濠玩夏水禮2024丨陸浩明化身「人肉導航」接呼拉圈百接百中關嘉敏慘遭水槍瘋狂射面累沉船

娛圈事

濠玩夏水禮2024丨陸浩明化身「人肉導航」接呼拉圈百接百中關嘉敏慘遭水槍瘋狂射面累沉船

2024年07月20日 12:00 最後更新：12:11

遊戲節目《濠玩夏水禮2024》今晚（7月20日）8點翡翠台播映最後一集，繼續有「喪玩隊」的Bob、譚嘉儀、鄧伊婷、梁敏巧和陸浩明（6號），決戰「好玩隊」的金剛、關楓馨（Fabi）、黃嘉雯（Carmaney）、關嘉敏和吳天佑。

首個遊戲「套圈圈韻律泳」笑料十足，玩法是兩隊成員站在浮床上，以肉身接不同大小的呼拉圈，接得愈多為之勝利。6號於這個遊戲大顯神威，有如裝上人肉導航一般，百接百中！相反另一位男士吳天佑貫徹遊戲黑洞作風，未開始接呼拉圈便已經失平衡跌落水，繼續做豬隊友。女仔方面，鄧伊婷玩得最為搏命，其中一次更瞓身飛落水成功接到呼拉圈！

點擊看圖輯

繼續水着大解放！（左起：梁敏巧、譚嘉儀、鄧伊婷、陸浩明）

黃嘉雯

關楓馨

黃嘉雯（左起）、吳天佑、關楓馨

梁敏巧（左）、譚嘉儀

譚嘉儀（左）、鄧伊婷

鄧伊婷瞓身接呼啦圈，有啲料到！

6號化身「人肉導航」百接百中。

吳天佑繼續做遊戲黑洞。

黃嘉雯vs梁敏巧好似宮鬥咁。

企喺浮床轉絲帶，真係唔容易。

關楓馨繼續大晒驚人平衡力。

吳天佑難得威番次。

估唔到梁敏巧咁遴迍。

譚嘉儀、鄧伊婷同埋梁敏巧被水槍射到嗌救命！

關嘉敏慘成攻擊目標！

自己跌落水不特止，仲連累埋其他人跌落水！

阿Bob玩「劫船」，勁過癮。

真係全軍覆沒。

之後的「浮台藝術體操」同樣好玩，玩法兩隊隊員輪流站在浮床做指定動作，包括單腳企轉絲帶、轉呼拉圈10次、拋高個波拍手3次以及跳繩3次，以較短時間完成所有指定動作一隊勝出。上集大晒驚人平衡力的Fabi再獻新猷，以0失誤兼極快時間完成轉呼拉圈10次，相當叻女。遊戲黑洞吳天佑今次最終發威叻番次，竟然很順利連跳幾下繩，令人大跌眼鏡，至於他的對手「東張女神」梁敏巧則勁失威，對腳好像裝上了鉛球一般跳極都跳唔起，相當遴迍。

「水槍射擊」最為過癮，玩法是其中一隊成員戴上黐滿波波的頭盔撑橡皮艇，另一隊成員則要拎水槍射甩對手頭上的波波，射甩愈多波波的一隊為之勝利。「喪玩隊」的譚嘉儀、鄧伊婷和梁敏巧負責撑橡皮艇，三位靚女慘遭水槍瘋狂射面，嘉儀更搞笑地係咁嗌媽咪求救。

至於「好玩隊」則由關嘉敏、Fabi和吳天佑上陣，坐船頭的嘉敏慘成重點攻擊對象，慘遭瘋狂射面搞到不慎跌落船，還拖累其他隊友齊齊跌落水，搞鬼的Bob更趁機「劫船」，場面過癮。想知最終哪隊贏得較多的金牌？密切留意今晚播出的《濠玩夏水禮2024》！

往下看更多文章

關嘉敏廚藝獲爸爸真傳自嘲天生肥底戒食公仔麵

2024年11月30日 19:30 最後更新：21:08

細細個就學煮嘢食！

TVB小花關嘉敏（Carman）憑TVB綜藝節目《福祿壽訓練學院》「神還原」譚輝智而人氣急升，隨即多了不少幕前演出機會。今日（11月30日）關嘉敏現身深圳出席香港品牌「深仔記」新店開幕及剪綵活動，同場還有「準爸爸」蕭正楠。

關嘉敏受訪時，透露爸爸是餐廳行政總廚，與負責人是好兄弟，因此專程過來支持，大家都表示她與關爸爸同樣生得好高大！問到廚藝是否獲得爸爸真傳？她笑言：「梗係有喇，我煮嘢都好好食，最叻整家常小菜，例如係茄子釀魚肉。因為父母工作都好忙，我細細個就成日煮嘢食，爸爸凌晨收工要食宵夜，我會煮定宵夜放喺雪櫃等爸爸返嚟食！」

Carman大讚爸爸廚藝非常了得，但自己都不敢吃太多，主要是怕上鏡顯肥，只能吃數口：「我天生肥底，對我嚟講食物係好大誘惑，特別鍾意食麵包、甜品同煎炸嘢，我一早戒咗食西多士同即食麵。」講到台慶表演大獲好評，Carman大爆譚輝智為了與她更似樣，特登幾日唔食嘢！

關於「扮嘢」方面，Carman認為是開拓了一條新的路，由於自己天生樣子比較cool，經過「扮嘢」之後可以更提升親民感覺。Carman透露即將推出個人單曲，包括跳唱及慢歌。至於《萬千星輝頒獎典禮 2024》方面，她表示有提名入圍已經非常開心：「因為我入咗嚟TVB都唔係好長嘅時間，自己仲有好大進步空間，希望未來有更多工作機會，好想做到劇集同電影嘅女主角。」

你或有興趣的文章

濠玩夏水禮2024丨陸浩明化身「人肉導航」接呼拉圈百接百中 關嘉敏慘遭水槍瘋狂射面累沉船