有港女搭電車遇暖男車長，車長每次停站都會同下車乘客講「拜拜」，又提醒大家「小心呀，慢慢行」。網民大讚「好sweet」。
Thread影片截圖
電車暖男車長溫提下車乘客
該港女於社交平台發文，表示「識我嘅人都應該知我好鐘意搭電車，但咁有禮貌嘅司機我真係第一次見」。她表示日前她搭電車時，遇到一名年青的暖男車長，每當電車停站時，車長都會對每位下車的乘客講「小心呀！拜拜」。如遇到外國人時，更會自動轉換語言說「be careful，bye bye」。
Thread影片截圖
每個站向乘客逐一講「拜拜」、「小心慢慢行」
從上載的影片可見，電車到站後，有5位乘客逐一下車，車長非常有耐性地向他們講拜拜，並逐一提醒「小心呀，慢慢行」。樓主表示她乘坐電車途經五個站，每次停站車長都會重複這些說話「我搭咗5個站佢就講足咁多個站」，並大讚「奚車長，好人好事！」
Thread影片截圖
網民大讚：「車長好Sweet」、「令人心情愉快」
影片曝光後，不少網民大讚車長「好Sweet」、「禮貌係發自內心嘅」、「有啲電車司機係好有禮貌」、「逐個講好難得，不得了，希望遲啲有機會遇到佢」、「稀有物種喎」、「個人心情都好啲」、「好難得，尤其係喺香港」；有人表示遇過同一車長「我都遇過呢個長車呀！！同佢say完byebye唔該哂，心情都好啲」。
Thread影片截圖
網民建議搭車向車長們講「唔該」：唔洗怕醜！
有網民則指乘客表現冷漠，認為可以禮拜回應「落車係唔係要講『唔該司機』」、「如果係我，我會同司機講番 『拜拜』」、「我搭小巴同叮叮落車會講『唔該司機』㗎」、「如果係我，我都會講埋拜拜，勁好人」、「得閒落車或者上車可以同司機講句唔該晒！我平時都係咁」、「我屋企家教係，落車要講唔該晒司機叔叔/哥哥。都依家大個都會咁，只要係落車會經過司機位嘅車都會講。大家都不防試吓，唔使怕醜㗎」。
帖文來源：thread
