馮允謙黃淑蔓出席紅十字會慈善義賣啟動禮 Jay處男電影上映難忘劇本翻譯成J星文

好想睇吓J星文！

「唱作王子」馮允謙（Jay）日前與「寰亞孻女」黃淑蔓（Feanna）出席香港紅十字會「愛心相連大行動」，並以星級愛心大使身份，與本地人氣插畫「 Dustykid塵 」舉行活動啟動禮，率先開箱今年限量愛心慈善義賣品。

馮允謙與黃淑蔓一起出席活動

馮允謙與黃淑蔓一起出席活動

大合照

率先開箱今年限量愛心慈善義賣品

黃淑蔓

馮允謙

馮允謙

兩位星級愛心大使

Jay表示在加拿大讀大學的時候，曾為當地紅十字會做義工，參加賣旗籌款活動，成班同學一齊做善事好開心。而Feanna早前亦有為小動物參與慈善賣旗，她說：「早上八點開始喺大埔，企喺條街度賣旗，大家反應好好，我好鍾意親身去做慈善活動，幫到其他人自己亦會好開心。」日前Feanna憑微電影《深房》再奪女主角獎項，非常開心，身旁Jay連聲恭喜，而他亦透露第一次拍電影《得寵先生》即將上映，心情興奮又緊張。Jay說：「今次電影與好多前輩合作，『旦哥』鄭丹瑞、Amy Lo（盧慧敏）、Fish（廖子妤）啦，佢哋個個都對我好好。」他坦言最困難是將中文劇本翻譯成只有他才看得懂的J星文，他說：「真係好多謝同事，佢哋用中文讀出嚟畀我翻譯，仲要解釋意思畀我知，同我一齊諗點樣去演，好辛苦但完成後好有成功感。呢部電影表面係講人同寵物嘅故事，其實都有講人與人嘅關係，好有意思，前幾日我第一次睇呢部戲，好感動！」

原來Jay是擔心要講中文對白。

寰亞電影《得寵先生》將於本月28日正式上映，日前舉行「狗狗慈善～人寵共融慈善優先場」，狗狗與主人一齊在戲院睇戲，全院滿座，非常熱鬧。導演兼編劇李志偉和何英毅、女主角盧慧敏（Amy）、小演員黃梓樂，以及戲中飾演「熊貓仔」的狗演員CowCow現身謝票。他們與狗狗和主人們合照，Amy更被其中一隻小狗興奮濕吻，畫面相當激情。事後Amy托著頭，扮害羞笑說：「好耐無呢個感覺，好懷念！」

《得寵先生》日前舉行「狗狗慈善～人寵共融慈善優先場」。

導演兼編劇李志偉和何英毅、女主角盧慧敏、小演員黃梓樂，及戲中飾演「熊貓仔」的狗演員CowCow現身謝票。

Amy被其中一隻小狗興奮濕吻。

Amy被其中一隻小狗興奮濕吻。

Amy被其中一隻小狗興奮濕吻。

Amy被其中一隻小狗興奮濕吻。

Amy被其中一隻小狗興奮濕吻。

《得寵先生》是講一位被遺棄的老人與狗狗彼此扶持的勵志電影，人與狗狗關係非常密切，本月初舉行兩場人寵場，反應熱烈。上周末再接再厲加開一場，門票迅速售罄，Amy入場見到主人們抱著狗狗睇戲好感動，她說：「呢個畫面好美麗，狗狗唔只係寵物，仲係家人。」這場次很多身型較細小的狗狗，主人替牠們悉心打扮，非常可愛。問答遊戲時，有主人更高舉手上狗狗當舉手搶答，十分搞笑。

Amy見到主人們抱著狗狗睇戲好感動。

主人和狗狗們都反應熱烈。

此外，第一次拍電影的馮允謙（Jay）首日加入《得寵先生》劇組開工，與戲中女友Amy拍攝一場疑似分手戲。鏡頭前飾演Jay的老員工把行李箱放車上，並與他擁抱和握手道別，氣氛傷感。Amy趕到，熱淚盈眶，依依不捨地告別。第一天拍攝就要演一場沉重的戲份，Amy爆料Jay問她26次「緊唔緊張」，原來他最擔心是講中文對白。

Jay第一日開工就要拍攝與戲中女友Amy的疑似分手戲。

Amy爆料Jay問她26次「緊唔緊張」。

Jay說：「我以為自己會好緊張，原來幾好玩。可能啱啱拍完新歌MV，演好多唔同造型、角色，今日當自己拍MV。不過拍電影要演得好細緻，Amy做得好好，係好好嘅示範，見到Amy交戲交得咁好，我問自己點樣可以演得更好呢？佢喺我上車走咗之後，繼續遠遠咁望住我，佢喊，但又唔可以喊得太淒涼，有兩行眼淚滴落嚟！」身旁的Amy追問他自己喊樣如何？Jay賣口乖：「好靚！」Amy立即滿意點頭甜笑，Jay果然是「暖男擔當」。

Jay表示以為自己會好緊張，原來幾好玩。

又大讚Amy做得好好。

Amy爆料，笑指Jay到場後問她足足26次「緊唔緊張」，她說：「我以為佢自己好緊張，所以咁樣問我，點知佢心話唔係好緊張，原來因為今場戲對白少，佢最緊張要講中文對白。」Jay說：「係呀，平時拍MV唔使講對白，只要用動作同埋表情去演，但拍電影要講對白、眼神、情緒都要好細微。」