黃淑蔓又組團又solo壓力山大曾迷失 陳健安分享靠創作尋找自我走出困局

黃淑蔓坦言言前陣子感到迷失！

恭喜唱作歌手陳健安新歌《戀愛腦之死》登上「903專業推介」、「CHILL CLUB推介榜」和「新城勁爆流行榜-本地榜」三大流行榜冠軍！早前安仔與「寰亞孻女」黃淑蔓（Feanna）為音樂平台「谷LIVE」Studio Live演出，Feanna演唱《I am All Alone》、《已刪除的時間線》和《我的受保護動物》，以及安仔演唱《戀愛腦之死》、《唔明你講乜》和翻唱Kiri T的《至少做一件離譜的事》，他們還將《如果青春不會有盡頭》與《仍然是那個少年》重新編曲，讓兩首歌互相呼應，令人耳目一新。

陳健安與黃淑蔓（Feanna）為音樂平台「谷LIVE」Studio Live演出。

黃淑蔓短短四個月派三首新歌。

雖然Feanna年紀輕輕，但出道早，加入寰亞音樂接近十周年，所以同公司大部份歌手都稱她「師姐」，不過在安仔面前就是小師妹，因為他以C AllStar成員身份加入公司超過十三年，Feanna笑嗌「師兄」。提到二人各有新歌派台，Feanna說：「我首《我的受保護動物》係講一啲發生喺超級熱戀期少女嘅事情，我形容係你首歌《戀愛腦之死》嘅前傳。」安仔讚歎Feanna的心思。

「而我首《戀愛腦之死》係講一個人被戀愛腦搞到無咗自我，然後慢慢醒覺，唔畀自己再係咁落去。」安仔認為Feanna很理智，甚至會主動拯救戀愛腦朋友。Feanna自爆是超級戀愛腦，即使身邊人力勸都無用，她還引用安仔《仍然是那個少年》歌詞 「不准聽勸告 仍然有青春的道路 任性得叫前人看到 會警告」。

陳健安新歌《戀愛腦之死》登上三大流行榜冠軍。

他向小師妹分享靠創作尋找自我走出困局。

兩人將《如果青春不會有盡頭》與《仍然是那個少年》重新編曲。

Feanna短短四個月派三首新歌，連她自己都不敢相信，說：「推出Me&團歌之後，我著手籌備solo歌。《I am All Alone》之後，咁啱電視劇播放，推出電視劇歌曲《已刪除的時間線》，因為錄歌時未知播劇日期，個劇播嘅時候咁啱我要派solo新歌喎，所以好驚喜咁四個月派三首歌。其實我好開心，密集嘅感覺令我重拾工作嘅步伐。」她坦言前陣子感到迷失，現在很開心和感恩。

安仔提議Feanna聽他的歌《未知道》，說：「呢首歌係我由C AllStar轉為單飛發展推出，我組團超過十年，轉單飛初期好迷失，又失聲。為咗搵返自己，我收埋自己，唔搵幾個兄弟和監製，又斷食又冥想，好想清空自己歸零。當時好大壓力，結果透過創作，寫歌去睇返自己係乜嘢！其實你依家又可以女團又可以solo ，係好事，雖然都會大壓力。」Feanna獲益良多，表示會細味歌詞，說：「多謝師兄！」

陳健安

「寰亞孻女」黃淑蔓（Feanna）

陳健安與黃淑蔓（Feanna）為音樂平台「谷LIVE」Studio Live演出。

恭喜「寰亞孻女」黃淑蔓（Feanna）日前憑微電影《深房I am not alone》於「第六屆亞洲影藝國際電影節」再奪最佳女主角（短片）獎，導演吳詠琪則獲得「特別推薦獎」，雙喜臨門。

黃淑蔓日前憑微電影《深房I am not alone》於「第六屆亞洲影藝國際電影節」奪得最佳女主角（短片）獎。

本屆共38部作品，來自世界各地，角逐不同獎項。Feanna領獎致詞：「多謝亞洲影藝國際電影節，噚日我都有嚟睇其他入圍嘅作品，來自唔同地方，多謝大家咁鍾意電影，希望大家繼續多多支持。我喺今次微電影有少少突破，如果大家鍾意，可以上網睇多次呢部電影《深房》，亦可以聽埋我哋為咗呢部電影創作咗一首作品《I am All Alone》，多謝！」她再次多謝公司、家人、Fans，以及合作無間的導演吳詠琪和團隊支持。昨日不少Fans買飛入場睇戲和捧Feanna場，見證她再得獎，送花和禮物恭賀，她逐一替他們在戲票上簽名和合照留念。

《深房》

Feanna多謝公司、家人、Fans，以及合作無間的導演吳詠琪和團隊支持。

之後Feanna接受訪問，她興奮地說：「個獎座印咗我個名架！今次係我第二次得到演員獎項，雖然我之前都有拍電影上銀幕，但噚日放影會，喺大銀幕睇到呢部微電影《深房》，好震撼，感覺好唔同。之前為咗演出，專程跟邵美君老師上acting class，我覺得喺我音樂事業上都會係有相輔相成嘅幫助，亦好期待演藝上有唔同嘅作品。」

Feanna表示在大銀幕看到《深房》，感覺好震撼。

戲中Feanna雖然對白不多，但表情和演技讓觀眾投入其恐懼的心理狀態，有不寒而慄的感覺，她笑說：「有Fans睇完話好驚，建議我拍恐怖片。其實我好想演喪屍片，好有型嗰種，著比堅尼配長牛仔褲、高踭鞋，揸住支槍周圍嘭嘭嘭。就算要化恐怖妝都ok，我慣咗素顏出街，拍《深房》都係化好少妝，我已經放低咗呢個包袱！」

Feanna在戲中對白不多，但表情和演技讓觀眾投入其恐懼的心理狀態。

Feanna笑言好想演喪屍片。

今年3月第十一屆微電影「創＋作」支援計劃（音樂篇），吳詠琪執導、黃淑蔓（Feanna）主演的《深房I am not alone》勇奪專業組三項大獎，其中Feanna憑出色演技奪得「最佳微電影女主角」金獎；而「第六屆亞洲影藝國際電影節（AFAIFF）」於今年十月底展開，由香港影藝協會（HKFAA LTD）、香港影藝聯盟（HKFAA）和澳門電影藝術協會（MFAA）共同舉辦，旨在激勵電影人才，是展示來自世界各地的電影製作人和影視創作的國際電影節。