian），蔡景行（行仔）、范莎莎（Zaza）主持的飲食節目《鄰住買好嘢至抵食特約 ︰美食新聞報道》，逢周四晚9點35分及周五晚9點半於TVB Plus（82台）播映。

今晚（12日）「星級飯腳」請來蕭正楠擔任嘉賓。

今晚（12日）「星級飯腳」請來蕭正楠擔任嘉賓。

蕭正楠帶Carmaney歎辣蟹。

避風塘香辣蟹

黃金流沙蝦球

今晚（12日）「星級飯腳」請來將為人父的蕭正楠任嘉賓，他帶主持黃嘉雯（Carmaney）重臨當年同太太黃翠如拍拖時幫襯的辣蟹店。蕭正楠透露當時跟翠如拍拖沒多久，為避狗仔隊追訪，每次都會走後門入內，他笑說︰「老闆娘知道我哋想要私隱，正門入驚驚動太多人，所以後門入。老闆娘又會幫我哋用帆布加屏風，間一處私人空間，又真係好浪漫。」席間蕭正楠自爆自己得悉做爸爸的過程充滿驚喜，他說︰「我知呢件事前一日，嗰日喺吐露港揸車，見到有兩條彩虹，當時心諗『今年咁特別嘅，見到咁靚彩虹嘅』。嗰時翠如其實已經知道自己有咗，到第二日佢先講畀我聽。」他回想當刻感動到流下男兒淚，心情非常複雜︰「確實好夢寐以求又好意想不到，又已經將期待放到最低，但突然畀咗呢份禮物，所以好開心。但現在心情又變得好忐忑。」他解釋現在只要太太有小許頭暈身㷫或者有工作要做，自己都會變得好緊張。

食神炒飯

蕭正楠介紹Carmaney飲燉湯及砂鍋粥。

翠如至愛家鄉炒米粉。

酸菜魚

接住二人來到九龍城，蕭正楠介紹一間餐廳的酸菜魚，讓他找回「北京的味道」，他解釋︰「未入TVB前曾經喺北京生活，當地人食嘅都係好濃味食物。返到香港食唔返，後來陸永就介入咗呢間店畀我，真係搵得返北京口味嘅菜。呢度嘅家鄉炒米粉係翠如至愛。」同場推介的砂鍋粥及燉湯，非常適合經常要捱夜的藝人。

砂鍋粥

家鄉炒米粉

鮮人蔘燉老雞湯

黃翠如宣佈懷孕後首次出活動。

黃翠如與蕭正楠在2018年結婚，早前在社交平台貼出超聲波照宣佈懷孕喜訊，今日（12月11日）黃翠如現身澳門出席於新濠天地的公開活動，她接受訪問自爆已經肥咗6KG：「懷孕頭幾個月係辛苦嘅，去到第四月開始就好唔舒服，見到所有嘢食嘅慾望係好巨大，我臨瞓前不斷睇人哋煮嘢食嘅影片，睇食物嘅嘢就睇兩三個鐘，個腦就不斷好想食嘢，瞓醒個腦又係諗住有咩食，好短嘅時間肥咗好多。」

黃翠如宣布懷孕後首度露面

上圍明顯「升Cup」

講起第一時間得知道懷孕的時候，她哽咽表示：「今次我驗到有BB嘅時候其實唔信嘅，因為冇諗過，我隔咗幾日之後先至再驗多次，我驗咗之後唔想同老公蕭正楠講，咁其實有個小秘密，我見到有第一次嘅時候，喺抌垃圾嘅時候老公發現到，佢亦都唔夠膽相信，隔咗幾日再驗到BB嘅時候，但後尾我好驚，所以睇到我分享出嚟嘅畫面就係冇任何包裝底下用好核突嘅紙喺老公瞓覺嘅時候遞咗俾佢，我哋有我哋嘅經歷，所以我哋好感恩同埋有啲驚，所以就好複雜。」

講起第一時間得知道懷孕的時候

表示心情複雜

而之前她分享「小產經歷文章」，黃翠如直言：「其實嗰一刻想分享自己嘅感受，所以冇諗好多嘢，當大家知道咗嘅時候，我有好多祝福，咁就變咗好感激，同我講（媽媽）嘅故仔，好多媽媽都有一樣嘅經歷（小產）想大家一齊加油！」她透露BB的預產期是明年，而性別就希望保持神秘感，目前就只有自己同老公知道！

黃翠如之前她分享「小產經歷文章」

她透露BB的預產期是明年，而性別就希望保持神秘感，目前就只有自己同老公知道！