Do姐直播節目宣布紅館騷門票全部售罄 馮允謙興奮歡呼：OMG！

Jay感謝Fans的支持，並承諾一定會努力做好演唱會！

恭喜「唱作王子」馮允謙Jay，10月9至11日再踏紅館，舉行第三次個人演唱會「AXA安盛呈獻：the SOUNDTRACK of my LIFE 馮允謙演唱會2024」，門票今日（8月6日）公開發售，火速售罄。

馮允謙紅館演唱會門票已火速售罄。

今日下午Jay現身商台接受鄭裕玲（Do姐）節目《口水多過浪花》的直播訪問，突然工作人員在旁邊的房間，隔著玻璃舉牌示意Jay今日公開發售的演唱會門票全部售罄，Do姐隨即在節目中公告好消息：「哎呀，你個concert sold out啦！恭喜晒你呀！戥你好開心！」Jay開心高呼：「Oh my god！真㗎？多謝！好開心同Do姐你一齊分享呢個moment！」他合十感謝，說：「多謝所有觀眾、多謝我嘅fans，多謝買飛入嚟睇Jay Fung，第三年solo show，我會繼續努力！」

Jay在Do姐節目《口水多過浪花》的直播中得知演唱會門票全部售罄。

Jay開心高呼Oh my god！

又雙手合十感謝fans的支持。

節目結束後，Jay步出直播室，興奮地說：「Oh my god！我好開心，終於今晚有覺好瞓。噚晚瞓得唔係咁好，因為真係諗緊今次個騷要點呢？啲飛賣成點呢？啲人會唔會再睇Jay Fung嘅騷？所以依家係個肯定，多謝你哋，一日就賣晒啲飛，我會努力，希望good show，大家enjoy，我一定會努力，Thank you！」

Jay離開直播室後依然好興奮。

Jay承諾一定會為演唱會努力！

Jay成功申請在擁過百年歷史的的圖書館Neilson Hays Library拍攝MV。

「唱作王子」馮允謙（Jay）即將於10月再踏紅館，舉行第三次個人演唱會「AXA安盛呈獻：the SOUNDTRACK of my LIFE 馮允謙演唱會2024」。閉關排練之前，專程飛到泰國曼谷拍攝新歌《無理取樂》MV，邀請當地的導演團隊及舞蹈員，在擁過百年歷史的的圖書館Neilson Hays Library取景。

Jay飛到泰國曼谷拍攝新歌《無理取樂》MV。

MV在擁過百年歷史的的圖書館Neilson Hays Library取景。

觀看相關影片按連結：https://youtu.be/k3FBgUqKNrE

這棟圓頂大廳、古典支柱、光澤的柚木燈具和書櫃，氣質優雅的圖書館，由義大利建築師Mario Tamagno設計，於1922年興建落成，採用新古典主義風格。平日圖書館所有室內範圍均不能拍照，今次Jay成功申請入內拍MV，實在難得，他非常珍惜。之後移師到一間大學校園取景，期間Jay將走廊變T台，邊行身後不斷爆出紅色紙炮，好有氣勢。

圖書館所有室內範圍平日均不能拍照，今次Jay成功申請入內拍MV，實在難得！

之後移師到一間大學校園取景。

Jay將走廊變T台。

邊行身後不斷爆出紅色紙炮。

好有型！

在MV中飾演圖書館館理員的Jay說：「今次新歌係一首快歌，叫做《無理取樂》。作曲人係我，Matt Chow編曲、監製有T-Ma同埋我、Oscar填詞。《無理取樂》點解？有時讀書或工作好忙、好煩惱、遇到好多狀況，呢首歌就係叫大家放低所有唔開心或者包袱，Let it go，享受呢一刻。」專程到泰國取景，原來是被大師姐鄭秀文（Sammi）《心魔》MV啟發，他說：「今次到泰國拍MV，邀請泰國導演合作，之前見到Sammi喺度拍嘅MV真係好出色、好靚。」

Jay透露專程到泰國取景，原來是被大師姐鄭秀文《心魔》MV啟發。

今次導演曾在外國留學，跟Jay英語溝通，同聲同氣。此外還有八位舞蹈員，他們在圖書館內跳舞，Jay在泰籍排舞師指導下，亦跟隨手舞足蹈。他說：「其實呢首快歌係需要我有少少跳舞，Dancers跳得好好，我都有郁吓，最初有少少尷尬，導演團隊同排舞師好好，見我跳舞冇乜信心就不停歡呼打氣，令我冇咁驚。」因此他與舞蹈員越來越有默契，其中一幕Jay在圖書館裏做到「我要爆啦」的感覺，他與八位舞者一齊向天拋擲紙張，畫面震撼！

今次MV有八位舞蹈員。

在泰籍排舞師指導下，Jay亦跟隨手舞足蹈。

新歌《無理取樂》突破Jay過往曲風，他說：「我做過好多唔同類型嘅曲風，今次想做懷舊感重啲，想大家對我有新感覺，放Disco元素入我嘅音樂，今次係一個突破。用咗好多70、80年代嘅Disco感覺，大家聽完希望唔好嚇一跳，其實係特登造到好舊、Classic同埋模仿Disco曲風。」

新歌《無理取樂》突破Jay過往曲風，有70、80年代的Disco感覺。

為爭取時間拍攝，Jay清晨五時半起床，一邊食早餐一邊化妝，七時多便到達圖書館開始拍攝，直到黃昏再乘一個多小時車程，到大學校園繼續取景。導演原本安排晚上在校園空地拍攝大型舞蹈場面，但天文台預告暴雨將至，團隊擔心Jay舟車勞頓太疲倦，加上天氣不似預期，打算將跳舞場面改為室內進行，但Jay認為室外拍攝效果會更理想，叫導演團隊不用擔心。結果，天公造美，整個拍攝時間都天朗氣清，直至最後一個鏡頭，拍攝Jay腳踏雨中水氹的倒影時，暴雨才突然降臨，令整個MV終在晚上十二時多順利完成。

拍攝當晚原本天文台預告暴雨將至，幸好天公造美。

整個拍攝時間都天朗氣清。

直至最後一個鏡頭，暴雨才突然降臨。

Jay說：「因為有一個情景需要濕嘅地下，反映霓虹燈光會好靚，既然飛到嚟泰國梗係盡做啦！好開心，今次成個團隊啲人好好，安排好好，拍攝器材都好正，期待呢個好好睇嘅MV。」雖然日夜趕工，但Jay翌日上機返港前取爭時間到餐廳品嚐地道泰國菜，還在機場買了芒果糯米飯給孖生弟弟做手信，滿載而歸。

與工作人員大合照。