阿Sa多謝粉絲一路的相伴和自己一路的堅持。
今日（8月1日）是蔡卓妍（阿Sa）入行24年的大日子，她在IG指因為收到粉絲的提醒和祝福，才想起這個重要日期。
蔡卓妍（阿Sa）發長文慶祝入行24週年。
阿Sa出道至今紅足咁多年！
阿Sa感性表示︰「雖然呢一刻，因為連續幾日10幾個鐘拍攝嘅工作而仲攤喺張床度，但係我一路睇住你哋嘅post，內心係非常澎湃嘅。見到大家拍嘅視頻、大家嘅留言，好多畫面都喺我個腦裏面出現。雖然今日仍然係普通嘅一日，我哋各自喺自己嘅生活軌跡裏，面對各自嘅工作同生活，但係呢一日你哋會用心記住、幫我慶祝，對我嚟講係好特別嘅。特別感恩呢一路都有你哋相伴，亦都多謝我自己一路嘅堅持。感謝嘅說話我唔多講喇，在心中！我相信你哋都知道，你哋用咗咁多時間嚟了解我，然後仍然支持我，呢個真係一個莫大嘅鼓勵同感動。蔡卓妍會繼續努力！所以，我決定，今日獎勵自己休息一日，養好精神。我哋後日見啦﹗」
阿Sa年初與好姊妹鍾欣潼（阿嬌）完成14場Twins 22周年演唱會。
目前正在內地舉行巡唱。
