Grand住去大阪｜6號遭C君狂窒激動「揮刀」高海寧嚇親：好驚呀！

娛圈事

Grand住去大阪｜6號遭C君狂窒激動「揮刀」高海寧嚇親：好驚呀！

2024年11月30日 15:00 最後更新：16:46

由C君、高海寧（高Ling）及陸浩明（6號）主持的《Grand住去大阪》來到最後一集。

最後一集為大家介紹的酒店，位於京都文化勝地—鷹峯山的奢華度假村，酒店設計概念採用江戶時期藝術家本阿彌光悅的藝術村為靈感打造，與鷹峯山融為一體；一晚約2萬港元的Roku套房，佔地千呎、擁有落地大玻璃，飽覽京都深山和庭園美景，秋天欣賞紅葉絕對一流！

點擊看圖輯

鐵板燒餐食盡鯛魚界最頂級嘅甘鯛松笠燒、日本龍蝦配日式高湯汁。

大阪「Grand界KOL」Jason Lim帶三位主持朝聖國際知名時裝兼奢華品牌開設嘅全球第一間高級餐廳。

400朵玫瑰花嘅女性專用露天溫泉，高Ling急不及待落水梳乎！

更多相片

三位主持入住京都文化勝地—鷹峯山嘅奢華度假村。

Roku套房佔地千呎，約2萬港元一晚！

鐵板燒餐食盡鯛魚界最頂級嘅甘鯛松笠燒、日本龍蝦配日式高湯汁。

6號遭C君狂窒激動「揮刀」嚇親高Ling！

大阪「Grand界KOL」Jason Lim帶三位主持朝聖國際知名時裝兼奢華品牌開設嘅全球第一間高級餐廳。

高Ling未入餐廳已被神秘入口驚嘆。

面對高級食材，三人都忍唔住打卡留念！

魚子醬同手指公一樣咁大！

高Ling大讚島根縣鰆魚配魚子醬最驚艷！

到訪史上最快奪得三星嘅米芝蓮餐廳。

呢個「與地球對話」套餐約3,646港元。

400朵玫瑰花嘅女性專用露天溫泉，高Ling急不及待落水梳乎！

今集介紹的三間餐廳都非常駕勢，先講人均約2,754港元的鐵板燒餐，食盡鯛魚界最頂級的甘鯛松笠燒、日本龍蝦配日式高湯汁，當食到約1,530港元的神戶牛菲力牛扒時，6號直言是「人生Top 3好味的牛」，再次招來C君狂窒：「成日將啲嘢講到咁誇張！」揀了一把大刀切牛扒的6號，為自己平反時不自覺揮刀，嚇到高Ling高呼：「你唔好拎把刀揈吓揈吓，好驚呀！」三人互動勁爆笑。

第二間不容錯過的fine dining，是國際知名奢華品牌開設的全球第一間高級餐廳，而本節目製作組更是全球第一間正式拍攝的電視台，相當威水！餐廳以hidden隱密式門面為設計，高Ling未進餐廳已被「神秘入口」驚艷：「連入門口都係surprise！」由於餐廳採取介紹制兼預約制，6號特意邀請了大阪「Grand界KOL」Jason Lim任推薦人帶三人朝聖，以66,000日元（約3,370港元）豪歎廚師發辦晚餐。

三位主持不約而同大讚島根縣鰆魚配魚子醬最驚艷，「美女試食專員」高Ling表示：「首先魚子醬嘅冰凍，加上魚嘅暖笠笠係雙重刺激，蕃薯嘅甜同魚子醬嘅鹹又係第二種層次，喺口入面交融…我究竟taste邊樣先呢？好正，形容呢間餐廳係會詞窮架！」6號則一如既往以誇張手法形容：「升仙嘅感覺！」C君亦「食神」上身大嘆：「食唔番點算！呢間餐廳印證識人好過識字。」