今日下午Jay現身商台接受鄭裕玲(Do姐)節目《口水多過浪花》的直播訪問,突然工作人員在旁邊的房間,隔著玻璃舉牌示意Jay今日公開發售的演唱會門票全部售罄,Do姐隨即在節目中公告好消息:「哎呀,你個concert sold out啦!恭喜晒你呀!戥你好開心!」Jay開心高呼:「Oh my god!真㗎?多謝!好開心同Do姐你一齊分享呢個moment!」他合十感謝,說:「多謝所有觀眾、多謝我嘅fans,多謝買飛入嚟睇Jay Fung,第三年solo show,我會繼續努力!」
「唱作王子」馮允謙(Jay)即將於10月再踏紅館,舉行第三次個人演唱會「AXA安盛呈獻:the SOUNDTRACK of my LIFE 馮允謙演唱會2024」。閉關排練之前,專程飛到泰國曼谷拍攝新歌《無理取樂》MV,邀請當地的導演團隊及舞蹈員,在擁過百年歷史的的圖書館Neilson Hays Library取景。
在MV中飾演圖書館館理員的Jay說:「今次新歌係一首快歌,叫做《無理取樂》。作曲人係我,Matt Chow編曲、監製有T-Ma同埋我、Oscar填詞。《無理取樂》點解?有時讀書或工作好忙、好煩惱、遇到好多狀況,呢首歌就係叫大家放低所有唔開心或者包袱,Let it go,享受呢一刻。」專程到泰國取景,原來是被大師姐鄭秀文(Sammi)《心魔》MV啟發,他說:「今次到泰國拍MV,邀請泰國導演合作,之前見到Sammi喺度拍嘅MV真係好出色、好靚。」