方力申$50挑戰窮食茶記 結果只能叫呢樣嘢食

$50 可以食啲咩呢﹖

娛圈「億萬筍盤」方力申投資有道，家中有唔少價值不菲的收藏品外，更以半億購入元朗獨立屋。身為「隱形富豪」的他，近日拍片挑戰以$50在尖沙咀吃到飽，而他選擇在尖沙咀海防道臨時熟食市場作為挑戰地點。

方力申拍片挑戰$50 可唔可以吃到飽

當方力申坐低查看餐牌時，發現大部分的碟頭飯同埋炒嘢都超過預算，惟有點了一碗$42的雲吞麵，本來小方還打算嗌一杯飲品，可是單單是汽水已經要$10罐，完全唔夠錢，他亦無奈表示：「飲料呢？別想了。」最後他惟有苦笑說食完到外面買嘢飲。

茶記老闆仲拍心口話$50夠食

一望餐牌就知無乜選擇

最後惟有揀雲吞麵

小方加了辣椒食到面有難色，惟有食完在外邊買水飲

期間他提到自己平日斷食，戲稱這是最省錢的方法：「原來我現在才知道香港吃東西那麼貴，幸虧平常的我是一天吃一頓飯，斷食。可能我現在要重新的再斷食，兩日吃一頓。」

方力申表示跑完才發現跑步和游水是兩回事。

機場三跑道系統十公里國際賽今日（11月17日）早上舉行，方力申都有參與其中，他對自己的表現感到「失禮、慚愧」，並自爆沒有為賽事練跑，因為認為自己每星期都游10幾公里水會頂得住，但跑完才發現跑步和游水是兩回事，「我都係游返水好啲。」

方力申對自己的表現感到「失禮、慚愧」。（本網記者攝）

問到在機場跑的感覺如何？方力申表示：「好好啊，我有個朋友攞咗個牌嚟，個牌係98年2月22號新機場，即係1998年開嘅時候，佢特登帶嚟做紀念，眨下眼就過咗咁多年，唔知幾時再有第四條跑道呢，會唔會又係廿幾年之後？」他又表示有留意到有航班升降，自言不能在一小時內完全賽事全因為要與航班合照打卡，並大讚現場有很多工作人員，保護參賽者的措施保得好，現場氣氛依然好好！

方力申表示在機場跑感覺很好。（本網記者攝）

掛住與航班合照打卡，所以未能在一小時內完成賽事。（本網記者攝）

問到會否擔心落雨影響比賽？方力申笑言：「好彩我唔怕水，所以我都唔係好怕落雨。」不過，他就坦言跑得好辛苦，但能參賽是非常難得的事，「我幾年無跑過步，所以都係辛苦，但好彩係平路，再少少斜路我就搞唔掂。」

方力申表示雖然跑得好辛苦，但能參賽是非常難得的事。（本網記者攝）