Kanis表示嚟緊亦都會調整心態，以最平常的心態去比賽
《2024香港小姐競選》15位候選佳麗今日（7月15日）正式會晤傳媒，15號佳麗俞可程（Kanis）是一位工 程測量師曾表示為了參賽特等向公司攞假參選，接受本網採訪時她表示參選最主要是想挑戰自己，因為呢個係工作接觸唔到的方面，而且自己亦都不會有機會接觸鏡頭，因此覺得呢個都係人生必有一次的挑戰。
接受本網採訪時她表示參選最主要是想挑戰自己（本網記者攝）
今次第一次見傳媒，Kanis表示亦都有小小緊張：「但係我都係平常心面對，而且我個性格都係比較冷靜嘅，而且我都唔會俾咁多壓力自己，所以都會變得更加自信。」她透露其實參選前都有「溫書」，睇返歷屆港姐的問答環節以及點樣面對傳媒。
今次第一次見傳媒，Kanis表示亦都有小小緊張（本網記者攝）
她直言歷屆港姐中最鍾意麥明詩：「因為佢好清楚自己想要啲咩，好了解自己亦都唔會隨波逐流。」而Kanis表示自己的性格未到同麥明詩一樣，因為自己比較慢熱且好鍾意outdoor，但係佢好多地方很值得Kanis去學習。
她直言歷屆港姐中最鍾意麥明詩（本網記者攝）
她表示嚟緊亦都會調整心態，以最平常的心態去比賽，自己會多多休息迎接嚟緊三個月的訓練，希望可以去enjoy比賽，亦都有信心奪冠。新宣佈的五個外景地點，Kanis表示最想去內蒙古，因為覺得呢個地方好神秘，而且內蒙古有得騎馬以及好出名的奶製品，都想去嘗試下！
表示嚟緊亦都會調整心態，以最平常的心態去比賽（本網記者攝）
三位港姐出身的鄧凱文、王迅文、俞可程成為東張新女神！
《萬千星輝賀台慶》「台慶序幕」排練多位藝人現身電視城，三位港姐出身的東張新女神鄧凱文、王迅文、俞可程在接受本網采訪時透露台慶當晚將會作為香港小姐著旗袍出場，仲會有跳舞環節，更爆指會著DeepV與超短褲跳舞好有睇頭，鄧凱文更表示會做足「功課」貼曬膠紙防止走光！
俞可程（本網記者攝）
王迅文（本網記者攝）
東張新女神鄧凱文、王迅文、俞可程（本網記者攝）
俞可程表示對比參選時的舞蹈，今次台慶都算有難度，所以都有認真練習，最緊要係學習點樣控制表情與用適合的表情去表演。王迅文表示因為係串燒歌曲，所以表情一定要好好練習：「因為會一段sexy，一段又開心啲，唔可以全程都係一個表情。」鄧凱文更自爆自己係唯一一個被老師點名嘅，甚至被罰要喺大家面前跳到識為止，因為手腳唔協調經常出錯。
俞可程表示對比參選時的舞蹈，今次台慶都算有難度（本網記者攝）
鄧凱文更自爆自己係唯一一個被老師點名嘅（本網記者攝）
俞可程透露大家都非常認真，完全唔夠膽走堂，因為只要miss一堂就有機會跟唔上，而且今次會同張曦雯同台，Kelly的表情演繹得好好都有做示範給大家。鄧凱文透露Kelly相當貼心，send長文教大家如何記得step同跳舞tips，更表示係第一次收到師姐咁大段文字覺得非常sweet，而且昨日更有曾志偉到場指導，教佢哋如何去摸自己身體同眼神放電！
俞可程透露大家都非常認真，完全唔夠膽走堂，因為只要miss一堂就有機會跟唔上（本網記者攝）
鄧凱文透露Kelly相當貼心，send長文教大家如何記得step同跳舞tips（本網記者攝）
王迅文、俞可程都係今屆港姐，短短一個月就有工開加入《東張西望》，俞可程表示非常開心：「我哋每一次出外景都跟一啲唔同嘅故事，我覺得好得意，而且可以幫到人。」關於驚唔驚在采訪期間受到攻擊，俞可程表示唔驚，因為入東張都係為咗經歷多啲唔同嘅事情。王迅文覺得加入東張之後學習到好多唔同嘅嘢，會發生好多意想不到嘅事情，並表示自己都有去天光墟做采訪，但唔覺得驚可能到時才會知道如何處理。
兩人都係今屆港姐出身（本網記者攝）
感情好好（本網記者攝）
完全唔驚採訪被人鬧（本網記者攝）
關於為何東張女神都要著緊身衫，鄧凱文表示都係巧合，而且方便工作，著鬆身衫會阻住發揮。俞可程則表示緊身衫上鏡都靚：「我哋著得又舒服，你哋睇得又開心，何樂而不為。」
為何東張女神都要著緊身衫（本網記者攝）
本網記者攝
