Archie在圈中發展順利!
《聲夢傳奇》歌手冼靖峰(Archie)日前到新城廣播接受譚玉瑛(阿譚)、何基佑、黃筠兒主持的《QK玉瑛室》訪問,近日推出新歌《無意冒犯》的Archie,透露新歌是自己18歲時的親身經歷,「嗰時我鍾意咗一個女仔,用咗一年時間去追佢,我哋每日都會互傳短訊,好似拍拖咁,但最尾我都冇開口,因為我覺得跨越咗條線之後,會連朋友都冇得做。」
冼靖峰(Archie)接受新城《QK玉瑛室》訪問。
何基佑聞言取笑Archie,他說:「咁你咪白白服咗一年乒役?」阿譚即謂:「咁又唔算,佢都冇serve人。」Archie再爆料,指自己因愛慕該女生,所以曾投其所好,對方的嗜好亦成為他的嗜好,「而且佢讀書好叻,我都要叻,要追趕佢步伐;之後我入大學撞番佢,有問佢知唔知我當年追佢?佢話『知,我等緊你開口咋』,不過問完後都冇再聯絡。」
Archie希望做到唱而優則演。
開心終於養到自己!
入行差不多3年的Archie在圈中發展順利,他亦展望將來,希望做到唱而優則演,「其實呢幾年我都試咗好多嘢,有唱歌、拍劇、主持同加入男團,多謝公司畀咁多機會我。」然而,家人最初擔心他三分鐘熱度,故極力反對他入行,「依家起碼養到自己,短期內目標係推出多啲自己作品,嘗試演多啲唔同角色。」
詳細節目內容,請重溫7月12日,下午3-4時,新城知訊台《QK玉瑛室》節目,網址:https://www.metroradio.com.hk/MetroInfo/
Archie練到好大隻手瓜起𦟌!
冼靖峰(Archie)、關楓馨(Fabi) 昨日(9月7日)接受新城知訊台薛家燕、范振鋒、思敏主持「開心大派對」節目訪問,MBO TV同步直播。家燕姐最近與Archie、Fabi一同主持電視煮食競賽節目「家常便飯爭霸戰」,家燕姐大讚跟兩位好有默契,坦言初初Archie好有隔膜,因他擔心家燕姐是否可以講笑?家燕姐為令Archie放下戒心,不時特登搵他來搞笑,大讚Archie:「但他好受落,又快接到位,好醒目!永遠講嘢唔會講晒,總是會留番啲俾前輩講,好尊重前輩。」
冼靖峰、關楓馨現身新城「開心大派對」訪問。
家燕姐更讚Archie練到好大隻手瓜起𦟌,好奇問他平時食乜?Archie大方即答:「平時只吃白烚雞胸肉、白烚西蘭花、白烚紅籮筐,再攪爛變成汁。」家燕姐很佩服Archie的堅持及毅力,更對Archie的一句話感到佩服:「我見佢日日食雞胸肉蔬菜汁,問佢唔悶咩?跟著佢答『只係飲10年啫!』。」家燕姐及思敏笑曬要求Archie即場騷麒麟臂,阿范在旁笑謂:「依家做男藝人好慘!」
冼靖峰(Archie)與關楓馨(Fabi)最近一同主持電視煮食競賽節目「家常便飯爭霸戰」。
Archie揭爆肌餐單。
家燕姐對關楓馨別名叫「Fabi」感到好奇!
而家燕姐對關楓馨別名叫「Fabi」感到好奇,問她點解叫「Fabi」? 她即解釋:「爸爸媽媽改我英文名叫Fabienne,比較難讀,『Fabi』係簡稱。」家燕姐即笑言:「我英文名叫『Nancy』,因為驚大家覺得難讀,簡稱叫我做「𡃁 (Nan) !」Fabi與眾人笑到捧腹!
Archie被家燕姐吶喊露麒麟臂!
詳細精彩內容,請重溫9月7日,下午3- 4時,新城知訊台《開心大派對》節目 ,重溫網址:https://www.metroradio.com.hk/MetroInfo/