與過百歌迷開Party慶生 壽星仔陳健安唱未派台新歌驚喜回禮

生日會上，粉絲還鬥晒安仔「黑圖」，笑爆全場！

陳健安日前與過百「族人」（安仔粉絲暱稱）開Party慶祝生日，亦是自官方歌迷會「本原族」成立後第二年舉辦生日會。「族人」精心佈置場地，擺放多個一比一人形紙牌打卡位，更特意準備安仔在《Live afteR Life》演唱會中的小王子造型生日蛋糕，非常有心思。壽星仔亦送上驚喜回禮，獻唱未派台新歌，與「族人」玩遊戲時更掀回憶殺，場面感動。

安仔日前與過百「族人」開生日Party。

生日會上，安仔揮動印有歌迷會Logo的旗幟霸氣出場，現場尖叫聲四起。他隨即與「族人」大玩遊戲，其中「挑選與安仔歷史最悠久合照」的環節更掀起無數回憶。有「族人」揀選2011年與C AllStar於《新預言書》簽唱會上的合照，安仔驚訝說：「嗰時係啱啱加盟寰亞音樂呀！」全場起哄。

安仔揮動印有歌迷會Logo的旗幟霸氣出場。

安仔揮動印有歌迷會Logo的旗幟霸氣出場。

隨後，有「族人」拿出2010年C AllStar勇奪「叱咤樂壇生力軍金獎」時的合照，成功勝出比賽，每張合照、每段回憶都讓安仔非常感動。感動過後就到全場High爆時刻，就是「挑選安仔黑圖」環節，瞇眼、張嘴、反白眼樣樣齊，安仔笑得開懷再跟「黑圖」合照，場面爆笑。他說：「見到佢哋揀相嘅過程，從來未見過佢哋咁開心。佢哋開心，我就開心。」

粉絲鬥晒安仔的「黑圖」。

「族人」送上安仔在演唱會上的小王子造型生日蛋糕，旁邊還有他最愛的「螢螢」（外星人），心思爆燈。眾人合唱生日歌後，壽星仔許願時誤將「蠟燭」說成「火燭」，全場爆笑。「小族人」更連環送上Birthday Kiss，𠱁得安仔非常開心。談到今年的生日願望，他說：「上年嘅生日願望係開到第一個個人騷，今年實現咗。今年嘅願望係繼續做音樂，希望嚟緊可以喺唔同場地開騷，不過唔急，儲下啲歌先。今年嘅歌齊全，下年嘅歌都有啦。」

「族人」送上小王子造型生日蛋糕，旁邊還有安仔最愛的「螢螢」。

安仔感謝「族人」一直的支持和陪伴，「我哋繼續陪伴大家，我繼續感受呢個世界，將感受放喺歌入面同大家分享，呢個係我一世嘅願望。希望好似歌詞咁，『難得一起我們也不錯』」，「族人」報以熱烈掌聲回應。

安仔感謝「族人」一直的支持和陪伴！

生日會尾聲，安仔逐一為「族人」簽名兼合照，更獻唱未派台新歌大派福利。他說：「大家可以去我社交平台玩估歌名，首歌5個字，我XXX你，估中咗我會Follow你。」而在眾多的禮物中，安仔特別喜歡戴上生日帽的「卡通安」別針，他即場扣上笑說：「佢哋知道我好鍾意Pin，成個背囊都係。呢個Pin係刺繡，好靚好精美。」

大合照

音樂會吸引Fans和途人逾千人圍觀！

「寰亞音樂」其中兩位唱將，馮允謙（Jay）和陳健安（安仔），一同在12月12日推出個人專輯，日前他們更一同在尖沙咀星光大道梳士巴利花園活動平台舉行「Jay Fung x On Chan MUSIC NIGHT AT THE HARBOUR」音樂會，他們的家人、新碟歌曲班底、音樂人朋友等捧場。在四面台上演出，Fans和途人逾千人圍觀，反應非常熱烈，他們即興encore，全場尖叫歡呼。

Jay和安仔一同舉行「Jay Fung x On Chan MUSIC NIGHT AT THE HARBOUR」音樂會，師妹Me&擔任表演嘉賓。

音樂會由Me&的黃淑蔓（Feanna）和連家穎（Vian）打頭陣，演唱充滿聖誕氣氛的新歌《Me& My Christmas Town》，雖然當日是入冬最寒冷晚上，室外只有13度又大風，但她們穿著短裙大曬長腿跳唱，全場氣溫急升。接著Jay和安仔出場，合唱安仔新碟內作品《我違和但我不糾正》 。

音樂會由Me&打頭陣。

演唱充滿聖誕氣氛的新歌《Me& My Christmas Town》。

Jay和安仔接著出場，並合唱安仔新碟內作品《我違和但我不糾正》 。

之後安仔獨唱《戀愛腦之死》和《我很不愛你》後，安仔分享了兩個故事：「早幾年有一個朋友因病離開咗，佢臨走前一晚，叫晒啲朋友去醫院見佢，佢每一眼都好用力，好好記住每一個人。我亦諗起第二個朋友，早前佢有一位好親、好愛嘅人離世，佢覺得生無可戀，甚至乎諗過自己都離開呢個世界。我呢首歌係想送畀我現世嘅朋友，希望當你有啲諗唔開嘅時候，好似歌詞所講，每個人心入面都有美好嘅嘢，值得我哋留喺現世，就好似『象牙白』呢隻顏色，就算褪色仍然優雅。」然後他唱出新歌《心裡尚有象牙白》和《當我們返回現世》。

安仔之後獨唱《戀愛腦之死》和《我很不愛你》。

又分享了兩個故事。

接著Jay出場，一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲，台下Fans熱情揮動燈牌和歡呼。安仔再度上台，Jay表示當年參加歌唱比賽時，安仔以C AllStar身份擔任表演嘉賓，他記憶猶新。原定二人合唱《遠在眼前》後完騷，但Fans反應太熱烈，狂嗌encore，Jay和安仔即興拉埋捧場睇騷的音樂人，分別唱出《在最好的時間做最好的你》和《在錯誤的宇宙尋找愛》，音樂會圓滿結束。

接著Jay出場。

並一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲。

音樂會後，Jay和安仔都表示非常喜歡戶外表演，安仔說：「見到好多人圍觀好熱鬧，唱歌嘅時候仲見到有船駛過，感覺好特別。」Jay透露唱歌時吸了一口冷風後咳嗽，狂飲水舒緩。Jay帶著新碟《EMO》，安仔亦帶著新碟《PROJECT REJECT》，互相向對方介紹自己新碟的特別包裝設計。Jay說：「你可以轉動旁邊呢個位置，咁封面嘅顏色就會變，代表唔同嘅情緒！」百厭的安仔立即來回狂轉動，笑言：「嘩，情緒波動呀！」而安仔就向Jay講解要撕爛其包裝才可取出唱片，寓意打破既有思想。Jay一邊撕開一邊笑說：「搣爛晒，我好心痛呀！」

安仔、Jay

而表演嘉賓Me&的Vian說：「我第一次喺耳機聽到Jay和安仔唱歌，感覺好神奇，好好聽。」Feanna說：「我覺得最神奇係聽到你唱歌，進步咗好多。其實每次上台表演前我都特別緊張，但你好淡定，幫咗我好多。」她們表示相隔一年，Me&再有新歌表演非常開心，希望有更多表演機會。Vian自爆出場前一邊耳機臨時故障，被Feanna取笑是「機器之鬼」。

全場大合照。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。